Fri, 26 February 2021
Your Visitor Number :-   3916040
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਸਮਾਜ ਸੇਵੀ ਗੁਰਦੇਵ ਸਿੰਘ ਭੰਗੂ ਦਾ ਦਰਦਨਾਕ ਵਿਛੋੜਾ

Posted on:- 05-09-2014

suhisaver

ਉੱਘੇ ਸਮਾਜ ਸੇਵੀ ਭਾਰਤੀ ਸੈਨਾ ਦੇ ਸਾਬਕਾ ਸੂਬੇਦਾਰ ਮੇਜਰ ਗੁਰਦੇਵ ਸਿੰਘ ਭੰਗੂ ਪਿਛਲੇ ਦਿਨੀਂ ਇਸ ਫਾਨੀ ਸੰਸਾਰ ਨੂੰ ਹਮੇਸ਼ਾ ਲਈ ਅਲਵਿਦਾ ਕਹਿ ਗਏ।ਅੰਗਰੇਜ਼ਾਂ ਦੇ ਸਮੇਂ ਪਟਿਆਲਾ ਰਿਆਸਤ ਆਰਮੀ ‘ਚ ਭਰਤੀ ਹੋਏ, ਸ਼੍ਰੀ ਭੰਗੂ ਅਜ਼ਾਦੀ ਉਪਰੰਤ ਭਾਰਤੀ ਸੈਨਾ ਦੀ ਆਰਮੀ ਸਰਵਿਸ ਕੋਰ ‘ਚ ਤਬਦੀਲ ਹੋ ਗਏ ਸਨ, ਜਿਥੇ ਆਪਣੀ ਲੰਮੀ ਸੇਵਾ ਦੌਰਾਨ 1971 ਦੇ ਭਾਰਤ-ਪਾਕਿਸਤਾਨ ਯੁੱਧ ਵਿਚ ਸ਼ਾਨਦਾਰ ਭੂਮਿਕਾ ਨਿਭਾਈ । ਸੈਨਾ ‘ਚ ਯੂਨੀਅਰ ਕੰਮਿਸ਼ੰਡ ਅਫਸਰ ਬਣਨ ਉਪਰੰਤ ਉਹ ਸੂਬੇਦਾਰ ਮੇਜਰ ਵਜੋਂ ਸੇਵਾ ਮੁਕਤ ਹੋਏ।

ਕਲਾਤਮਕ ਰੁਚੀਆਂ ਦੇ ਧਾਰਣੀ ਸ਼੍ਰੀ ਗੁਰਦੇਵ ਸਿੰਘ ਭੰਗੂ ਨੇ ਸਾਹਿਤਕ ਸੰਸਥਾ “ਹਰੀ ਵ੍ਰਿਜੇਸ਼ ਕਲਚਰਲ ਫਾਊਂਡੇਸ਼ਨ” ਦੇ ਜਨਰਲ ਸਕੱਤਰ ਵਜੋਂ ਲੰਮਾ ਸਮਾਂ ਸੇਵਾ ਨਿਭਾਈ। ਮਾਂ ਬੋਲੀ ਪੰਜਾਬੀ ਦੇ ਪ੍ਰਚਾਰ-ਪ੍ਰਸਾਰ ਲਈ ਉਨ੍ਹਾਂ ਪ੍ਰਸਿੱਧ ਵਿਦਵਾਨ ਭਾਈ ਕਾਨ੍ਹ ਸਿੰਘ ਨਾਭਾ ਨੂੰ ਸਮਰਪਿਤ ਇਕ ਵੈਬਸਾਈਟ ‘ਕਾਨ੍ਹ ਸਿੰਘ ਨਾਭਾ ਡਾਟ ਕਾਮ’ ਤਿਆਰ ਕਰਵਾਈ ,ਜੋ ਪਿਛਲੇ ਪੰਜ ਸਾਲਾਂ ਤੋਂ ਇੰਟਰਨੈੱਟ ਤੇ ਉਪਲਬਧ ਹੈ।

ਮਿਠਬੋਲੜੇ ਅਤੇ ਸਾਧੂ ਸੁਭਾਅ ਦੇ ਮਾਲਕ ਸ੍ਰੀ ਭੰਗੂ ਗੁਰਬਾਣੀ ਦੇ ਅਥਾਹ ਸ਼ਰਧਾਲੂ ,ਗੁਰਮਤਿ ਸਿਧਾਂਤਾਂ ਦੇ ਪ੍ਰਚਾਰਕ ਅਤੇ ਸਮਾਜ ਭਲਾਈ ਦੇ ਕਾਰਜਾਂ ਲਈ ਹਮੇਸ਼ਾ ਯਤਨਸ਼ੀਲ ਰਹਿੰਦੇ ਸਨ।ਧਰਮ ਗ੍ਰੰਥਾਂ ਦੇ ਅਰਥ-ਭਾਵ ਆਮ ਲੋਕਾਂ ਨੂੰ ਦੱਸਣ ਲਈ ਉਹ ਆਪਣੇ ਪਿੰਡ ਦੀ ਸੱਥ ਵਿਚ ਪਹੁੰਚਕੇ ਲੰਮਾ ਸਮਾਂ ਲਗਾਤਾਰ ਕਥਾ ਵੀ ਕਰਦੇ ਰਹੇ ਹਨ। ਦਾਜ,ਭਰੂਣ-ਹੱਤਿਆ ਅਤੇ ਨਸ਼ਿਆਂ ਵਰਗੀਆਂ ਬੁਰਾਈਆਂ ਦੇ ਉਹ ਸਖਤ ਵਿਰੋਧੀ ਸਨ।ਉਨ੍ਹਾਂ ਦੀ ਵਿਛੜੀ ਆਤਮਾਂ ਦੀ ਸ਼ਾਂਤੀ ਲਈ ਸ਼ਰਧਾਂਜਲੀ ਸਮਾਗਮ ਉਨ੍ਹਾਂ ਦੇ ਜੱਦੀ ਪਿੰਡ ਕਣਕਵਾਲ ਭੰਗੂਆਂ ਨਜਦੀਕ ਸੁਨਾਮ(ਸੰਗਰੂਰ) ਐਤਵਾਰ 7 ਸਤੰਬਰ ਨੂੰ 11ਵਜੇ ਗੁਰਦੁਆਰਾ ਸਾਹਿਬ ਹੋਵੇਗਾ।

ਮੇਜਰ ਆਦਰਸ਼ਪਾਲ ਸਿੰਘ ਪੜਪੋਤਰੇ ਭਾਈ ਕਾਨ੍ਹ ਸਿੰਘ ਨਾਭਾ,ਗਿਆਨੀ ਨਿਰੰਜਨ ਸਿੰਘ ਨਰਗਿਸ ਯੂ.ਕੇ.,ਮੇਜਰ ਮਹਿੰਦਰ ਸਿੰਘ ਪਟਿਆਲਾ,ਜਥੇਦਾਰ ਬਲਵਿੰਦਰ ਸਿੰਘ ਤਲਵੰਡੀ,ਫਿਲਮਕਾਰ ਇਕਬਾਲ ਗੱਜਣ,ਏ.ਐੱਸ.ਆਈ ਕਿਰਨਜੀਤ ਸਿੰਘ(ਸੰਗਰੂਰ),ਡਾ.ਬਲਵਿੰਦਰ ਸਿੰਘ ਬਿੱਲੂ(ਪਾਟਿਆਂਵਾਲੀ),ਅਸਿਸਟੈਂਟ ਪ੍ਰੋਫੈਸਰ ਡਾ. ਰਵਿੰਦਰ ਕੌਰ ਰਵੀ ਪੰਜਾਬੀ ਯੂਨਵਿਰਸਿਟੀ ਪਟਿਆਲਾ,ਮਾਤਾ ਗੁਰਦੇਵ ਕੌਰ ਭਾਠੂਆਂ,ਸੂਬੇਦਾਰ ਮੇਜਰ ਸੁਰਜੀਤ ਸਿੰਘ,ਜਰਨਲਿਸਟ ਡਾ. ਜਗਮੇਲ ਸਿੰਘ ਦਿੱਲੀ ਸਮੇਤ ਬਹੁਤ ਸਾਰੇ ਪਤਵੰਤਿਆਂ ਨੇ ਸੂਬੇਦਾਰ ਮੇਜਰ ਸ੍ਰ ਗੁਰਦੇਵ ਸਿੰਘ ਭੰਗੂ ਦੇ ਅਕਾਲ ਚਲਾਣੇ ਤੇ ਸ਼ੋਕ ਪ੍ਰਗਟ ਕਰਦਿਆਂ ਉਨ੍ਹਾਂ ਦੇ ਸਮੂਹ ਪਰਿਵਾਰ ਨਾਲ ਹਮਦਰਦੀ ਦਾ ਪ੍ਰਗਟਾਵਾ ਕੀਤਾ ਹੈ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਤਰਾਂ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ