Tue, 23 May 2017
Your Visitor Number :-   1038855
SuhisaverSuhisaver Suhisaver
ਮੈਨਚੈਸਟਰ 'ਚ ਆਤਮਘਾਤੀ ਹਮਲਾ; 22 ਮੌਤਾਂ, 60 ਜ਼ਖ਼ਮੀ               ਭਾਰਤ-ਚੀਨ ਸਰਹੱਦ 'ਤੇ ਸੁਖੋਈ-30 ਜੈੱਟ ਲਾਪਤਾ               ਕੇਜਰੀਵਾਲ ਦੇ ਸਾਂਢੂ ਸੁਰੇਂਦਰ ਕੁਮਾਰ ਬੰਸਲ ਦੇ ਘਰ ਏ ਸੀ ਬੀ ਦਾ ਛਾਪਾ              

ਗ਼ਜ਼ਲ - ਆਰ.ਬੀ.ਸੋਹਲ

Posted on:- 03-07-2016

suhisaver

ਦਰਦ  ਦਿਲ ਦਾ  ਵਧ ਰਿਹਾ ਹੈ, ਦਿਲਲਗੀ ਦੇ ਨਾਲ ਨਾਲ ।
ਬੇਬਸੀ  ਵੀ  ਪਲ  ਰਹੀ   ਹੈ,  ਬੇਖੁਦੀ   ਦੇ  ਨਾਲ  ਨਾਲ ।
 
ਕਰ ਰਿਹਾ ਏਂ ਦਿਲਬਰਾ ਤੂੰ,ਬਣ ਕੇ ਨਸ਼ਤਰ ਦਿਲ ਤੇ ਵਾਰ,
ਇੰਝ   ਦਾ  ਮੰਜਰ   ਹੈ  ਤੇਰੀ, ਦੋਸਤੀ  ਦੇ   ਨਾਲ  ਨਾਲ ।
 
ਖੌਫ਼   ਦਿਲ  ਚੋਂ  ਮੌਤ ਦਾ  ਕੱਢ ,ਜਿੰਦਗੀ  ਤੇ ਰੱਖ  ਯਕੀਨ,
ਮੌਤ  ਤਾਂ   ਚਲਦੀ   ਰਹੇਗੀ.  ਜਿੰਦਗੀ  ਦੇ   ਨਾਲ  ਨਾਲ ।
 
ਉਹ   ਬੜੇ   ਮਾਸੂਮ   ਬਣਕੇ,  ਭਾਲਦੇ   ਨੇ    ਮਦਦਗਾਰ,
ਲੁਟ  ਰਹੇ  ਪਰ  ਚਿਹਰਿਆਂ ਦੀ, ਸਾਦਗੀ  ਦੇ ਨਾਲ ਨਾਲ ।
 
ਆਦਮੀ   ਦੀ    ਹਰ   ਸਹੂਲਤ,  ਵਾਸਤੇ   ਹੈ   ਇੰਤਜ਼ਾਮ,
ਹੈ   ਨੇ   ਮੈਖਾਨੇ   ਤੇ  ਮੰਦਿਰ, ਹਰ  ਗਲੀ ਦੇ ਨਾਲ ਨਾਲ ।
 
ਚਾਨਣੀ  ਦਾ   ਮੁੱਲ  ਨਾ  ਪੈਂਦਾ,  ਨ੍ਹੇਰਿਆਂ  ਦੇ  ਵੀ   ਬਗੈਰ,
ਸਫ਼ਰ   ਨ੍ਹੇਰੇ   ਦਾ   ਜਰੂਰੀ,   ਰੌਸ਼ਨੀ   ਦੇ  ਨਾਲ  ਨਾਲ ।
 
ਬਸ ਨਸੀਹਤ ਦੇਣ ਖਾਤਿਰ, ਲਿਖ ਰਿਹਾ ਗਜ਼ਲਾਂ ਤੂੰ ਸੋਹਲ,
ਅਮਲ ਵੀ  ਪਰ  ਹੈ  ਜਰੂਰੀ,  ਸ਼ਾਇਰੀ   ਦੇ   ਨਾਲ ਨਾਲ ।

ਈ-ਮੇਲ: rbsohal@gmail.com

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ