Mon, 21 August 2017
Your Visitor Number :-   1075443
SuhisaverSuhisaver Suhisaver
ਗੋਰਖਪੁਰ ਦੁਖਾਂਤ; ਨਿਆਂਇਕ ਜਾਂਚ ਦੀ ਮੰਗ ਨੂੰ ਲੈ ਕੇ ਪਟੀਸ਼ਨ ਦਾਇਰ               ਦੂਰਦਰਸ਼ਨ ਤੇ ਅਕਾਸ਼ਵਾਣੀ ਵੱਲੋਂ ਮਾਣਿਕ ਸਰਕਾਰ ਦਾ ਅਜ਼ਾਦੀ ਦਿਵਸ ਭਾਸ਼ਣ ਪ੍ਰਸਾਰਿਤ ਕਰਨ ਤੋਂ ਇਨਕਾਰ               ਭੂਟਾਨ ਨੇ ਡੋਕਲਾਮ ’ਤੇ ਚੀਨ ਦੇ ਦਾਅਵੇ ਨੂੰ ਨਕਾਰਿਆ              

ਮੀਂਹ -ਬਲਜਿੰਦਰ ਮਾਨ

Posted on:- 05-07-2015

ਮੀਂਹ ਵਿਚ ਆਪਾਂ ਨਾਹੁੰਦੇ ਹਾਂ
ਰਲ ਮਿਲ ਖੁਸ਼ੀ ਮਨਾਉਂਦੇ ਹਾਂ।
    ਕਾਲੇ ਕਾਲੇ ਬੱਦਲ ਛਾਏ
    ਸਮੁੰਦਰੋਂ ਪਾਣੀ ਲੈ ਕੇ ਆਏ ।
ਘਟਾ ਕਾਲੀਆਂ ਛਾਈਆਂ ਨੇ
ਬਗਲਿਆਂ ਉਡਾਰੀਆਂ ਲਾਈਆਂ ਨੇ।
    ਬਾਗਾਂ ਦੇ ਵਿਚ ਜਾਵਾਂਗੇ
    ਅੰਬ ਚੂਪ ਕੇ ਆਵਾਂਗੇ
ਮੋਰਾਂ ਨੇ ਜਦ ਪੈਲ ਪਾਈ
ਪੰਛੀਆਂ ਨੇ ਵੀ ਖੁਸ਼ੀ ਮਨਾਈ।
    ਖੇਤ ਖਾਲ਼ ਸਭ ਭਰ ਗਏ ਨੇ
    ਬੇੜੇ ਸਾਡੇ ਤਰ ਗਏ ਨੇ।
ਮੀਂਹ ਨਾਲ ਧਰਤੀ ਨੱਚੇ ਗਾਵੇ
ਹਰ ਚਿਹਰੇ ਤੇ ਰੌਣਕ ਆਵੇ।

ਫਸਲਾਂ ਤੇ ਹਰਿਆਲੀ ਛਾਈ
    ਹਰ ਪਾਸੇ ਖੁਸ਼ਹਾਲੀ ਆਈ।
ਮੀਤਾ ਜੀਤਾ ਰੀਟਾ ਰਾਣੀ
ਜੁੜ ਕੇ ਬੈਠੇ ਸਾਰੇ ਹਾਣੀ।
    ਰੱਬ ਅੱਗੇ ਕਰਨ ਅਰਜੋਈ
    ਭੁੱਖਾ ਰਹੇ ਜੀਵ ਨਾ ਕੋਈ।
ਬੂਟੇ ਹਰ ਥਾਂ ਲਾ ਲਈਏ
ਬੱਦਲਾਂ ਨੂੰ ਭਰਮਾ ਲਈਏ।
    ਮੀਂਹ ਨੂੰ ਲੈ ਕੇ ਆਇਆ ਹੈ
    ਸਾਉਣ ਮਹੀਨਾ ਭਾਇਆ ਹੈ।
ਰਲ਼ ਖੀਰਾਂ ਪੂੜੇ ਖਾਵਾਂਗੇ
ਸਭ ਨੱਚਾਂਗੇ ਤੇ ਗਾਵਾਂਗੇ।
    ‘ਮਾਨ’ ਪੱਲੇ ਬੰਨ ਲੈ ਬਾਤ
    ਪਾਣੀ ਬੜੀ ਕੀਮਤੀ ਦਾਤ।
                    
ਸੰਪਰਕ: +91 98150 18947

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ