Tue, 25 July 2017
Your Visitor Number :-   1065010
SuhisaverSuhisaver Suhisaver
ਕਾਬੁਲ ਕਾਰ ਬੰਬ ਧਮ਼ਾਕੇ ਵਿੱਚ 26 ਮੌਤਾਂ; 41 ਫੱਟੜ               ਪੁਲਾੜ ਵਿਗਿਆਨੀ ਯੂ.ਆਰ. ਰਾਓ ਦਾ ਦੇਹਾਂਤ              

ਦਿਲ ਕਰੇ ਤਾਂ ਮਿਲ ਜਾਵੀਂ -ਅਮਰਜੀਤ ਟਾਂਡਾ

Posted on:- 07-12-2014


ਦਿਲ ਕਰੇ ਤਾਂ ਮਿਲ ਜਾਵੀਂ
ਰਾਹ ਲੱਭੇ ਤਾਂ ਰੁਕੀਂ ਨਾ
ਦੇਖੀਂ ਕਿਤੇ
ਕਦਮਾਂ ਚ ਬੇਗੁਨਾਹ ਮਿਲਣ ਨਾ ਮਰ ਜਾਵੇ-
ਅੱਧਮੋਈਆਂ ਯਾਦਾਂ ਦੀਆਂ ਰਹਿ ਗਈਆਂ ਕਿਰਚਾਂ
ਤੀਰਾਂ ਨਾਲੋਂ ਵੀ ਤਿੱਖੀਆਂ ਹੁੰਦੀਆਂ ਨੇ

ਧਰਤੀ ਦਾ ਟੋਟਾ
ਜੋ ਸਾਗਰ ਦੀ ਹਿੱਕ ਚ ਨਹੀਂ ਸੀ ਉਤਰਿਆ
ਕਈ ਆਸਾਂ ਲੈ ਕੇ ਮਰ ਗਿਆ ਸੀ

ਝੱਖੜ ਆ ਜਾਂਦੇ ਨੇ ਝੁੱਗੀਆਂ ਚ
ਜਦ ਕੋਈ ਉਹਨਾਂ ਦੀ ਚੀਸ ਨਹੀਂ ਸੁਣਦਾ

ਕਿਹੜੇ ਕੰਮ ਤੇਰੀ ਮਟਕਦੀ ਟੋਰ
ਧੁਖ਼ਦੇ ਅੰਗਿਆਰ

ਨਾ ਹੀ ਕੋਈ ਚੰਦ ਨਗਮਾਂ ਹੈ -ਤੇਰਾ ਨਖ਼ਰਾ
ਜੋ ਅੱਜ ਤੇਰੇ ਹਿੱਕੀਂ ਫੁੱਲ ਖਿੜ੍ਹੇ ਹਨ
ਕੱਲ ਨੂੰ ਇਹਨਾਂ ਮੁਰਝਾਣਾ ਵੀ ਹੈ-
ਪਲਕਾਂ ਤੇ ਰਹਿ ਗਏ ਸੁਫ਼ਨਿਆਂ ਨੇ
ਖ਼ੁਰਨਾ ਵੀ ਹੈ

ਓਦੋਂ ਕਿਸੇ ਨਹੀਂ ਕਹਿਣਾ ਕਿ
ਦਿਲ ਕਰੇ ਤਾਂ ਮਿਲ ਜਾਵੀਂ
ਰਾਹ ਲੱਭੇ ਤਾਂ ਰੁਕੀਂ ਨਾ

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ