Wed, 24 May 2017
Your Visitor Number :-   1039037
SuhisaverSuhisaver Suhisaver
ਮੈਨਚੈਸਟਰ 'ਚ ਆਤਮਘਾਤੀ ਹਮਲਾ; 22 ਮੌਤਾਂ, 60 ਜ਼ਖ਼ਮੀ               ਭਾਰਤ-ਚੀਨ ਸਰਹੱਦ 'ਤੇ ਸੁਖੋਈ-30 ਜੈੱਟ ਲਾਪਤਾ               ਕੇਜਰੀਵਾਲ ਦੇ ਸਾਂਢੂ ਸੁਰੇਂਦਰ ਕੁਮਾਰ ਬੰਸਲ ਦੇ ਘਰ ਏ ਸੀ ਬੀ ਦਾ ਛਾਪਾ              

ਕੁਛ ਕਿਹਾ ਤਾਂ... –ਰਾਜ ਪੁਸ਼ਕਰ

Posted on:- 23-05-2017

ਜਦੋਂ ਬੰਦੇ ਦੇ 'ਅੱਛੇ ਦਿਨ' ਹੁੰਦੇ ਨੇ ਤਾਂ ਕਿਹਾ ਜਾਂਦੈ ਬਈ ਪੰਜੇ ਉਂਗਲਾਂ ਘਿਓ 'ਚ ਨੇ। ਮੇਰਾ ਇੱਕ ਮਿੱਤਰ ਤਾਂ 'ਅੱਛੇ ਦਿਨਾਂ' ਤੋਂ ਵੀ ਅਗਲੇ ਪੜਾਅ 'ਤੇ ਪੁੱਜਾ ਹੋਇਆ ਏ ਜਾਂ ਇਉਂ ਕਹਿ ਲਓ ਬਈ ਦਸੇ ਉਂਗਲਾਂ ਘਿਓ 'ਚ ਨੇ। ਪਰ ਉਹਦੀ ਇੱਕ ਤ੍ਰਾਸਦੀ ਇਹ ਰਹੀ ਕਿ ਘਿਓ ਦੇਸੀ ਦੀ ਥਾਂ ਡਾਲਡਾ ਨਿਕਲਿਆ। ਪੂਰੀ ਗੱਲ ਏਹ ਕਿ ਮੇਰੇ ਏਸ ਮਿੱਤਰ ਨੇ ਲੰਘੀਆਂ ਵਿਧਾਨ ਸਭਾ ਚੋਣਾਂ ਦੌਰਾਨ ਇੱਕ ਹਲਕੇ ਤੋਂ ਕਾਂਗਰਸੀ ਉਮੀਦਵਾਰ ਬੀਬੀ ਦੀ ਹਮੈਤ ਕੀਤੀ (ਵਿਚਾਰੀ ਹਾਰ ਗਈ) ਤੇ ਕਿਸੇ ਹੋਰ ਹਲਕੇ ਤੋਂ ਸਾਮਰਾਜਵਾਦ-ਮੁਰਦਾਬਾਦ ਰਹਿਤ ਇਨਕਲਾਬ ਕਰਨ ਵਾਲੀ ਝਾੜੂ ਪਾਰਟੀ ਦੇ ਉਮੀਦਵਾਰ ਦੀ ਹਮੈਤ ਕੀਤੀ। ਹਾਂ ਏਨਾ ਜਰੂਰ ਰਿਹਾ ਕਿ ਝਾੜੂ ਉਮੀਦਵਾਰ ਵਿਚਾਰਾ ਨਾ ਰਿਹਾ ਤੇ ਝੰਡੇ ਅਮਲੀ ਦੀ ਪਾਰਟੀ ਦਾ ਐਲ.ਐਮ.ਏ. ਸਾਹਬ ਬਣ ਗਿਆ। ਯਾਨਿ ਹੁਣ ਸਰਕਾਰ ਵੀ ਮੇਰੇ ਮਿੱਤਰ ਦੀ ਤੇ ਵਿਰੋਧੀ ਧਿਰ ਵੀ। ਘਿਓ ਦੇਸੀ ਦੀ ਥਾਂ ਡਾਲਡਾ ਸਿਰਫ ਇਸ ਕਰਕੇ ਹੀ ਨਹੀਂ ਕਿ ਜਿਹੜੀ ਪਾਰਟੀ ਦੀ ਸਰਕਾਰ ਬਣੀ ਉਹ ਉਮੀਦਵਾਰ ਹਾਰ ਗਈ ਤੇ ਜਿਹੜਾ ਉਮੀਦਵਾਰ ਜਿੱਤਿਆ ਉਹਦੀ ਪਾਰਟੀ ਹਾਰ ਗਈ, ਇਹਦਾ ਕਾਰਨ ਤਾਂ ਹੋਰ ਏ।

ਖ਼ੁਦਕੁਸ਼ੀ ਤੇ ਕਰਜ਼ੇ ਮਾਰੇ ਜੱਟਾਂ ਦੀ ਥਾਂ ਬੁਲਟ ਦੇ ਪਟਾਕੇ ਪਾਉਣ ਵਾਲੇ ਜੱਟਾਂ ਦੇ ਗਾਣੇ ਪਾਉਣ ਵਾਲੇ ਪੰਜਾਬੀ ਗਾਇਕਾਂ ਵਾਂਗੂੰ ਬੈਂਕਾਂ ਦੇ 6-7 ਫੀਸਦੀ ਵਿਆਜ ਦੀ ਥਾਂ ਹੱਥਾਂ 'ਤੇ ਸਰੋਂ ਜਮਾਉਣ ਵਾਲੀਆਂ ਉੱਗੀਆਂ ਚਿੱਟ-ਫੰਡ ਕੰਪਨੀਆਂ ਵਿੱਚੋਂ ਇੱਕ ਵਿੱਚ ਏਸ ਮਿੱਤਰ ਦਾ ਵੀ 10 ਲੱਖ ਖ਼ੁਦਕੁਸ਼ੀ ਕਰ ਗਿਆ। ਹੁਣ ਨਾ ਤਾਂ 'ਆਪਣੀ ਸਰਕਾਰ' ਤੇ ਨਾ ਹੀ 'ਆਪਣੀ ਵਿਰੋਧੀ ਧਿਰ' ਏਸ 10 ਲੱਖ ਦੀ ਖ਼ੁਦਕੁਸ਼ੀ ਦਾ ਮੁਆਵਜਾ ਦੇਣ ਦੀ ਗੱਲ ਕਰਦੀ ਏ ਤੇ ਨਾ ਇਹ 'ਆਪਣੀਆਂ ...' ਏਸ 10 ਲੱਖੀ ਖ਼ੁਦਕੁਸ਼ੀ ਦਾ ਕਾਰਨ ਦੱਸਦੀਆਂ ਨੇ। ਦੱਸਣ ਵੀ ਕਿਉਂ? ਅਗਲਿਆਂ ਨੇ ਕਿਹੜਾ ਦੱਸਣ ਦਾ ਵਾਅਦਾ ਕੀਤਾ ਸੀ, ਇੱਕ ਦਾ ਵਾਅਦਾ ਕਿਸਾਨੀ ਦੇ ਕਰਜ਼ੇ ਮਾਫ਼ ਕਰਨ ਦਾ ਸੀ ਤੇ ਦੂਸਰੀ ਜੇ ਇਨਕਲਾਬ ਦੀ ਗੱਲ ਕਰਦੀ ਸੀ ਤਾਂ ਉਹ ਵਿਚਾਰਾ ਸੀ ਸਾਮਰਾਜਵਾਦ-ਮੁਰਦਾਬਾਦ ਰਹਿਤ।

ਅੱਗੇ ਪੜੋ

ਮਿਲੋ ਛੱਤੀਸਗੜ੍ਹ ਦੀ ਜੇਲ੍ਹਰ ਵਰਸ਼ਾ ਡੋਂਗਰੇ ਨੂੰ ! - ਮਾਲਿਨੀ ਸੁਬਰਾਮਨੀਅਮ

Posted on:- 21-05-2017

suhisaver

ਜੋ ਆਦਿਵਾਸੀਆਂ ਦੇ ਤਸ਼ੱਦਦ ਅਤੇ ਜਿਨਸੀ ਸ਼ੋਸ਼ਣ ਨੂੰ ਸਾਹਮਣੇ ਲਿਆਉਣ ਲਈ ਮੁਅੱਤਲ ਹੋਈ। ਇਸ ਸਰਕਾਰੀ ਕਰਮਚਾਰੀ ਨੇ ਕਿਹਾ, ਪੁਰਾਣੀ ਵਿਰੋਧਤਾ ਦੇ ਕਾਰਨ ਅਤੇ 'ਭ੍ਰਿਸ਼ਟ ਚਿਹਰੇ' ਨੂੰ ਉਜਾਗਰ ਕਰਨ ਲਈ 'ਸਰਕਾਰ ਮੇਰੇ ਨਾਲ ਬਹੁਤ ਨਾਰਾਜ਼ ਹੈ'।

26 ਅਪ੍ਰੈਲ ਨੂੰ ਵਰਸ਼ਾ ਡੋਂਗਰੇ ਦੁਆਰਾ ਇਹ ਫੇਸਬੁੱਕ ਪੋਸਟ ਛੱਤੀਸਗੜ੍ਹ ਦੇ ਆਦਿਵਾਸੀ ਖੇਤਰ ਵਿਚ ਮਾਓਵਾਦੀ ਬਗ਼ਾਵਤ ਨਾਲ ਲੜ ਰਹੇ ਸੁਰੱਖਿਆ ਦਸਤਿਆਂ ਦੁਆਰਾ ਮਨੁੱਖੀ ਅਧਿਕਾਰਾਂ ਦੀ ਵਿਆਪਕ ਉਲੰਘਣਾ ਬਾਰੇ ਆਂਤਰਿਕ ਖੁਲਾਸਾ/ਪੁਸ਼ਟੀ ਸੀ। ਸੁਭਾਵਿਕ ਤੌਰ 'ਤੇ, ਇਸ ਨੇ ਸੱਤਾ ਤੰਤਰ ਨੂੰ ਭੜਕਾਇਆ ਅਤੇ ਸੱਤਾ ਨੇ ਆਪਣੀ ਤਾਕਤ 'ਚ ਸਭ ਕੁਝ ਕੀਤਾ ਜਿਸ ਨਾਲ ਇਹ ਸ਼ਰਮਨਾਕ ਆਚਰਣ ਸਾਹਮਣੇ ਨਾ ਆ ਸਕੇ। ਇਸ ਲਈ ਹੀ 35 ਸਾਲਾਂ, ਰਾਏਪੁਰ ਦੀ ਜੇਲ੍ਹ ਦੀ ਡਿਪਟੀ ਸੁਪਰਡੈਂਟ ਨੂੰ ਮੁਅੱਤਲ ਕੀਤਾ ਗਿਆ ਅਤੇ ਉਸ ਤੋਂ ਬਾਅਦ 350 ਕਿਲੋਮੀਟਰ ਦੂਰ ਅੰਬਿਕਾਪੁਰ ਜੇਲ੍ਹ 'ਚ ਲਗਾ ਦਿੱਤਾ ਗਿਆ ਸੀ।

ਅੱਗੇ ਪੜੋ

ਅੱਤਵਾਦ ਵਿਰੋਧੀ ਦਿਵਸ -ਗੋਬਿੰਦਰ ਸਿੰਘ ਢੀਂਡਸਾ

Posted on:- 20-05-2017

suhisaver

ਅਜੋਕੇ ਸਮੇਂ ਦੌਰਾਨ ਸਮੁੱਚਾ ਸੰਸਾਰ ਅੱਤਵਾਦ ਦੀ ਚਪੇਟ ਵਿੱਚ ਹੈ, ਸੰਸਾਰ ਭਰ ਦੇ ਬਹੁਤੇ ਮੁਲਕਾਂ ਵਿੱਚ ਵੱਖੋ ਵੱਖਰੇ ਸਮੇਂ ’ਤੇ ਆਤੰਕੀ ਹਮਲੇ ਹੁੰਦੇ ਆ ਰਹੇ ਹਨ, ਜਿਹਨਾਂ ਵਿੱਚ ਜਾਨ ਮਾਲ ਦਾ ਭਾਰੀ ਨੁਕਸਾਨ ਹੋ ਰਿਹਾ ਹੈ। ਇਹ ਆਤੰਕੀ ਹਮਲੇ ਘਾਤ ਲਗਾ ਕੇ ਗੋਲੀਬਾਰੀ, ਆਤਮਘਾਤੀ ਬੰਬ ਵਿਸਫੋਟ, ਬੱਚਿਆਂ ਔਰਤਾਂ ਦੇ ਜ਼ਰੀਏ ਜਾਂ ਹੋਰ ਸਾਧਨਾਂ ਆਦਿ ਰੂਪ ਵਿੱਚ ਸਾਹਮਣੇ ਆਏ ਹਨ।

ਕਿਸੇ ਵਿਅਕਤੀ ਵਿਸ਼ੇਸ਼ ਜਾਂ ਸਮੂਹ ਵੱਲੋਂ ਆਪਣੀਆਂ ਮੰਗਾਂ ਜਾਂ ਉਦੇਸ਼ਾਂ ਦੀ ਪ੍ਰਾਪਤੀ ਲਈ ਹਿੰਸਾ ਰੂਪੀ ਕਾਰਵਾਈਆਂ ਕਰਨੀਆਂ ਅੱਤਵਾਦ ਨੂੰ ਪਰਿਭਾਸ਼ਿਤ ਕਰਦਾ ਹੈ।ਸੰਸਾਰ ਭਰ ਵਿੱਚ ਵੱਖੋ ਵੱਖਰੇ ਖੇਤਰਾਂ ਨਾਲ ਸੰਬੰਧਤ ਅਨੇਕਾਂ ਹੀ ਆਤੰਕੀ ਸਮੂਹ ਜਾਂ ਗਰੁੱਪ ਹਨ ਜੋ ਕਿ ਹਿੰਸਾਤਮਕ ਕਾਰਵਾਈਆਂ ਕਰਦੇ ਆ ਰਹੇ ਹਨ ਜਿਵੇਂ ਕਿ ਆਈ.ਐਂਸ.ਆਈ.ਐਂਸ, ਬੋਕੋ ਹਰਮ ਆਦਿ।

ਅੱਗੇ ਪੜੋ

ਕਾਂਗਰਸ ਦੇ ਚੋਣ ਵਾਅਦਿਆਂ ਦੀ ਪੂਰਤੀ: ਨਾ ਕੋਈ ਨੀਤੀ ਅਤੇ ਨਾ ਨੀਅਤ -ਮੋਹਨ ਸਿੰਘ

Posted on:- 19-05-2017

suhisaver

ਵਿਧਾਨ ਸਭਾ ਦੀਆਂ ਚੋਣਾਂ ਸਮੇਂ ਕਾਂਗਰਸ ਨੇ ਆਪਣੇ ਚੋਣ ਮੈਨੀਫ਼ੈਸਟੋ 'ਚ ਲੋਕਾਂ ਨਾਲ ਅਸਮਾਨੋਂ ਤਾਰੇ ਤੋੜਨ ਤੱਕ ਦੇ ਵਾਅਦੇ ਕੀਤੇ ਸਨ। ਇਸ ਨੇ ਪੰਜਾਬ ਦੇ ਕਿਸਾਨਾਂ ਸਿਰ ਚੜ੍ਹੇ ਕਰਜ਼ੇ ਨੂੰ ਮੁਆਫ਼ ਕਰਨ, ਕਿਸਾਨਾਂ ਨੂੰ ਮੁਫ਼ਤ ਬਿਜਲੀ ਜਾਰੀ ਰੱਖਣ, ਫ਼ਸਲੀ ਵਿਭਿੰਨਤਾ ਲਿਆਉਣ, ਫ਼ਸਲਾਂ ਅਤੇ ਸਿਹਤ ਦਾ ਮੁਫ਼ਤ ਬੀਮਾ ਕਰਨ, ਪੰਜਾਬ ਨੂੰ ਡੇਅਰੀ ਕਿੱਤੇ ਵਿਚ ਮੋਹਰੀ ਸੂਬੇ ਵਜੋਂ ਵਿਕਸਤ ਕਰਨ; ਹਰ ਘਰ 'ਚ ਘੱਟੋ-ਘੱਟ ਇਕ ਮੈਂਬਰ ਨੂੰ ਰੁਜ਼ਗਾਰ ਮੁਹੱਈਆ ਕਰਾਉਣ ਅਤੇ ਬੇਰੁਜ਼ਗਾਰ ਨੂੰ ਭੱਤਾ ਦੇਣ; ਨਸ਼ਿਆ ਦਾ ਖ਼ਾਤਮਾ ਕਰਨ; ਸਨਅਤ ਨੂੰ ਪੈਰਾਂ ਸਿਰ ਖੜ੍ਹੇ ਕਰਨ; ਐਸਵਾਈਐਲ ਦਾ ਪੰਜਾਬ ਦੇ ਪੱਖ ਵਿੱਚ ਫੈਸਲਾ ਕਰਾਉਣ; ਨਿਰਪੱਖ ਟਰਾਂਸਪੋਰਟ ਨੀਤੀ ਦੇ ਆਧਾਰ 'ਤੇ ਲਸੰਸ ਜਾਰੀ ਕਰਨ; ਵਾਤਾਵਰਨ ਸੰਭਾਲ ਕਰਨ, ਪੇਂਡੂ ਅਤੇ ਸ਼ਹਿਰੀ ਵਿਕਾਸ ਨੂੰ ਤੇਜ਼ ਕਰਨ, ਰੇਹੜੀ ਫੜੀ ਵਾਲਿਆਂ ਨੂੰ ਸੁਰੱਖਿਆ ਦੇਣ, ਸ਼ਹਿਰੀ ਮਜ਼ਦੂਰਾਂ ਅਤੇ ਸਫ਼ਾਈ ਕਰਮਚਾਰੀਆਂ ਦੀਆਂ ਉਜ਼ਰਤਾਂ ਤੈਅ ਕਰਨ; ਵੀਪੀ ਕਲਚਰ ਨੂੰ ਖ਼ਤਮ ਕਰਨ; ਲੜਕੀਆਂ ਦੀ ਪੀਐਚਡੀ ਤੱਕ ਪੜ੍ਹਾਈ ਮੁਫ਼ਤ ਕਰਨ ਅਤੇ ਨੌਕਰੀਆਂ ਤੇ ਹੋਰ ਅਦਾਰਿਆਂ ਵਿੱਚ 33 ਪ੍ਰਤੀਸ਼ਤ ਰਾਖਵਾਂਕਰਨ; ਪੱਛੜੀਆਂ ਜਾਤਾਂ ਨੂੰ ਮੁਫ਼ਤ ਘਰ ਜਾਂ 5 ਮਰਲੇ ਦਾ ਪਲਾਟ ਅਤੇ ਮਾਲੀ ਸਹਾਇਤਾ ਦੇਣ ਆਦਿ ਵਾਅਦਿਆਂ ਦੀ 112 ਸਫ਼ਿਆਂ ਦੀ ਲੰਬੀ ਲਿਸਟ ਪੇਸ਼ ਕੀਤੀ ਸੀ।

ਕੈਪਟਨ ਦਾ ਸਭ ਤੋਂ ਵੱਡਾ ਵਾਅਦਾ ਕਿਸਾਨੀ ਕਰਜ਼ੇ ਨੂੰ ਮੁਆਫ਼ ਕਰਨ ਦਾ ਸੀ। ਪਿਛਲੀ ਸਰਕਾਰ ਕਰਜ਼ਾ ਮੁਆਫ਼ੀ ਦੀ ਮੰਗ ਮੰਨ ਕੇ ਲਗਾਤਾਰ ਮੁੱਕਰਦੀ ਰਹੀ ਹੈ ਅਤੇ ਕਾਂਗਰਸ ਇਸ ਵਾਅਦਾ-ਖ਼ਿਲਾਫੀ ਬਾਰੇ ਲਗਾਤਾਰ ਅਕਾਲੀ-ਭਾਜਪਾ ਸਰਕਾਰ ਨੂੰ ਘੇਰਦੀ ਰਹੀ ਹੈ। ਚੋਣਾਂ ਦੌਰਾਨ ਕਾਂਗਰਸ ਪਾਰਟੀ ਨੇ ਕਿਸਾਨਾਂ ਨਾਲ ਕਰਜ਼ਾ ਮੁਆਫ਼ੀ ਲਈ ਵਾਅਦਾ ਹੀ ਨਹੀਂ ਕੀਤਾ ਸੀ ਸਗੋਂ ਉਸ ਨੇ ਇਸ ਲਈ ਕਈ ਥਾਂਈ ਕਿਸਾਨਾਂ ਤੋਂ ਕਾਗਜ਼ ਵੀ ਭਰਾਉਣ ਦੇ ਐਲਾਨ ਵੀ ਕੀਤੇ ਸਨ।

ਅੱਗੇ ਪੜੋ

ਮੇਰੀ ਮਾਂ ਦੇ ਨਾਮ -ਗੁਰਪ੍ਰੀਤ ਡੋਨੀ

Posted on:- 17-05-2017

ਮਾਏ ਤੇਰਾ ਪੁੱਤ ਕਾਮਰੇਡਾਂ ਨਾਲਦਾ
ਤਰਕਾਂ ਨੂੰ ਪਾਲਦਾ
ਭੁਲੇਖਿਆਂ ਨੂੰ ਟਾਲਦਾ
ਜਾਣਕਾਰੀ ਓਹਨੂੰ ਯੋਧਿਆਂ ਦੇ ਖ਼ਾਬ ਦੀ
ਸੱਤਾ ਨੂੰ ਜਵਾਬ ਦੀ
ਨਾਲੇ ਇਨਕਲਾਬ ਦੀ
ਦੇਵੇਗਾ ਜਵਾਬ ਲੋਟੂ ਚਾਲ ਢਾਲ ਦਾ
ਸਾਡੇ ਬੁਰੇ ਹਾਲ ਦਾ
ਮਾਏ ਤੇਰਾ ਪੁੱਤ ਕਾਮਰੇਡਾਂ ਨਾਲਦਾ
ਤਰਕਾਂ ਨੂੰ ਪਾਲਦਾ
ਭੁਲੇਖਿਆਂ ਨੂੰ ਟਾਲਦਾ
ਚੰਗੀ ਰਾਜਨੀਤੀ ਨਾਲ ਚੱਲੂ ਲੋਕ ਜੋੜਕੇ
ਭਰਮਾਂ ਨੂੰ ਖੋਰਕੇ
ਲੋਟੂ ਹੱਥ ਤੋੜਕੇ
ਚੱਕਲੂਗਾ ਝੰਡਾ ਕਿਰਤੀ ਕਿਸਾਨ ਦਾ
ਨੀ ਮਾਏ ਰੰਗ ਲਾਲ ਦਾ
ਮਾਏ ਤੇਰਾ ਪੁੱਤ ਕਾਮਰੇਡਾਂ ਨਾਲਦਾ
ਤਰਕਾਂ ਨੂੰ ਪਾਲਦਾ
ਭੁਲੇਖਿਆਂ ਨੂੰ ਟਾਲਦਾ
ਕੰਮ ਕਰੁ ਮਾਏ ਲਹਿਰਾਂ ਵਿੱਚ ਰੁੜਕੇ

ਅੱਗੇ ਪੜੋ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ