Wed, 16 August 2017
Your Visitor Number :-   1073995
SuhisaverSuhisaver Suhisaver
ਹਿਮਾਚਲ 'ਚ ਢਿੱਗਾਂ ਡਿੱਗਣ ਨਾਲ 50 ਮੌਤਾਂ ਦੀ ਸ਼ੰਕਾ               ਭਾਖੜਾ ਡੈਮ 'ਚ ਪਾਣੀ 1656 ਫੁੱਟ ਤੱਕ ਪੁੱਜਿਆ               ਭੂਟਾਨ ਨੇ ਡੋਕਲਾਮ ’ਤੇ ਚੀਨ ਦੇ ਦਾਅਵੇ ਨੂੰ ਨਕਾਰਿਆ              

ਠੇਕੇਦਾਰ ਜੀ ! -ਗੁਰਪ੍ਰੀਤ ਸਿੰਘ ਰੰਗੀਲਪੁਰ

Posted on:- 13-08-2015

suhisaver

ਠੇਕੇਦਾਰ :-
ਕੰਮ ਘੱਟ ’ਤੇ ਮਚਾਉਂਦਾ ਜ਼ਿਆਦਾ ਸ਼ੋਰ ਹੈ,
ਪਹਿਲਾਂ ਦੂਸਰੇ ਤੋਂ ਵੱਡਾ ਕੰਮਚੋਰ ਹੈ ,
ਆਏ ਦਿਨ ਹੀ ਬਹਾਨਾ ਲਾਉਂਦਾ ਹੋਰ ਹੈ,
ਕੰਮ ਕਰੀਦਾ ਹੈ ਕਿੱਦਾਂ ਇਹ ਸਿਖਾਊਂ ਕਾਮਿਓ ।
ਪੁੱਤ ਬੰਦੇ ਦੇ ਮੈਂ ਸਭ ਨੂੰ ਬਣਾਊਂ ਕਾਮਿਓ

ਕਾਮਾ :-
ਪਿਆ ਤੜਫੇ ਬੀਮਾਰੀ 'ਨਾ ਵਿਚਾਰਾ ਹੈ,
ਨਾਲ ਉਸਨੇ ਟੱਬਰ ਲਾਇਆ ਸਾਰਾ ਹੈ,
ਪਰ ਕੰਮ ਤੁਹਾਨੂੰ ਚੰਮ ਤੋਂ ਪਿਆਰਾ ਹੈ,
ਕਰ ਗਏ ਓ ਜੁਲਮਾਂ ਦੀ ਹਰ ਹੱਦ ਪਾਰ ਜੀ ।
ਬੰਦ ਕਰੋ ਜੀ ਕਸਾਈਪੁਣਾ ਠੇਕੇਦਾਰ ਜੀ ।

ਠੇਕੇਦਾਰ :-
ਲੱਖਾਂ ਦੇ ਕੇ ਪਾਸ ਟੈਂਡਰ ਕਰਾਉਂਦਾ ਮੈਂ,
ਫੰਡ ਪਾਰਟੀ ਨੂੰ ਚੋਣਾਂ ਦੇ ਘਲਾਉਂਦਾ ਮੈਂ,
ਖੌਰੇ ਕਿਹਦੇ-ਕਿਹਦੇ ਪੈਰੀਂ ਹੱਥ ਲਾਉਂਦਾ ਮੈਂ,
ਜਿੰਨਾ ਲਾਇਆ ਉੱਤੇ ਚੌਗੁਣਾ ਕਮਾਊਂ ਕਾਮਿਓ ।
ਪੁੱਤ ਬੰਦੇ ਦੇ ਮੈਂ ਸਭ ਨੂੰ ਬਣਾਊਂ ਕਾਮਿਓ ।

ਕਾਮਾ :-
ਫਾਇਦੇ ਲਈ  ਓ ਕਿਰਤ ਸਾਡੀ ਲੁੱਟਦੇ,
ਠੱਗੀ ਮਾਰਦੇ ਓ ਨਾਲੇ ਸਾਨੂੰ ਕੁੱਟਦੇ,
ਪਰ ਏਦਾਂ ਸਾਡੇ ਹੌਂਸਲੇ ਨਹੀਂ ਟੁੱਟਦੇ,
ਹੱਕ ਲੈਣਾ ਅਸੀਂ ਆਪਣਾ ਹੈ ਲਲਕਾਰ ਜੀ ।
ਬੰਦ ਕਰੋ ਜੀ ਕਸਾਈਪੁਣਾ ਠੇਕੇਦਾਰ ਜੀ ।

ਠੇਕੇਦਾਰ :-
ਕਹਿੰਦੇ ਕਿਰਤ ਕਾਨੂੰਨ ਛਿੱਕੇ ਟੰਗੇ ਮੈਂ,
ਪੌਂਚੇ ਚੁੱਕ ਕੇ ਆ ਸਾਰੇ ਪਾਣੀ ਲੰਘੇ ਮੈਂ,
ਜਾਣ-ਬੁਝ ਕੇ ਕਰਾਂਗੇ ਖੜੇ ਪੰਗੇ ਮੈਂ,
ਭੂਤ ਲੀਡਰੀ ਦਾ ਬੁਰਾ ਮੈਂ ਭਜਾਊਂ ਕਾਮਿਓ ।
ਪੁੱਤ ਬੰਦੇ ਦੇ ਮੈਂ ਸਭ ਨੂੰ ਬਣਾਊਂ ਕਾਮਿਓ ।...

ਕਾਮਾ :-

ਸਾਨੂੰ ਆਪਣੇ ਤੇ ਪੂਰਾ ਵਿਸ਼ਵਾਸ ਜੀ,
ਲਾਮਬੰਦੀ ਵਿੱਚ ਲਾ'ਦਾਂਗੇ ਸਵਾਸ ਜੀ,
ਏਕਾ ਕਾਮਿਆਂ ਦਾ ਰਚੇ ਇਤਿਹਾਸ ਜੀ,
ਮੁੱਠੀ ਬਣ ਉੰਗਲਾਂ ਨੇ ਜਦੋਂ ਫੜੀ ਤਲਵਾਰ ਜੀ ।
ਬੰਦ ਹੋ ਜਾਣਾ ਕਸਾਈਪੁਣਾ ਠੇਕੇਦਾਰ ਜੀ ।

ਸੰਪਰਕ:  +91 98552 07071

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ