Mon, 24 July 2017
Your Visitor Number :-   1064682
SuhisaverSuhisaver Suhisaver
ਸੰਜੈ ਕੋਠਾਰੀ ਹੋਣਗੇ ਨਵੇਂ ਰਾਸ਼ਟਰਪਤੀ ਦੇ ਸਕੱਤਰ               ਨਿੱਜਤਾ ਦਾ ਅਧਿਕਾਰ ਵੀ ਆਪਣੇ-ਆਪ 'ਚ ਸੰਪੂਰਨ ਨਹੀਂ : ਸੁਪਰੀਮ ਕੋਰਟ              

ਗ਼ਜ਼ਲ -ਸੁਬੇਗ ਸੱਧਰ

Posted on:- 15-08-2015

suhisaver

ਵਕਤ ਹੈ ਐਸਾ ਕਿ ਬਸ ਹੁਣ ਤਾਂ ਖੁਦਾ ਬਖਸ਼ੇ।
ਰਹਿਮਤਾਂ ਬਖਸ਼ੇ ਕਿਸੇ ਦਿਲ ਦੀ ਦੁਆ ਬਖਸ਼ੇ।

ਫੇਰਕੇ ਅੱਖਾਂ ਚਲੇ ਜਾਣਾ ਬਿਨਾਂ ਵੇਖੇ,
ਕੌਣ ਹੈ ਜੋ ਦਿਲ ਮੇਰੇ ਨੂੰ ਇਹ ਸਜ਼ਾ ਬਖਸ਼ੇ।

ਫੱਟ ਹਨ ਐਸੇ ਕਿ ਭਰਦੇ ਹੀ ਨਹੀਂ ਜ਼ਾਲਮ,
ਵੈਦ ਇਸ ਦਿਲ ਦਾ ਕੋਈ ਚੰਗੀ ਦਵਾ ਬਖਸ਼ੇ।

ਮੈਂ ਉਦੇ ਦਰ ਦਾ ਬਣਾ ਪੱਥਰ ਮਗਰ ਮੈਨੂੰ,
ਨਾ ਕਦੇ ਕਿਸਮਤ ਦਿਲਾਂ ਦਾ ਫਾਸਲਾ ਬਖਸ਼ੇ।

ਜਾਂ ਬਣਾ ਮਨਸੂਰ ਜਾਂ ਸੁਕਰਾਤ ਹੋ ਜਾਵਾਂ,
ਉਹ ਮੇਰਾ ਮਹਿਰਮ ਅਗਰ ਮੈਨੂੰ ਸਜ਼ਾ ਬਖਸ਼ੇ।

ਪਿੰਡ ਹੀ ਇਕ ਸੁਰਗ ਹੈ ਮੇਰਾ ਖੁਦਾ ਮੈਨੂੰ,
ਉਸਦੀਆਂ ਜੂਹਾਂ ਦੀ ਬਸ ਠੰਡੀ ਹਵਾ ਬਖਸ਼ੇ।

ਈ-ਮੇਲ: subegsadhar@gmail.com

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ