Wed, 16 August 2017
Your Visitor Number :-   1073995
SuhisaverSuhisaver Suhisaver
ਹਿਮਾਚਲ 'ਚ ਢਿੱਗਾਂ ਡਿੱਗਣ ਨਾਲ 50 ਮੌਤਾਂ ਦੀ ਸ਼ੰਕਾ               ਭਾਖੜਾ ਡੈਮ 'ਚ ਪਾਣੀ 1656 ਫੁੱਟ ਤੱਕ ਪੁੱਜਿਆ               ਭੂਟਾਨ ਨੇ ਡੋਕਲਾਮ ’ਤੇ ਚੀਨ ਦੇ ਦਾਅਵੇ ਨੂੰ ਨਕਾਰਿਆ              

ਚੰਨ ਵਾਲੀ ਰਾਤ -ਸੁਖਪਾਲ ਸਿੰਘ ਸੁੱਖੀ

Posted on:- 07-11-2015

suhisaver

ਪੁਛ -ਪੁਛ ਪੁੱਟੇਂ ਪੈੜਾਂ ਸੂਰਜਾਂ ਦੀ ਜਾਤ ਨੂੰ,
ਕਾਹਤੋਂ ਲੱਭਦਾ ਹਨੇਰਿਆ ਤੂੰ ਚੰਨ ਵਾਲੀ ਰਾਤ ਨੂੰ

ਅੱਜ ਦੀ ਇਹ ਬਾਤ ਨਹੀਂ ਕੱਲ੍ਹ ਦੇ ਜਹਾਨ ਦੀ ,
ਹੱਸ ਕੇ ਵਿਖਾ ਵੇ ਕਿਦਾਂ ਰੂਹ ਸਮਸ਼ਾਨ ਦੀ ,
ਤੋੜਗੇ ਸੁਭਾਗ ਜੀਹਦੇ ਸਾਂਝੇ ਗੂੜੇ ਸਾਕ ਨੂੰ ...

ਕਿਲ੍ਹਾਂ ਦੇ ਮਾਰੇ ਕਈ ਭੁੱਖੇ ਸੌਂ ਜਾਣ ਓਏ ,
ਤੈਨੂੰ ਕਾਹਦੀਆਂ ਨੇ ਥੋੜਾਂ ਸੱਚੇ ਰੱਬ ਦਿੱਤੀ ਜਾਨ ਓਏ ,
ਪੈਣ ਪਾਈ-ਪਾਈ ਬੋਲਾਂ ਦੀਆਂ ਕੀਮਤਾਂ ਚੁਕਾਓਣੀਆਂ,
ਬਾਰਾਂ ਸਾਲ ਬੇਲੀਆਂ 'ਚ ਮੱਝੀਆਂ ਚਰਾਉਣੀਆਂ ,
ਤਾਂ ਵੀ ਛੱਡਣਾ ਪਿਆ ਏ ਵਿਹੜਾ ਖੇੜਿਆਂ ਦਾ ਚਾਕ ਨੂੰ ...

ਕਦੇ ਕਿਸੇ ਦੀ ਨਾ ਆਈ ਲੱਗੇ ਸਭ ਆਪਣੇ ਗੁਨਾਹ ਨੇ ,
ਬੱਸ ਇਹੀ ਤੇਰੇ ਨਾਂ ਲਿਖੇ ਜਿੰਨੇ ਸਾਡੇ ਸਾਹ ਨੇ ,
ਆਪੇ ਦਰਦਾਂ ਦੇ ਭੱਠ ਝੋਏ ਮੇਹਣਾ ਨਹੀਂ ਹਾਲਾਤ ਨੂੰ ...

ਕੁਝ ਕੱਲ ਅੰਗਿਆਰੀਆਂ ਨੇ ਘਰੀਂ ਅਗਾਂ ਲਾਂਉਦੀਆਂ ,
ਵੰਡੀਆਂ ਨੇ ਭਾਈ ਹੱਥੋਂ ਭਾਈ ਮਰਵਾਓਦੀਆਂ ,
ਨਹੀਂ ਕੀਤਾ ਸੰਨ ਸੰਤਾਲੀ ਵੱਖ ਹਿੰਦ ਅਤੇ ਪਾਕਿ ਨੂੰ
ਕਾਹਤੋਂ ਲੱਭਦਾ ਹਨੇਰਿਆ ਤੂੰ ਚੰਨ ਵਾਲੀ ਰਾਤ ਨੂੰ ।

ਸੰਪਰਕ: +91 97805 33204

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ