Tue, 25 July 2017
Your Visitor Number :-   1065010
SuhisaverSuhisaver Suhisaver
ਕਾਬੁਲ ਕਾਰ ਬੰਬ ਧਮ਼ਾਕੇ ਵਿੱਚ 26 ਮੌਤਾਂ; 41 ਫੱਟੜ               ਪੁਲਾੜ ਵਿਗਿਆਨੀ ਯੂ.ਆਰ. ਰਾਓ ਦਾ ਦੇਹਾਂਤ              

ਜਸਪ੍ਰੀਤ ਕੌਰ ਦੀਆਂ ਦੋ ਕਾਵਿ-ਰਚਨਾਵਾਂ

Posted on:- 22-02-2015

suhisaver

ਦੀਵਾ ਬਾਲਦੇ

ਦੀਵਾ ਬਾਲਦੇ ਇਸ ਦਿਲ ਵਿੱਚ ਆ ਕੇ,
ਬੜੇ ਚਿਰਾਂ ਤੋਂ ਬੁਝਿਆ ਪਿਆ !
ਜੇ ਚਾਹੁੰਨਾ ਬੇਸ਼ੱਕ ਦਿਲ ਤੋੜ ਦੇਵੀਂ,
ਏਹ ਤਾਂ ਚੋਟਾਂ ਵਿੱਚ ਰੁਝਿਆ ਪਿਆ !

ਡੁੱਬਦੇ ਨੂੰ ਮਿਲਜੇ ਕੋਈ ਕਸ਼ਤੀ ਵਾਗੂੰ,
ਸਾਨੂੰ ਤੂੰ ਮਿਲਜਾ ਇੱਕ ਹਸਤੀ ਵਾਗੂੰ !
ਦਿਲ ਭਰ ਭਰ ਕੇ ਇੰਝ ਡੁੱਲੀ ਜਾਵੇ,
ਜਿਵੇਂ ਆਪੇ ਤਾਰੀਆਂ ਵਿੱਚ ਡੁੱਬਿਆ ਪਿਆ !

ਮੈਨੂੰ ਕੱਢ ਲਵੇ ਜੋ ਤੂਫ਼ਾਨਾਂ ਚੋਂ,
ਦੂਰ ਲੈਜੇ ਝੂਠੀਆਂ ਸ਼ਾਨਾਂ ਤੋਂ,
ਤਲੀ ਤੇ ਰੱਖ ਕਿਵੇਂ ਦੀਵਾ ਬਾਲ ਦੇਵਾ,
ਏਹਤਾ ਹਵਾਵਾਂ ਵਿੱਚ ਬੁਝਿਆ ਪਿਆ !

ਵਿਕਦਾ ਕੋਈ ਜੇ ਚੀਜ਼ ਅਸਲੀ ਵਾਗੂੰ,
ਮੁੱਲ ਖਰੀਦੇ ਕਈ ਨਕਲੀ ਵਾਗੂੰ,
ਸਮਾਂ ਈ ਜੇ ਹੇਰ ਫੇਰ ਕਰ ਜਾਵੇ,
ਦੋਸ਼ ਵੀ ਵਿੱਚ ਵਿਚਾਲੇ ਉਲਝਿਆ ਪਿਆ !

***

ਘੜੀ ਲੰਘ ਜਾਣੀ

ਘੜੀ ਔਖੀ ਵੀ ਲੰਘ ਜਾਣੀ,
ਥੋੜਾ ਚਿਰ ਸਮੇਂ ਨੂੰ ਤੰਗ ਜਾਣੀ,
ਖੁਸ਼ੀ ਖੋਈ ਸੁਪਨੇ ਵਰਗੀ,
ਛੁਪ ਗਈ ਓਦੀ ਸੰਗ ਜਾਣੀ !

ਜਦ ਗਲ ਪਊ ਮਾਲਾ ਹਾਰਾਂ ਦੀ,
ਕਦ ਰੁੱਤ ਆਊ ਬਹਾਰਾਂ ਦੀ,
ਸਬਰਾਂ ਦੇ ਫਲ ਵਰਗੀ,
ਚੱਖਣ ਦੀ ਅਨੋਖੀ ਢੰਗ ਜਾਣੀ !

ਰੂਹ ਫੁੱਲ ਵਾਗੂੰ ਖਿੜ ਹੋਜੇ,
ਫਿਰ ਰੋਮ ਰੋਮ ਨੂੰ ਛੋਹਜੇ,
ਅਣਮੁੱਲੇ ਨਸ਼ੇ ਦੇ ਵਰਗੀ,
ਨਾ ਵਿਕਦੀ ਜਿਹੀ ਭੰਗ ਜਾਣੀ !

ਕੋਈ ਆਖੇ ਯਾਦ ਰੱਬ ਦੀ,
ਸੱਚਮੁੱਚ ਦਿਲ ਖੁਸ਼ ਕਰਦੀ,
ਮੇਰੀ ਖੁਸ਼ੀ ਹੀ ਰੱਬ ਵਰਗੀ,
ਪਿਆਰ ਸਮੇਂ ਦੀ ਮੰਗ ਜਾਣੀ!

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ