Tue, 23 May 2017
Your Visitor Number :-   1038853
SuhisaverSuhisaver Suhisaver
ਮੈਨਚੈਸਟਰ 'ਚ ਆਤਮਘਾਤੀ ਹਮਲਾ; 22 ਮੌਤਾਂ, 60 ਜ਼ਖ਼ਮੀ               ਭਾਰਤ-ਚੀਨ ਸਰਹੱਦ 'ਤੇ ਸੁਖੋਈ-30 ਜੈੱਟ ਲਾਪਤਾ               ਕੇਜਰੀਵਾਲ ਦੇ ਸਾਂਢੂ ਸੁਰੇਂਦਰ ਕੁਮਾਰ ਬੰਸਲ ਦੇ ਘਰ ਏ ਸੀ ਬੀ ਦਾ ਛਾਪਾ              

ਮਾਂ -ਬਿੰਦਰ ਜਾਨ ਏ ਸਾਹਿਤ

Posted on:- 07-02-2016

suhisaver

ਪਿਆਰੋਂ ਵੱਧ ਕੇ ਪੌਂਡ ਹੋ ਗਏ
ਮਾਂ ਦਾ ਕਰਜ਼ ਚੁਕਾਵਾਂ ਕਿਵੇਂ

ਕਲ਼ਪ ਕਲ਼ਪ ਕੇ ਕਮਲੀ ਹੋਈ
ਮਾਂ ਦਾ ਦਰਦ ਵੰਡਾਵਾਂ ਕਿਵੇਂ

ਵਿੱਤ ਤੋਂ ਵੱਧ ਛਾਲ ਜੋ ਮਾਰੀ
ਪਿੱਛੇ ਹੁਣ ਮੁੜ ਜਾਵਾਂ ਕਿਵੇਂ

ਮਾਂ ਦੀ ਗੋਦ ਜਨਤੋਂ ਪਿਆਰੀ
ਬਚਪਨ ਫਿਰ ਤੋਂ ਪਾਵਾਂ ਕਿਵੇਂ

ਦੇਸੀ ਘਿਉ ਨਾਲ ਕੁੱਟੀ ਚੂਰੀ
ਮਾਂ ਦੇ ਹੱਥ ਨਾਲ ਖਾਵਾਂ ਕਿਵੇਂ

ਨਿਰਮੋਹਾ ਮੈਂ ਲਾਲਚ ਭਰਿਆ
ਮਿੱਠੜਾ ਰਿਸ਼ਤਾ ਚਾਹਵਾਂ ਕਿਵੇਂ

ਦੂਰ ਦੁਰਾਡੇ ਕਿੱਧਰੇ ਖੋਇਆਂ
ਲੱਭਾਂ ਹੁਣ ਉਹ ਰਾਹਵਾਂ ਕਿਵੇਂ

ਜਿਹੜੇ ਹੱਥ ਸੀ ਚੁੰਮਦੇ ਮੱਥਾ
ਸਿਰ ਦੇ ਉੱਤੇ ਟਿਕਾਵਾਂ ਕਿਵੇਂ

ਲੋਰੀਆਂ ਦੇ ਦੇ ਥੱਕੀਆਂ ਨਾ ਜੋ
ਗਲ਼ ਅੱਜ ਪਾਵਾਂ ਬਾਹਵਾਂ ਕਿਵੇਂ

ਹੱਥੀਂ ਅੰਬ ਦਾ ਬੂਟਾ ਪੱਟ ਕੇ
ਮਾਣਾ ਠੰਡੀਆਂ ਛਾਵਾਂ ਕਿਵੇਂ

ਕਦਮਾਂ ਦੇ ਵੀ ਕਾਬਿਲ ਨਾਹੀਂ
ਮਾਂ ਦੇ ਗੁਣ ਹੁਣ ਗਾਵਾਂ ਕਿਵੇਂ

ਈ-ਮੇਲ: binderjann999@gmail.com

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ