Wed, 16 August 2017
Your Visitor Number :-   1073994
SuhisaverSuhisaver Suhisaver
ਹਿਮਾਚਲ 'ਚ ਢਿੱਗਾਂ ਡਿੱਗਣ ਨਾਲ 50 ਮੌਤਾਂ ਦੀ ਸ਼ੰਕਾ               ਭਾਖੜਾ ਡੈਮ 'ਚ ਪਾਣੀ 1656 ਫੁੱਟ ਤੱਕ ਪੁੱਜਿਆ               ਭੂਟਾਨ ਨੇ ਡੋਕਲਾਮ ’ਤੇ ਚੀਨ ਦੇ ਦਾਅਵੇ ਨੂੰ ਨਕਾਰਿਆ              

ਐੱਸ. ਸੁਰਿੰਦਰ ਦੀਆਂ ਦੋ ਕਾਵਿ-ਰਚਨਾਵਾਂ

Posted on:- 25-11-2015

suhisaver

ਤੇਰਾ ਨਾਮ ਧਿਆਵਾਂ ਬਾਬਾ ।
ਤੇਰੀ ਕਿਰਤ ਸਲਾਵਾਂ ਬਾਬਾ ।

ਤੂੰ ਵੱਸਦਾ ਹੈ ਜੀਭਾਂ ਉੱਪਰ
ਤੇਰੀ ਉਪਮਾਂ ਗਾਵਾਂ ਬਾਬਾ ।

ਸ਼ਬਦ ਦੇਵੀਂ ਗੀਤ ਮੇਰੇ ਨੂੰ
ਸ਼ਬਦੀ ਜੋਤ ਜਗਾਵਾਂ ਬਾਬਾ ।

ਢਾਰੇ ਤਾਈਂ ਤੂੰ ਸਲਾਇਆ
ਤੈਨੂੰ ਕਿੰਝ ਭੁਲਾਵਾਂ ਬਾਬਾ ।

ਤੂੰ ਕਰਮਾਂ ਦਾ ਹੋਕਾ ਦਿੱਤਾ
ਤੇਰਾ ਸੋਹਿਲਾ ਗਾਵਾਂ ਬਾਬਾ ।

ਚੁੰਨੀ ਲੀਰੋ-ਲੀਰ ਹੈ ਹੋਈ
ਗੁੰਮੀਆਂ ਕੁਲ ਸਦਾਵਾਂ ਬਾਬਾ ।

ਕੂੜ-ਹਨ੍ਹੇਰੇ ਖਲਕਤ ਰੰਗੀ
ਕਰਦੇ ਦੂਰ ਬਲਾਵਾਂ ਬਾਬਾ ।

ਚੋਰ-ਚੌਧਰੀ ਹਾਕਮ ਸਾਡੇ
ਕੀ-ਕੀ ਦੁੱਖ ਸੁਣਾਵਾਂ ਬਾਬਾ ।

ਲੋਭ-ਮੋਹ ਵਿੱਚ ਨਾਤੇ ਮੋਏ
ਭਰਦਾ ਸੱਲ ਕਲਾਵਾਂ ਬਾਬਾ ।

ਸੁਰਿੰਦਰ ਰਾਖੇ ਹੈਨ ਲੁਟੇਰੇ
ਕਿੱਦਾ ਪਿੰਡ ਬਚਾਵਾਂ ਬਾਬਾ ।

***

ਧਰਮਾਂ ਤੀਕ ਪੜ੍ਹਾਵੇ ਨਾਨਕ ,
ਇੱਕ ਖ਼ੁਦਾ ਨੂੰ ਗਾਵੇ ਨਾਨਕ ।

ਦੂਈ ਦਵੈਂਤ ਧਰਮਾਂ ਦੀ ਤੋੜੇ ,
ਸਭ ਦੇ ਮਨ ਨੂੰ ਭਾਵੈ ਨਾਨਕ ।

ਕਰਮਾਂ ਸੰਦੜਾ ਖੇਤ ਬੀਜਦਾ ,
ਸੱਚੀ ਕਿਰਤ ਸਲਾਵੇ ਨਾਨਕ ।

ਮੁੱਖ ਉਸ ਦਾ ਨੂਰ ਇਲਾਹੀ ,
ਵੱਸਦਾ ਮੇਰੇ ਸਾਹਵੇ ਨਾਨਕ ।

ਤੇਰਾ-ਤੇਰਾ ਪਿਆ ਉਚਾਰੇ ,
ਭੁੱਖਾ ਜਗਤ ਰਜਾਵੇ ਨਾਨਕ ।

ਮੈਂ ਵਾਰੀ ਮੈਂ ਵਾਰੀ ਅੰਮੀਏ ,
ਮੇਰੇ ਆਂਗਨ ਆਵੇ ਨਾਨਕ ।

ਸੁਰਿੰਦਰ ਜੱਗ ਕਰੇ ਪੁਕਾਰਾਂ ,
ਮੁੜ ਕੇ ਫੇਰਾ ਪਾਵੇ ਨਾਨਕ ।

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ