Thu, 17 August 2017
Your Visitor Number :-   1074109
SuhisaverSuhisaver Suhisaver
ਗੋਰਖਪੁਰ ਦੁਖਾਂਤ; ਨਿਆਂਇਕ ਜਾਂਚ ਦੀ ਮੰਗ ਨੂੰ ਲੈ ਕੇ ਪਟੀਸ਼ਨ ਦਾਇਰ               ਦੂਰਦਰਸ਼ਨ ਤੇ ਅਕਾਸ਼ਵਾਣੀ ਵੱਲੋਂ ਮਾਣਿਕ ਸਰਕਾਰ ਦਾ ਅਜ਼ਾਦੀ ਦਿਵਸ ਭਾਸ਼ਣ ਪ੍ਰਸਾਰਿਤ ਕਰਨ ਤੋਂ ਇਨਕਾਰ               ਭੂਟਾਨ ਨੇ ਡੋਕਲਾਮ ’ਤੇ ਚੀਨ ਦੇ ਦਾਅਵੇ ਨੂੰ ਨਕਾਰਿਆ              

ਗ਼ਜ਼ਲ - ਆਰ.ਬੀ. ਸੋਹਲ

Posted on:- 28-08-2016

suhisaver

ਹੁਸਨ  ਨੂੰ ਆਪਣਾ  ਖੁਦਾ  ਜਦ  ਤੋਂ  ਬਣਾਇਆ ਇਸ਼ਕ ਨੇ ।
ਪਿਆਰ  ਤੋਂ  ਕੁਰਬਾਨ  ਹੋਣਾ  ਹੀ  ਸਿਖਾਇਆ  ਇਸ਼ਕ ਨੇ ।
 
ਹੋਸ਼  ਵਿਚ  ਆਈਆਂ  ਨੇ  ਰੂਹਾਂ  ਭਟਕਨਾ  ਵੀ  ਮਿਟ ਗਈ,
ਨਾਦ  ਅਨਹਦ  ਦਾ  ਉਨ੍ਹਾਂ  ਨੂੰ ਜਦ  ਸੁਣਾਇਆ ਇਸ਼ਕ ਨੇ ।
 
ਮਹਿਲ  ਤੇ ਵੱਡੀਆਂ  ਜਗੀਰਾਂ ਤਿਆਗ ਕੇ  ਬੁੱਧ ਬਣ  ਗਿਆ,
ਰਾਹ  ਸਿਧਾਰਥ  ਨੂੰ  ਸਚਾਈ  ਦਾ  ਵਿਖਾਇਆ  ਇਸ਼ਕ ਨੇ ।
 
ਲਾ  ਲਿਆ  ਗਲ  ਨਾਲ  ਬੁੱਲਾ  ਸ਼ਾਹ  ਇਨਾਅਤ ਨੇ  ਉਦੋਂ,
ਕੰਜਰੀਆਂ  ਦੇ  ਵਾਂਗ  ਬੁੱਲਾ  ਜਦ  ਨਚਾਇਆ  ਇਸ਼ਕ ਨੇ ।
 
ਬਸ਼ਰ  ਜੋ  ਮਜ਼ਲੂਮ   ਉੱਤੇ  ਜ਼ੁਲਮ   ਹੀ   ਕਰਦਾ   ਰਿਹਾ,
ਦਰਦ  ਦਾ ਅਸਿਸਾਸ  ਵੀ  ਉਸਨੂੰ  ਕਰਾਇਆ ਇਸ਼ਕ  ਨੇ ।
 
ਕੌਰਵਾਂ   ਨੇ   ਵਾਰ   ਕੀਤਾ   ਜਦ   ਦਰੋਪਦ    ਨਾਰ   ਤੇ,
ਭੇਜਿਆ  ਕੇਸ਼ਵ  ਤੇ  ਇਜੱਤ   ਨੂੰ  ਬਚਾਇਆ  ਇਸ਼ਕ  ਨੇ ।

ਉਹ   ਕਦੇ  ਬੂਟਾ  ਨਾ  ਡਰਿਆ ਝੱਖੜਾਂ   ਦੀ   ਮਾਰ   ਤੋਂ ,
ਚੀਰ  ਕੇ  ਪਰਬਤ  ਦਾ  ਸੀਨਾ ਜੋ  ਉਗਾਇਆ  ਇਸ਼ਕ ਨੇ ।
 
ਇਸ਼ਕ  ਅੱਲਾ   ਇਸ਼ਕ  ਮੌਲਾ  ਸੋਹਲ  ਨੇ ਜਦ ਮਨ ਲਿਆ,
ਜ਼ਿੰਦਗੀ   ਨੂੰ   ਖੂਬਸੂਰਤ   ਹੀ   ਬਣਾਇਆ   ਇਸ਼ਕ  ਨੇ ।


Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ