Wed, 16 August 2017
Your Visitor Number :-   1073994
SuhisaverSuhisaver Suhisaver
ਹਿਮਾਚਲ 'ਚ ਢਿੱਗਾਂ ਡਿੱਗਣ ਨਾਲ 50 ਮੌਤਾਂ ਦੀ ਸ਼ੰਕਾ               ਭਾਖੜਾ ਡੈਮ 'ਚ ਪਾਣੀ 1656 ਫੁੱਟ ਤੱਕ ਪੁੱਜਿਆ               ਭੂਟਾਨ ਨੇ ਡੋਕਲਾਮ ’ਤੇ ਚੀਨ ਦੇ ਦਾਅਵੇ ਨੂੰ ਨਕਾਰਿਆ              

ਜੂਨ ਚੁਰਾਸੀ -ਐੱਸ ਸੁਰਿੰਦਰ

Posted on:- 03-06-2015

suhisaver

ਜੂਨ ਮਹੀਨਾ ਫੇਰ ਦੁਬਾਰਾ ਆਇਆ ਹੈ
ਦਿਲ ਮੇਰੇ ਨੇ ਗੀਤ ਉਦਾਸਾ ਗਾਇਆ ਹੈ
ਬੇਦੋਸ਼ਾ ਕੋਈ ਮੋਇਆ ਮੇਰੀ ਅੱਖ਼ ਅੰਦਰ
ਜਾਗ ਹੰਝੂ ਦਾ ਜਿਸ ਨੇ ਮੈਨੂੰ ਲਾਇਆ ਹੈ ।
ਜੂਨ ਮਹੀਨਾ ਫੇਰ !

ਲੱਗੇ ਜ਼ਖ਼ਮ ਜਿਗਰ ’ਤੇ ਕੀਕਣ ਧੋਵਾਂਗੇ
ਕਿਸ ਨੂੰ ਦੁੱਖ ਸੁਣਾਈਏ,ਕਿੱਥੇ ਰੋਵਾਂਗੇ
ਹਮਸਾਏ ਨੇ ਐਸਾ ਜ਼ੁਲਮ ਕਮਾਇਆ ਹੈ ।
ਜੂਨ ਮਹੀਨਾ ਫੇਰ !

ਐਸ ਫੱਟ ਨੇ ਹਰਦਮ ਰਿਸਦੇ ਰਹਿਣਾ ਹੈ
ਐਸ ਦਰਦ ਨੇ ਸੋਚਾਂ ਅੰਦਰ ਵਹਿਣਾ ਹੈ
ਦੀਵਾ ਰੰਝ ਦਾ ਮੱਥੇ ਕਿਸੇ ਟਿਕਾਇਆ ਹੈ ।
ਜੂਨ ਮਹੀਨਾ ਫੇਰ !

ਬੁੱਕਲ ਦਿਆਂ ਸੱਪਾਂ ਨੇ ਸਾਨੂੰ ਮਾਰ ਲਿਆ
ਗੈਰਤ ਵਾਲਾ ਜਾਨ ਹੱਸ ਕੇ ਵਾਰ ਗਿਆ
ਦੇ ਕੇ ਫੇਰ ਹਲੂਣਾ ਕਿਸੇ ਜਗਾਇਆ ਹੈ ।
ਜੂਨ ਮਹੀਨਾ ਫੇਰ !

ਸੁਰਿੰਦਰ ਕਾਲੇ ਬੱਦਲ ਹਾਲੇ ਮੁੱਕੇ ਨਹੀਂ
ਅੱਖੀਆਂ ਵਿੱਚੋਂ ਰੱਤੜੇ ਹੰਝੂ ਸੁੱਕੇ ਨਹੀਂ
ਕੱਲਿਆਂ ਤੁਰਨਾ ਪੈਣਾ ਯਾਰ ਪਰਾਇਆ ਹੈ ।
ਜੂਨ ਮਹੀਨਾ ਫੇਰ !

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ