Mon, 21 August 2017
Your Visitor Number :-   1075442
SuhisaverSuhisaver Suhisaver
ਗੋਰਖਪੁਰ ਦੁਖਾਂਤ; ਨਿਆਂਇਕ ਜਾਂਚ ਦੀ ਮੰਗ ਨੂੰ ਲੈ ਕੇ ਪਟੀਸ਼ਨ ਦਾਇਰ               ਦੂਰਦਰਸ਼ਨ ਤੇ ਅਕਾਸ਼ਵਾਣੀ ਵੱਲੋਂ ਮਾਣਿਕ ਸਰਕਾਰ ਦਾ ਅਜ਼ਾਦੀ ਦਿਵਸ ਭਾਸ਼ਣ ਪ੍ਰਸਾਰਿਤ ਕਰਨ ਤੋਂ ਇਨਕਾਰ               ਭੂਟਾਨ ਨੇ ਡੋਕਲਾਮ ’ਤੇ ਚੀਨ ਦੇ ਦਾਅਵੇ ਨੂੰ ਨਕਾਰਿਆ              

``... ਅਖੇ ਵਿਦਿਆਰਥੀ ਅੰਦੋਲਨ ਕਰ ਰਹੇ ਨੇ ਤਾਂ ਦੇਸ਼ ਧ੍ਰੋਹੀ ਹੀ ਹੋਣਗੇ`` - ਪ੍ਰੋ ਅਪੂਰਵਾਨੰਦ

Posted on:- 17-04-2017

suhisaver

ਫੀਸਾਂ ਦੇ ਵਾਧੇ ਦਾ ਵਿਰੋਧ ਕਰ ਰਹੇ ਪੰਜਾਬ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਤੋਂ ਦੇਸ਼ ਧ੍ਰੋਹ (ਰਾਜ ਧ੍ਰੋਹ)  ਦੀ ਧਾਰਾ ਹਟਾ ਲਈ ਗਈ ਹੈ ।  ਯੂਨੀਵਰਸਿਟੀ ਪ੍ਰਸ਼ਾਸਨ ਆਖ ਰਿਹਾ ਹੈ ਕਿ ਉਸਨੇ ਵਿਦਿਆਰਥੀਆਂ  ਖ਼ਿਲਾਫ਼ ਕੁਝ ਅਜਿਹਾ ਨਹੀਂ ਕਿਹਾ ਜਿਸ ਤੋਂ  ਇਹ ਸਮਝਿਆ ਜਾਵੇ ਕਿ ਉਹ  ਦੇਸ਼ ਧ੍ਰੋਹ (ਰਾਜ ਧ੍ਰੋਹ) ਵਰਗੀ ਕਿਸੇ ਗਤੀਵਿਧੀ `ਚ ਸ਼ਾਮਿਲ ਹੋਣ । ਪੁਲਿਸ ਨੇ ਇਸਨੂੰ ਗ਼ਲਤ ਸਮਝ ਲਿਆ ।
        
 ਵਿਸ਼ਵਵਿਦਿਆਲੇ ਨੇ ਅਧਿਕਾਰੀ ਅੱਗੇ ਆਖਦੇ ਹਨ , `` ਅਸੀਂ ਤਾਂ ਸਿਰਫ ਪੁਲਿਸ ਨੂੰ ਇਹ ਦੱਸਿਆ ਸੀ ਕਿ ਵਿਦਿਆਰਥੀ ਮਨੁੱਖੀ ਸਾਧਨ ਮੰਤਰਾਲੇ ਤੇ ਸਰਕਾਰ ਖ਼ਿਲਾਫ਼ ਨਾਅਰੇਬਾਜ਼ੀ ਕਰ ਰਹੇ ਹਨ । ਜੇ ਪੁਲਿਸ ਨੇ ਸਾਡੀ ਗੱਲ ਨੂੰ ਗ਼ਲਤ ਢੰਗ ਨਾਲ ਸਮਝ ਲਿਆ ਤਾਂ ਸਾਡਾ ਕੀ ਕਸੂਰ ??`` `ਜੇ ਵਿਦਿਆਰਥੀ ਨਾਅਰੇ ਲਗਾ ਰਹੇ ਨੇ ਤਾਂ ਜ਼ਰੂਰ ਦੇਸ਼ ਵਿਰੋਧੀ ਕੁਝ ਕਰ ਰਹੇ ਨੇ` ਇਹ ਧਾਰਨਾ ਪਿਛਲੇ ਸਾਲ ਜਵਾਹਰ ਲਾਲ ਨਹਿਰੂ  ਯੂਨੀਵਰਸਿਟੀ ਦੇ ਘਟਨਾਕ੍ਰਮ ਤੋਂ ਬਣ ਗਈ ਹੈ । ਉਸ ਦਿਨ ਤੋਂ ਬਾਅਦ ਹੁਣ ਤੱਕ ਸਰਕਾਰ ਦੇ ਮੰਤਰੀ , ਦਿੱਲੀ ਪੁਲਿਸ , ਪ੍ਰਸ਼ਾਸਨ ਇਸ ਗੱਲ ਦਾ ਪ੍ਰਚਾਰ ਕਰ ਰਿਹਾ ਹੈ ਕਿ ਜੇਐੱਨਯੂ ਦੇ ਵਿਦਿਆਰਥੀ ਦੇਸ਼ ਵਿਰੋਧੀ ਕਾਰਵਾਈਆਂ ਕਰਦੇ ਹਨ । ਉਸ ਤੋਂ ਪਹਿਲਾ ਹੈਦਰਾਬਾਦ ਕੇਂਦਰੀ ਵਿਸ਼ਵਵਿਦਿਆਲੇ `ਚ ਵੀ ਰੋਹਿਤ ਵੇਮੁਲਾ ਤੇ ਉਸਦੇ ਸਾਥੀਆਂ `ਤੇ ਇੱਕ ਕੇਂਦਰੀ ਮੰਤਰੀ ਨੇ ਅਜਿਹੇ ਦੋਸ਼ ਲਗਾਏ ਸਨ । ਹਾਲ ਹੀ `ਚ ਦਿੱਲੀ ਯੂਨੀਵਰਸਿਟੀ ਦੇ ਰਾਮਜਸ ਕਾਲਜ `ਚ ਵੀ ਇਹੀ ਦੋਸ਼ ਲਗਾਏ ਗਏ ਸਨ ।

ਇਸ ਮਾਹੌਲ `ਚ ਵਿਚਾਰੀ ਪੁਲਿਸ ਕੀ ਕਰੇ ? ਉਸਨੂੰ ਤਾਂ ਇਹੀ ਲਗਦਾ ਹੈ ਕਿ  ਜਿਥੇ ਵਿਦਿਆਰਥੀ ਅੰਦੋਲਨ ਕਰ ਰਹੇ ਹੋਣ ਉਥੇ ਕੋਈ ਦੇਸ਼ ਵਿਰੋਧੀ ਗਤੀਵਿਧੀ ਕਰ ਰਹੇ ਹਨ । ਇਸ ਲਈ ਸਭ ਤੋਂ ਚੰਗਾ ਇਹੀ ਹੈ ਕਿ ਉਹਨਾਂ `ਤੇ ਸੰਗੀਨ ਅਪਰਾਧਿਕ ਧਾਰਾਵਾਂ ਜੜ ਦੇਵੋ ।
       
ਕੁਝ ਸਮਾਂ ਪਹਿਲਾਂ ਵੀ ਪੰਜਾਬ ਯੂਨੀਵਰਸਿਟੀ ਪੁਲਿਸ ਛਾਉਣੀ `ਚ ਤਬਦੀਲ ਹੋ ਗਈ ਸੀ ਕਿਉਂਕਿ ਉਸਨੂੰ ਇੱਕ `ਰਾਸ਼ਟਰ ਪ੍ਰੇਮੀ`  ਜੱਥੇਬੰਦੀ ਨੇ ਜਿਤਾਇਆ ਸੀ ਕਿ ਯੂਨੀਵਰਸਿਟੀ ਅੰਦਰ ਇੱਕ `ਸੰਗੀਨ ਅਪਰਾਧੀ` ਸੀਮਾ ਅਜ਼ਾਦ ਆ ਰਹੀ ਹੈ । ਪਰ ਪੁਲਿਸ ਤੇ  ਯੂਨੀਵਰਸਿਟੀ ਪ੍ਰਸ਼ਾਸਨ ਇਹ ਗੱਲ ਨਾ ਆਖ ਸਕਿਆ ਕਿ ਸੀਮਾ ਕੋਈ ਪੇਸ਼ੇਵਰ ਅਪਰਾਧੀ ਨਹੀਂ ਹੈ ਬਲਕਿ ਇੱਕ ਆਜ਼ਾਦ ਨਾਗਰਿਕ ਹੈ ਤੇ ਕੀਤੇ ਵੀ ਜਾ ਸਕਦੀ ਹੈ । ਉਸਨੂੰ ਰੋਕਣ ਲਈ ਅੱਡੀ ਚੋਟੀ ਦਾ ਜ਼ੋਰ ਲਾਇਆ ਗਿਆ ਪਰ ਸਭ ਬੇਕਾਰ ਸੀਮਾ ਭੇਸ ਬਦਲ ਕੇ ਭਾਸ਼ਣ ਕਰ ਚਲਦੀ ਬਣੀ ਪੁਲਿਸ ਦੇਖਦੀ ਰਹੀ ਗਈ ।
        
ਅੱਗੇ ਵੀ ਇਸ ਪ੍ਰਸੰਗ `ਚ ਕਈ ਚਿੰਤਾਜਨਕ ਗੱਲਾਂ ਨੇ, ਫੀਸਾਂ ਦੇ ਵਾਧੇ ਨੂੰ ਇੱਕ ਤਰਕ ਨਾਲ ਜਾਇਜ਼ ਠਹਿਰਾਇਆ ਜਾ ਸਕਦਾ ਹੈ । ਆਮ ਪ੍ਰੋਗਰਾਮਾਂ ਦੀ ਫੀਸ ੨੨੦੦ ਤੋਂ ੧੦੦੦੦ ਕੀਤੀ ਜਾ ਸਕਦੀ ਸੀ । ਪਰ ਪ੍ਰਸ਼ਾਸਨ ਪਹਿਲਾ ਇਸ ਕੰਮ ਲਈ ਵਿਦਿਆਰਥੀਆਂ ਨੂੰ ਵਿਸ਼ਵਾਸ `ਚ ਲੈਂਦਾ । ਇਹ ਗੱਲ ਜੱਗਜ਼ਾਹਿਰ  ਹੈ ਕਿ ਅਦਾਰਾ ਸਾਧਨਾਂ ਦੀ ਕਮੀ ਨਾਲ ਜੂਝ ਰਿਹਾ ਹੈ । ਕੁਝ ਸਮਾਂ ਪਹਿਲਾ ਚਾਂਸਲਰ ਨੇ ਆਖ ਦਿੱਤਾ ਸੀ ਕਿ  ਜੇ ਹਾਲਤ ਇਹੀ ਰਹੀ ਤਾਂ ਸੰਸਥਾਨ ਨੂੰ ਤਾਲ਼ਾ ਲੱਗ ਸਕਦਾ ਹੈ । ਸ਼ੁਕਰ ਹੈ ਇਹ ਗੱਲ ਵਿਦਿਆਰਥੀਆਂ ਨੇ ਨਹੀਂ ਕਹੀ ਨਹੀਂ ਤਾਂ ਇਹ ਵੀ ਦੇਸ਼ ਵਿਰੋਧੀ ਗੱਲ ਹੋ ਜਾਣੀ ਸੀ । ਸਾਧਨ ਜੁਟਾਉਣ ਦੀ ਆਪਣੀ ਜੱਦੋਜਹਿਦ `ਚ ਕਿਉਂ ਨਾ ਕੁਲਪਤੀ ਅਧਿਆਪਕਾਂ ਤੇ ਵਿਦਿਆਰਥੀਆਂ ਨੂੰ ਸ਼ਾਮਿਲ ਕਰ ਲੈਂਦੇ ?? ਫੀਸਾਂ ਦੇ ਵਾਧੇ ਵਾਲੀ ਗੱਲ ਵੀ ਇਸੇ ਸਿਲਸਿਲੇ ਅੱਗੇ ਲਿਜਾਈ ਜਾ ਸਕਦੀ ਸੀ ।
  
ਸਾਡੇ ਸਿਖਿਆ ਕੇਂਦਰਾਂ `ਚ ਕਿਸੇ ਪ੍ਰਕਾਰ ਦੀ ਆਪਸੀ ਗੱਲਬਾਤ ਦਾ ਕੋਈ ਮਾਹੌਲ ਨਹੀਂ ਹੈ । ਇਸ ਲਈ ਸੰਸਥਾਨ `ਚ ਚਾਪਲੂਸੀ ਤੋਂ ਬਾਅਦ ਦੁਸ਼ਮਣੀ ਵਾਲੇ  ਸਬੰਧ ਹੀ ਹੋ ਸਕਦੇ ਹਨ । ਵਿਦਿਆਰਥੀ ਅੰਦੋਲਨ ਕਰਨ ਕਈ ਉਸਦਾ ਅੰਤ ਸਦਾ ਹਿੰਸਾ ਵਾਲਾ ਹੋਵੇ ਕਈ ਇਹ ਜ਼ਰੂਰੀ ਹੈ ? ਪ੍ਰਸ਼ਾਸਨ ਕੋਈ ਅਜਿਹੀ  ਵਿਵਸਥਾ ਕਿਉਂ ਨਹੀਂ ਬਣਾ ਸਕਦਾ ਜਿਸ ਨਾਲ ਵਿਦਿਆਰਥੀਆਂ ਦੀ ਸੁਣੀ ਜਾ ਸਕੇ ? ਇਥੇ ਤਾਂ ਮਸਲਾ ਇਹੀ ਸੀ ਕਿ ਵਿਦਿਆਰਥੀ ਮੰਗ ਕਰ ਰਹੇ ਸੀ ਕਿ ਉਹਨਾਂ ਦੀ ਗੱਲ ਸੁਣਨ ਨੂੰ ਕੋਈ ਸਬੰਧਤ ਅਧਿਕਾਰੀ ਆਵੇ ਭਲਾਂ ਇਸ `ਚ ਕਈ ਮੁਸ਼ਕਿਲ ਸੀ ? ਇਹੀ ਗੱਲ ਜੇਐੱਨਯੂ `ਚ ਵੀ ਦੇਖੀ ਗਈ । ਪ੍ਰਸ਼ਾਸਨ ਆਪਣੇ -ਆਪ ਨੂੰ ਵਿਸ਼ਵਵਿਦਿਆਲੇ ਦੇ ਪ੍ਰਤੀ ਵਫ਼ਾਦਾਰ ਸਮਝਣ ਦੀ ਥਾਂ ਸਰਕਾਰ ਪ੍ਰਤੀ ਵਫ਼ਾਦਾਰ  ਸਮਝਣ ਲੱਗ ਜਾਂਦਾ ਹੈ ।ਉਸਦਾ ਵਿਵਹਾਰ ਵੀ ਸ਼ਾਸਕ ਵਾਲਾ ਬਣ ਜਾਂਦਾ ਹੈ । ਹੁਣ ਉਹ ਦਿਨ ਲੱਦ ਲਈ ਜਦੋਂ ਕੁਲਪਤੀ ਰੋਸ ਪ੍ਰਦਰਸ਼ਨ ਕਰ ਰਹੇ ਵਿਦਿਆਰਥੀਆਂ ਦੇ ਧਰਨੇ `ਤੇ ਉਹ ਖੁਦ ਬੈਠ ਜਾਂਦਾ ਸੀ ।
         
ਅੰਦੋਲਨਕਾਰੀ ਵਿਦਿਆਰਥੀਆਂ ਦੇ ਇੱਕ ਹਿੱਸੇ ਉਤੇ ਇਹ ਦੋਸ਼ ਹੈ ਕਿ ਉਹਨਾਂ ਨੇ ਪੱਥਰਬਾਜ਼ੀ ਕਰਕੇ ਪੁਲਿਸ ਨੂੰ ਲਾਠੀ ਚਲਾਉਣ ਲਈ ਉਕਸਾਇਆ । ਅਜਿਹਾ ਮੁਮਕਿਨ ਨਹੀਂ ;ਪਰ ਪੁਲਿਸ ਨੂੰ ਅਜਿਹੀ ਸਥਿਤੀ ਨਾਲ ਨਿਪਟਨ ਦੀ ਟ੍ਰੇਨਿੰਗ ਤਾਂ ਹੋਣੀ ਚਾਹੀਦੀ ਹੈ । ਮੈਨੂੰ ਹਾਲੇ ਵੀ ਪਟਨਾ ਯੂਨੀਵਰਸਿਟੀ ਦੇ ਅੱਸੀਵਿਆਂ ਦੇ ਦਿਨ ਯਾਦ ਨੇ ਜਦੋਂ ਪੁਲਿਸ ਅੰਦੋਲਨਕਾਰੀ ਵਿਦਿਆਰਥੀਆਂ ਨਾਲ ਬਿਨਾਂ ਵਧੇਰੇ ਬਲ ਦਾ ਇਸਤੇਮਾਲ ਕੀਤਿਆਂ ਪੇਸ਼ ਆ ਰਹੀ ਸੀ ।
         
ਯੂਨੀਵਰਸਿਟੀ ਪ੍ਰਸ਼ਾਸਨ ਕਈ ਹੁਣ ਵਿਦਿਆਰਥੀਆਂ  ਨਾਲ ਅੱਖ ਮਿਲਾ ਸਕੂਗਾ ? ਕਈ ਪੁਲਿਸ ਨੂੰ ਵਿਦਿਆਰਥੀਆਂ  ਤੋਂ ਮਾਫ਼ੀ ਨਹੀਂ ਮੰਗਣੀ ਚਾਹੀਦੀ ?

Comments

Name (required)

Leave a comment... (required)

Security Code (required)



ਨਜ਼ਰੀਆ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ