Mon, 24 July 2017
Your Visitor Number :-   1064682
SuhisaverSuhisaver Suhisaver
ਸੰਜੈ ਕੋਠਾਰੀ ਹੋਣਗੇ ਨਵੇਂ ਰਾਸ਼ਟਰਪਤੀ ਦੇ ਸਕੱਤਰ               ਨਿੱਜਤਾ ਦਾ ਅਧਿਕਾਰ ਵੀ ਆਪਣੇ-ਆਪ 'ਚ ਸੰਪੂਰਨ ਨਹੀਂ : ਸੁਪਰੀਮ ਕੋਰਟ              

ਮੌਸਮ ਕੁਝ ਏਦਾਂ ਦਾ -ਅਮਰਜੀਤ ਟਾਂਡਾ

Posted on:- 15-06-2015

suhisaver

ਮੌਸਮ ਕੁਝ ਏਦਾਂ ਦਾ ਹੈ ਬੇਸੁਰੇ ਬੋਲ ਹੋ ਰਹੇ ਨੇ ਰਬਾਬ ਦੇ
ਟੁਰੀ ਫਿਰਦੀ ਹੈ ਅੱਗ ਫ਼ਿਰ ਧੁਖ਼ ਨਾ ਪੈਣ ਰੁੱਖ ਪੰਜਾਬ ਦੇ

ਤੂੰ ਸਾਂਭ ਕੇ ਰੱਖ ਲੈ ਇਹ ਨੰਗੀ ਤਲਵਾਰ ਕਿਸੇ ਕਿੱਲੀ ’ਤੇ
ਅਜੇ ਤਾਂ ਪਹਿਲੇ ਹੀ ਦਿਨ ਨਹੀਂ ਭੁੱਲੇ ਰਾਹਾਂ ਨੂੰ ਵੈਰਾਗ ਦੇ

ਕਦੇ ਹੱਸਦੇ ਸਾਂ ਕੱਠੇ ਰੋ ਵੀ ਲੈਂਦੇ ਸਾਂ ਬਹਿ ਕੇ ਵਿਹੜੇ ’ਚ
ਉੱਡ ਗਏ ਹਾਸੇ ਕਿਹਨੂੰ ਵਿਖਾਈਏ ਅੱਖਾਂ ’ਚ ਹੰਝੂ ਖ਼ਾਬ ਦੇ

ਇੱਕ ਗੀਤ ਹਵਾਵਾਂ ਦਾ ਮਰ ਜਾਂਦਾ ਹੈ ਰੋਜ਼ ਸਾਹਵਾਂ ਵਿਚ
ਘਰ ਘਰ ਬੀਜੀਏ ਰੰਗ ਲੈ ਕੇ ਆਇਆ ਹਾਂ ਕਈ ਗੁਲਾਬ ਦੇ

ਤੈਨੂੰ ਮਿਲਣ ਮੈਂ ਆਉਣਾ ਸੀ ਸੀਨਾ ਖੋਲ੍ਹ ਵਿਖਾਉਣਾ ਸੀ
ਰੁੱਖ ਬਲਦੇ ਸਨ ਰਾਹੀਂ ਪਾਣੀ ਤਪਦੇ ਸਨ ਚਨਾਬ ਦੇ

ਜ਼ਖ਼ਮ ਅੱਗ ਦੇ ਵੱਡੇ ਕਹੋ ਕਿ ਇਹ ਹਰਫਾਂ ਨੂੰ ਨਾ ਲੱਗੇ
ਮਸਾਂ ਸੁਆਏੇ ਨੇ ਰੋਂਦੇ ਵਿਲਕਦੇ ਲਿਖੇ ਸਫ਼ੇ ਕਿਤਾਬ ਦੇ

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ