Mon, 29 May 2017
Your Visitor Number :-   1040918
SuhisaverSuhisaver Suhisaver
ਬੁਰਹਾਨ ਵਾਨੀ ਦਾ ਸਾਥੀ ਸਬਜ਼ਾਰ ਮੁਕਾਬਲੇ 'ਚ ਹਲਾਕ               ਫਿਲੀਪੀਨਜ਼ 'ਚ ਐਮਰਜੈਂਸੀ, ਆਈ ਐੱਸ ਅੱਤਵਾਦੀਆਂ ਦੇ ਹਮਲਿਆਂ 'ਚ 21 ਮੌਤਾਂ               ਦਸਵੀਂ ਦੇ ਮਾੜੇ ਨਤੀਜਿਆਂ ਨੇ 5 ਜਾਨਾਂ ਲਈਆਂ, ਇੱਕ ਗੰਭੀਰ              

ਬੋਲੀਆਂ - ਐੱਸ. ਸੁਰਿੰਦਰ

Posted on:- 29-04-2015

suhisaver

ਪਰਦੇਸੀਆ ਉਡੀਕਾਂ ਤੇਰੀਆਂ,
ਮੈਂ ਕੁੱਟ ਕੇ ਚੂਰੀਆ ਰੱਖੀਆਂ ।

ਘਰ ਆਜਾ ਪਰਦੇਸੀਆ,
ਰੰਗ ਸੂਹਾ ਖੁਰਦਾ ਜਾਵੇ ।

ਨੀ ਮਿੱਟੀਏ ਵਤਨ ਦੀਏ ,
ਤੈਨੂੰ ਅੱਖ ਦਾ ਅਰਗ ਚੜਾਵਾਂ ।

ਵੇ ! ਮਿੱਤਰਾ ਦੂਰ ਦਿਆਂ ,
ਕਦੇ ਵਤਨੀਂ ਮੋੜ ਮੁਹਾਰਾਂ ।

ਰੋਂਦਿਆਂ ਦਾ ਦਿਨ ਲੰਘਿਆ ,
ਉੱਤੋਂ ਰਾਤ ਗਮਾਂ ਦੀ ਆਈ ।

ਸਿੱਕ ਮੇਰੀ ਥਲ ਬਣ ਗਈ ,
ਲੋਕੋ ਕੂੰਕ ਪਪੀਹੇ ਵਾਲੀ ।

ਹਾੜਾ ਦੂਰ ਜਾਣ ਵਾਲਿਆਂ ,
ਤੇਰੀ ਯਾਦ ਕਲਾਵੇ ਭਰਦੀ ।

ਤੇਰੇ ਨਾਲ ਲਾ ਕੇ ਅੱਖੀਆਂ ,
ਮੈਂ ਜਾਨ ਦੁੱਖਾਂ ਵਿੱਚ ਪਾਈ ।

ਝਾਂਜਰਾਂ ਨੇ ਗੀਤ ਛੇੜਿਆ ,
ਜਦੋਂ ਵਾਜ ਮਾਹੀ ਨੇ ਮਾਰੀ ।

ਤੇਰੀਆਂ ਮੈਂ ਮਿਨਤਾ ਕਰਾਂ ,
ਮੈਨੂੰ ਛੱਡ ਕੇ ਕਦੇ ਨਾ ਜਾਵੀਂ ।

ਚਿੱਠੀ ਆਈ ਸੱਜਣਾ ਦੀ ,
ਮੈਂ ਚੁੰਮ ਕੇ ਕਾਲਜੇ ਲਾਈ ।

ਸੱਜਣਾ ਦੀ ਯਾਦ ਆ ਗਈ ,
ਜਦੋਂ ਕਾਂ ਕੋਠੇ ਕੁਰਲਾਇਆ ।

ਚਾਲ ਮੇਰੀ ਬਿਜਲੀ ਯਾਰਾ ,
ਡੰਗ ਮਾਰਦਾ ਲਾਲ ਪਰਾਦਾਂ ।

ਯਾਰ ਵਿੱਚੋਂ ਰੱਬ ਮਿਲਿਆ ,
ਤੈਨੂੰ ਕਿੰਝ ਕਾਜ਼ੀ ਸਮਝਾਵਾਂ ।

ਛੁੱਟੀ ਲੈਕੇ ਆਜਾ ਬੇਲੀਆ ,
ਮੇਰੀ ਜਿੰਦ ਕਲੀ ਕੁਮਲਾਈ ।

ਹਾਏ ਟੁੱਟੀਆਂ ਤੜੱਕ ਕਰਕੇ ,
ਪੀਘਾਂ ਚੰਨ ਉੱਤੇ ਸੀ ਪਾਈਆਂ ।

ਸੰਪਰਕ: 0039 328 0437353

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ