Mon, 21 August 2017
Your Visitor Number :-   1075443
SuhisaverSuhisaver Suhisaver
ਗੋਰਖਪੁਰ ਦੁਖਾਂਤ; ਨਿਆਂਇਕ ਜਾਂਚ ਦੀ ਮੰਗ ਨੂੰ ਲੈ ਕੇ ਪਟੀਸ਼ਨ ਦਾਇਰ               ਦੂਰਦਰਸ਼ਨ ਤੇ ਅਕਾਸ਼ਵਾਣੀ ਵੱਲੋਂ ਮਾਣਿਕ ਸਰਕਾਰ ਦਾ ਅਜ਼ਾਦੀ ਦਿਵਸ ਭਾਸ਼ਣ ਪ੍ਰਸਾਰਿਤ ਕਰਨ ਤੋਂ ਇਨਕਾਰ               ਭੂਟਾਨ ਨੇ ਡੋਕਲਾਮ ’ਤੇ ਚੀਨ ਦੇ ਦਾਅਵੇ ਨੂੰ ਨਕਾਰਿਆ              

ਕਿਰਤ ਨੂੰ ਸਲਾਮ -ਕਰਮਜੀਤ ਸਕਰੁੱਲਾਂਪੁਰੀ

Posted on:- 22-05-2016

suhisaver

ਸੁਣ ਕਿਰਤੀਆ, ਸੁਣ ਕਾਮਿਆਂ, ਕਿਰਸਾਨ ਵੀਰਿਆ ...
ਤੂੰ ਹਿੰਮਤਾਂ ਦੇ ਨਾਲ਼ ਹਰ ਤੂਫ਼ਾਨ ਚੀਰਿਆ...
ਸੋਹਣੀ ਬਣਾਵੇਂ ਦੁਨੀਆਂ, ਕਰਦਾ ਨਹੀਂ ਆਰਾਮ....
ਕਿਰਤ ਨੂੰ ਸਲਾਮ, ਤੇਰੀ ਕਿਰਤ ਨੂੰ ਸਲਾਮ. ...!!!

ਤੇਰੇ ਸਿਰ ਦੀ ਟੋਕਰੀ 'ਚੋਂ ਬਣੇ ਮਹਿਲ -ਮਾੜੀਆਂ ।
ਸੂਈ,  ਜਹਾਜ, ਰੇਲਾਂ ਇਹ ਚੀਜ਼ਾਂ ਸਾਰੀਆਂ ।
ਤੇਰਾ ਮੁੜ੍ਹਕਾ ਜਿੱਥੇ ਡੁੱਲ੍ਹਦਾ ਉਥੇ ਹੋਣ ਬਰਕਤਾਂ ,
ਬੰਜਰ ਜ਼ਮੀਨਾਂ ਦੋਸਤਾਂ ਤੂੰ ਖ਼ੁਦ ਸੰਵਾਰੀਆਂ ।
ਕਿੰਨੀ ਹੈ ਖ਼ਾਸ ਹਸਤੀ, ਰਹਿੰਦਾ ਏਂ ਬਣਕੇ ਆਮ ....
ਕਿਰਤ ਨੂੰ ਸਲਾਮ......।

ਗਰਮੀ ਨੇ ਸਾੜਿਆਂ ਏਂ ਤੂੰ, ਸਰਦੀ ਨੇ ਠਾਰਿਆ ।
ਬੇਰਹਿਮ ਮੌਸਮਾਂ ਦਾ ਤੂੰ ਹਰ ਦੁੱਖ ਸਹਾਰਿਆ ।
ਗ਼ੁਰਬਤ ਨੇ ਤੇਰੇ ਦਰ 'ਤੇ ਲਾਏ ਹੋਏ ਡੇਰੇ,
ਫ਼ਿਰ ਵੀ ਸਿਤਮਗ਼ਰਾਂ ਨੂੰ ਖੜ੍ਹ ਕੇ ਵੰਗਾਰਿਆ ।
ਤੇਰਾ ਰੋਸ ਹੀ ਕਰ ਦੇਵੇ ਸਾਰੇ ਜਹਾਂ ਨੂੰ ਜਾਮ.....
ਕਿਰਤ ਨੂੰ ਸਲਾਮ ...... ।

ਕੋਈ "ਕਰਮਜੀਤ " ਕਹਿੰਦੈ, ਬੁੱਝ ਲੈ ਬੁਝਾਰਤਾਂ  ।
ਜਿੱਥੇ ਵੀ ਜ਼ੁਲਮ ਦਿਸਦੈ ਕਰ ਦੇ ਬਗ਼ਾਵਤਾਂ ।
ਤੇਰੇ ਹੱਥਾਂ ਉੱਤੇ ਰੱਖ ਕੇ ਕਿਸਮਤ ਦਾ ਫ਼ਲਸਫ਼ਾ
ਕੋਈ ਪਰਦੇ ਪਿੱਛੋਂ ਖੇਡਦੈ ਮਿੱਤਰਾ ਸਿਆਸਤਾਂ ।
ਹੁਣ ਖੁੱਦ ਨੂੰ ਇਨਕਲਾਬੀ ਐਲਾਨ ਸ਼ਰੇਆਮ ....
ਕਿਰਤ ਨੂੰ ਸਲਾਮ, ਤੇਰੀ ਕਿਰਤ ਸਲਾਮ....।

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ