ਧਾਰਾ 370 ਖ਼ਤਮ ਕਰ ਕੇ ਕਸ਼ਮੀਰੀਆਂ ਦੀ ਪਛਾਣ ਖ਼ਤਮ ਕੀਤੀ:ਜਲੀਲ ਰਾਠੌਰ

Posted on:- 12-02-2020

suhisaver

ਸੂਹੀ ਸਵੇਰ ਨੇ ਕਰਵਾਇਆ ਸਲਾਨਾ ਸਮਾਗਮ

ਸੂਹੀ ਸਵੇਰ ਮੀਡੀਆ ਵੱਲੋਂ ਆਪਣੀ 8ਵੀਂ ਵਰ੍ਹੇ ਗੰਢ ਮੌਕੇ ਪੰਜਾਬੀ ਭਵਨ ਵਿਚ ਸਾਲਾਨਾ ਸਮਾਗਮ ਕਰਵਾਇਆ ਗਿਆ। ਇਸ ਦੌਰਾਨ ਕਸ਼ਮੀਰ ਦੇ ਸੀਨੀਅਰ ਪੱਤਰਕਾਰ ਜਲੀਲ ਰਾਠੌਰ ਨੇ ਮੁੱਖ ਬੁਲਾਰੇ ਵਜੋਂ ਸ਼ਿਰਕਤ ਕੀਤੀ ਅਤੇ ‘ਮੌਜੂਦਾ ਹਾਲਾਤ ਵਿੱਚ ਕਸ਼ਮੀਰ ਅਤੇ ਮੀਡੀਆ’ ਵਿਸ਼ੇ ਉੱਤੇ ਵਿਸ਼ੇਸ਼ ਭਾਸ਼ਨ ਦਿੱਤਾ। ਉਨ੍ਹਾਂ ਆਖਿਆ ਕਿ ਪਿਛਲੇ ਪੰਜ ਸਾਲਾਂ ਤੋਂ ਦੇਸ਼ ’ਚ ਜਿਹੜੀ 120 ਕਰੋੜ ਆਬਾਦੀ ਦਾ ਜ਼ਿਕਰ ਕੀਤਾ ਜਾ ਰਿਹਾ ਹੈ, ਉਸ ’ਚੋਂ 100 ਕਰੋੜ ਦੀ ਆਬਾਦੀ ਦੀ ਕਿਸੇ ਨੇ ਸਾਰ ਨਹੀਂ ਲਈ।

ਸ੍ਰੀ ਰਾਠੌਰ ਨੇ ਕਿਹਾ ਕਿ ਧਾਰਾ 370 ਬਾਰੇ ਸਰਕਾਰ ਦੀ ਤਿਆਰੀ ਕਾਫੀ ਸਮਾਂ ਪਹਿਲਾਂ ਹੋ ਚੁੱਕੀ ਸੀ ਅਤੇ ਪਿਛਲੇ ਕਰੀਬ 5 ਸਾਲਾਂ ਵਿੱਚ ਸਰਕਾਰ ਮਹਿਜ਼ 20 ਕਰੋੜ ਆਬਾਦੀ ’ਤੇ ਕੇਂਦਰਤ ਹੈ ਜਦਕਿ ਬਾਕੀ 100 ਕਰੋੜ ਲੋਕਾਂ ਦੀ ਕਿਸੇ ਨੇ ਸਾਰ ਨਹੀਂ ਲਈ। ਉਨ੍ਹਾਂ ਕਿਹਾ ਕਿ 370 ਦਾ ਖ਼ਾਤਮਾ ਕਰਨਾ ਕਸ਼ਮੀਰੀਆਂ ਦੀ ਪਛਾਣ ਨੂੰ ਖ਼ਤਮ ਕਰਨਾ ਹੈ। ਇਸ ਧਾਰਾ ਦੇ ਹਟਣ ਮਗਰੋਂ ਕਸ਼ਮੀਰ ਦੇ ਛੋਟੇ ਬੱਚਿਆਂ ਦੀਆਂ ਅੱਖਾਂ ਵਿੱਚ ਹੰਝੂ ਸਨ, ਕਸ਼ਮੀਰ ਦਾ ਕਾਰੋਬਾਰ, ਸੈਰ-ਸਪਾਟਾ, ਸਕੂਲੀ ਸਿਸਟਮ ਹੀ ਪ੍ਰਭਾਵਿਤ ਨਹੀਂ ਹੋਇਆ ਸਗੋਂ ਲੋਕਾਂ ਦੀ ਸੋਚ ਨੂੰ ਦੱਬ ਲਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਕਸ਼ਮੀਰ ਦੀ ਪੱਤਰਕਾਰੀ ਵਿੱਚ ਪਿਛਲੇ 30 ਸਾਲਾਂ ਵਿੱਚ ਅਜਿਹਾ ਨਹੀਂ ਹੋਇਆ, ਜੋ ਧਾਰਾ 370 ਦੇ ਮਾਮਲੇ ਵਿੱਚ ਹੋਇਆ। ਉਨ੍ਹਾਂ ਦੱਸਿਆ ਕਿ ਕਸ਼ਮੀਰ ਵਿੱਚ ਕਰੀਬ ਛੇ ਮਹੀਨੇ ਇੰਟਰਨੈੱਟ ਸੇਵਾਵਾਂ ਬੰਦ ਰਹੀਆਂ, ਜਿਸ ਨਾਲ ਪੱਤਰਕਾਰੀ ਵੀ ਪ੍ਰਭਾਵਿਤ ਰਹੀ।

Read More

ਸ਼ਹੀਦ -ਡਾ. ਨਿਸ਼ਾਨ ਸਿੰਘ ਰਾਠੌਰ

Posted on:- 11-02-2020

suhisaver

ਅਰਪਿਤਾ ਬਹੁਤ ਖੁਸ਼ ਸੀ ਕਿਉਂਕਿ ਅੱਜ ਉਸਦੇ ਬੇਟੇ ਅਰਮਾਨ ਦਾ ਚੌਥਾ ਜਨਮਦਿਨ ਸੀ। ਇਸ ਲਈ ਉਸਨੇ ਆਫ਼ਿਸ ਤੋਂ ਵੀ ਛੁੱਟੀ ਲੈ ਰੱਖੀ ਸੀ। ਉਹ ਸਵੇਰ ਤੋਂ ਹੀ ਘਰ ਵਿਚ ਹੋਣ ਵਾਲੀ ਪਾਰਟੀ ਦੀਆਂ ਤਿਆਰੀਆਂ ਕਰ ਰਹੀ ਸੀ। ਘਰ ਵਿਚ ਨਵੇਂ ਗਮਲੇ ਰੱਖਵਾ ਦਿੱਤੇ ਸਨ ਅਤੇ ਨਵੇਂ ਪਰਦੇ ਪਹਿਲਾਂ ਹੀ ਤਿਆਰ ਕਰਵਾ ਲਏ ਸਨ। ਬੰਗਲੇ ਨੂੰ ਰੰਗ- ਰੋਗਨ ਹਫ਼ਤਾ ਪਹਿਲਾਂ ਹੀ ਪੂਰਾ ਹੋ ਚੁਕਾ ਸੀ।

ਅਰਪਿਤਾ ਨੂੰ ਕੰਮ ਨਿਪਟਾਉਂਦਿਆਂ ਦੁਪਹਿਰ ਹੋ ਗਈ ਸੀ। ਹੁਣ ਕੰਮ ਬਾਕੀ ਸੀ, ਸਿਰਫ ਸਾਫ਼- ਸਫ਼ਾਈ ਕਰਨ ਵਾਲਾ। ਅਰਪਿਤਾ ਨੇ ਆਪਣੀ ਤਿਆਰੀ ਵੀ ਕਰਨੀ ਸੀ ਅਤੇ ਬਾਜ਼ਾਰੋਂ ਖਰੀਦਦਾਰੀ ਵੀ ਕਰਨੀ ਸੀ।

“ਮੰਮਾ, ਅਰਮਾਨ ਦਾ ਧਿਆਨ ਰੱਖਣਾ... ਮੈਂ ਬਿਊਟੀ ਪਾਰਲਰ ਜਾ ਆਵਾਂ, ਨਾਲੇ ਬਾਜ਼ਾਰੋਂ ਖਰੀਦਦਾਰੀ ਵੀ ਕਰਨੀ ਹੈ।” ਉਸਨੇ ਆਪਣੀ ਮੰਮੀ ਨੂੰ ਕਿਹਾ, ਜੋ ਆਪਣੇ ਦੋਹਤੇ ਦੇ ਜਨਮਦਿਨ ਲਈ ਉਹਨਾਂ ਦੇ ਘਰ ਆਈ ਹੋਈ ਸੀ।

Read More

ਸਾਹਿਤਕਾਰ -ਗੋਬਿੰਦਰ ਸਿੰਘ ‘ਬਰੜ੍ਹਵਾਲ’

Posted on:- 04-02-2020

ਮੈਂ ਪਹਿਲਾਂ ਕਦੇ
ਇਸ ਤਰ੍ਹਾਂ
ਕਵਿਤਾ ਪੇਸ਼ ਨਹੀਂ ਕੀਤੀ
ਤੇ ਨਾਂਹੀ ਮੈਨੂੰ
ਕਰਨੀ ਆਉਂਦੀ ਹੈ
ਮਾਇਕ ਤੇ ਖਲ੍ਹੋ
ਇਕੱਠ ਨੂੰ ਵੇਖਦਿਆਂ
 
ਖਵਰੇ
ਕਦੋਂ ਸੁਰਤ ਸੰਭਲੀ
ਤੇ ਅੱਖਰਾਂ ਨੂੰ ਜੋੜ
ਸ਼ਬਦ ਬਣੇ
ਤੇ ਸ਼ਬਦਾਂ ਨੂੰ ਜੋੜ
ਲਾਇਨਾਂ ਬਣਾ ਲਈਆਂ
ਮਨੋ-ਭਾਵਾਂ ਨੂੰ
ਸਮੇਟਦੀਆਂ

Read More

1 ਫਰਵਰੀ ਤੋਂ ਲੈ ਕੇ 9 ਫਰਵਰੀ ਤੱਕ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਵਿਖੇ ਲੱਗੇਗਾ ਕਿਤਾਬ ਮੇਲਾ

Posted on:- 31-01-2020

suhisaver

ਚੰਡੀਗੜ੍ਹ : ਨੈਸ਼ਨਲ ਬੁੱਕ ਟਰੱਸਟ ਭਾਰਤ ਵੱਲੋਂ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੇ ਸਹਿਯੋਗ ਨਾਲ ਲਗਾਏ ਜਾ ਰਹੇ ਕਿਤਾਬ ਮੇਲੇ ਵਿਚ 70 ਤੋਂ ਵੱਧ ਪਬਲਿਸ਼ਰ ਹਿੱਸਾ ਲੈ ਰਹੇ ਹਨ, 1 ਫਰਵਰੀ ਤੋਂ ਲੈ ਕੇ 9 ਫਰਵਰੀ ਤੱਕ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੇ ਗਾਂਧੀ ਭਵਨ ਦੇ ਸਾਹਮਣੇ ਮੈਦਾਨ ਵਿਚ ਲੱਗ ਰਹੇ ਉਕਤ ਕਿਤਾਬ ਮੇਲੇ ਦੀ ਵਿਸਥਾਰਤ ਜਾਣਕਾਰੀ ਦਿੰਦਿਆਂ ਡਾ. ਗੁਰਪਾਲ ਸੰਧੂ, ਨਵਜੋਤ ਕੌਰ, ਦਵਜਿੰਦਰ ਕੁਮਾਰ ਅਤੇ ਸੁਭਾਸ਼ੀਸ਼ ਦੱਤਾ ਹੁਰਾਂ ਨੇ ਸਾਂਝੀ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ 9 ਦਿਨ ਚੱਲ ਚੱਲਣ ਵਾਲੇ ਇਸ ਕਿਤਾਬ ਮੇਲੇ ਵਿਚ ਪੰਜਾਬ, ਹਰਿਆਣਾ, ਹਿਮਾਚਲ, ਰਾਜਸਥਾਨ ਅਤੇ ਦਿੱਲੀ ਦੇ ਪਬਲਿਸ਼ਰ ਸ਼ਿਰਕਤ ਕਰ ਰਹੇ ਹਨ।

ਪੰਜਾਬ ਯੂਨੀਵਰਸਿਟੀ ਦੇ ਪਬਲੀਕੇਸ਼ਨ ਬਿਊਰੋ ਮੁਖੀ ਅਤੇ ਡੀਨ ਡਾ. ਗੁਰਪਾਲ ਸੰਧੂ ਨੇ ਦੱਸਿਆ ਕਿ ਇਹ ਪਹਿਲਾ ਮੌਕਾ ਹੈ ਜਦੋਂ ਪੰਜਾਬ ਯੂਨੀਵਰਸਿਟੀ ਵਿਚ ਇੰਨਾ ਵਿਸ਼ਾਲ ਤੇ ਬਹੁਭਾਸ਼ਾਈ ਪੁਸਤਕ ਮੇਲਾ ਲੱਗ ਰਿਹਾ ਹੈ। ਉਨ੍ਹਾਂ ਐਨਬੀਟੀ ਦੇ ਉਦਮ ਨੂੰ ਸਲਾਹੁਦਿਆਂ ਇਕ ਵਾਰ ਫਿਰ ਹਰ ਤਰ੍ਹਾਂ ਦੇ ਸਹਿਯੋਗ ਦਾ ਵਾਅਦਾ ਦੁਹਰਾਇਆ।

Read More

ਇਹ ਅਮਿਤ ਆਜ਼ਾਦ ਕੌਣ ਐਂ ਭਾਈ ? - ਸੁਖਦਰਸ਼ਨ ਸਿੰਘ ਨੱਤ

Posted on:- 31-01-2020

ਭਲਾਂ ਆਹ ਅਮਿਤ ਆਜ਼ਾਦ ਕੌਣ ਹੈ, ਜਿਸ ਨੂੰ  ਸੀਏਏ ਤੇ ਐਨਆਰਸੀ ਦੇ ਪੱਖ ਵਿੱਚ ਬੋਲਣ ਲਈ ਮਹਾਨ ਇਨਕਲਾਬੀ ਸ਼ਹੀਦ ਚੰਦਰ ਸ਼ੇਖਰ ਆਜ਼ਾਦ ਦਾ ਪੋਤਾ ਐਲਾਨ ਕੇ ਬੀਜੇਪੀ ਲਖਨਊ ਤੋਂ ਜਲੰਧਰ ਲੈ ਕੇ ਆਈ ਹੈ !  
 
ਇਸ ਵਿਅਕਤੀ ਦੀ ਹਕੀਕਤ ਜਾਨਣ ਲਈ ਜਦੋਂ ਮੈਂ ਇਤਿਹਾਸ ਦੀ ਸਰਸਰੀ ਫੋਲਾ ਫਾਲੀ ਕੀਤੀ, ਤਾਂ ਸਾਹਮਣੇ ਆਇਆ ਕਿ ਸ਼ਹੀਦ ਚੰਦਰ ਸ਼ੇਖਰ ਅਪਣੇ ਮਾਂ ਬਾਪ ਦੀ ਪੰਜਵੀਂ ਸੰਤਾਨ ਸਨ, ਪਰ ਉਨ੍ਹਾਂ ਦੇ ਪਹਿਲੇ ਤਿੰਨ ਬੱਚੇ ਜਨਮ ਤੋਂ ਜਲਦੀ ਬਾਦ ਮਰ ਗਏ ਸਨ ਅਤੇ ਚੰਦਰ ਸ਼ੇਖਰ ਤੋਂ ਵੱਡੇ ਉਨ੍ਹਾਂ ਦੇ ਇਕੋ ਭਰਾ ਜਿਉਂਦੇ ਸਨ, ਜਿਸ ਦਾ ਨਾਂ ਸੁਖਦੇਵ ਸੀ। ਸੁਖਦੇਵ ਦੀ ਮੌਤ ਵੀ ਚੰਦਰ ਸ਼ੇਖਰ ਦੀ ਸ਼ਹਾਦਤ (27 ਫਰਵਰੀ 1931) ਤੋਂ  ਪਹਿਲਾਂ ਹੋ ਗਈ ਸੀ। ਉਸ ਦਾ ਕੋਈ ਬਾਲ ਬੱਚਾ ਜਾਂ ਵਾਰਿਸ ਨਹੀਂ ਸੀ। ਇਸੇ ਲਈ ਚੰਦਰ ਸ਼ੇਖਰ ਦੇ ਮਾਤਾ-ਪਿਤਾ ਜਗਰਾਣੀ ਦੇ ਵੀ ਤੇ ਸੀਤਾ ਰਾਮ ਤਿਵਾੜੀ ਨੇ ਬਿਨਾਂ ਕਿਸੇ ਸਹਾਰੇ ਤੋਂ ਬੜੀ ਗਰੀਬੀ ਤੇ ਥੁੜ ਵਿਚ ਸਾਲਾਂ ਬੱਧੀ ਇਕੱਲਿਆਂ ਹੀ ਜੀਵਨ ਗੁਜ਼ਾਰਿਆ ਸੀ। ਖਾਸ ਕਰ ਜਦੋਂ ਉਨ੍ਹਾਂ ਦੇ ਪਿਤਾ ਜੀ ਵੀ ਚਲਾਣਾ ਕਰ ਗਏ, ਤਾਂ ਬਜ਼ੁਰਗ ਮਾਤਾ ਦੀ ਹਾਲਤ ਬਹੁਤ ਹੀ ਮਾੜੀ ਸੀ।

Read More