Thu, 17 August 2017
Your Visitor Number :-   1074109
SuhisaverSuhisaver Suhisaver
ਗੋਰਖਪੁਰ ਦੁਖਾਂਤ; ਨਿਆਂਇਕ ਜਾਂਚ ਦੀ ਮੰਗ ਨੂੰ ਲੈ ਕੇ ਪਟੀਸ਼ਨ ਦਾਇਰ               ਦੂਰਦਰਸ਼ਨ ਤੇ ਅਕਾਸ਼ਵਾਣੀ ਵੱਲੋਂ ਮਾਣਿਕ ਸਰਕਾਰ ਦਾ ਅਜ਼ਾਦੀ ਦਿਵਸ ਭਾਸ਼ਣ ਪ੍ਰਸਾਰਿਤ ਕਰਨ ਤੋਂ ਇਨਕਾਰ               ਭੂਟਾਨ ਨੇ ਡੋਕਲਾਮ ’ਤੇ ਚੀਨ ਦੇ ਦਾਅਵੇ ਨੂੰ ਨਕਾਰਿਆ              

ਮਾਹੀਆ - ਐੱਸ ਸੁਰਿੰਦਰ

Posted on:- 05-03-2015

suhisaver

ਸੋਨੇ ਦਾ ਛੱਜ ਮਾਹੀਆ ।
ਇੱਕ ਪਲ ਹੋਰ ਠਹਿਰ ਜਾ , ਸਾਡਾ ਹੋਇਆ ਨਾ ਰੱਜ ਮਾਹੀਆ ।

ਚਾਂਦੀ ਦਾ ਛੱਲਾ ਏ ।
ਦਿਲ ਮੇਰਾ ਯਾਰ ਲੈ ਗਿਆ , ਬੁੱਤ ਰਹਿ ਗਿਆ ਕੱਲਾ ਏ ।

ਛੰਨਾ ਦੁੱਧ ਦਾ ਭਰਿਆ ਏ ।
ਸੱਲ ਜੁਦਾਈ ਦਾ , ਅਸਾਂ ਦਿਲ ਤੇ ਜਰਿਆ ਏ ।

ਕੋਈ ਗਿੜਦਾ ਖੂਹ ਮਾਹੀਆ ।
ਤੇਰੇ ਪਿਛੋਂ ਪਰਦੇਸੀਆ , ਰੋਦੀਂ ਪਿੰਡ ਦੀ ਜੂਹ ਮਾਹੀਆ ।

ਮਾਹੀ ਦਾ ਛੱਲਾ ਏ ।
ਇਸ਼ਕ ਨੇ ਡੰਗ ਮਾਰਿਆ , ਦਿਲ ਹੋ ਗਿਆ ਝੱਲਾ ਏ ।

ਬੇਕਦਰੇ ਤੇ ਡੁੱਲ ਗਏ ਆ ।
ਜਦੋਂ ਦਾ ਮਾਹੀ ਮੁੱਖ ਮੋੜਿਆ , ਅਸੀਂ ਹੱਸਣਾ ਭੁੱਲ ਗਏ ਆ ।

ਤੰਦ ਦੁੱਖਾਂ ਦੇ ਪਾਵਾਂ ਮੈਂ ।
ਮੁੜ ਆ ਵਤਨਾਂ ਨੂੰ , ਹੰਝੂ ਦੀਪ ਜਗਾਵਾਂ ਮੈਂ ।

ਅਸੀਂ ਕਾਂਗ ਉਡਾਉਂਦੇ ਹਾਂ ।
ਮੁੜ ਆ ਘਰ ਆਪਣੇ , ਤੇਰੇ ਤਰਲੇ ਪਾਉਂਦੇ ਹਾਂ ।

ਸੋਨੇ ਦੀ ਵਾਲੀ ਏ ।
ਵਿਛੋੜੇ ਨੇ ਜਿੰਦ ਖਾ ਲਈ , ਅੱਗ ਹੰਝੂਆਂ ਦੀ ਬਾਲੀ ਏ ।

ਮਾਹੀਆ ਬਾਲੋ ਗਾਉਂਦੀ ਏ ।
ਸੱਜਣਾ ਦੂਰ ਦਿਆ , ਜਿੰਦ ਦੁੱਖੜੇ ਸੁਣਾਉਂਦੀ ਏ ।

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ