Mon, 21 August 2017
Your Visitor Number :-   1075445
SuhisaverSuhisaver Suhisaver
ਗੋਰਖਪੁਰ ਦੁਖਾਂਤ; ਨਿਆਂਇਕ ਜਾਂਚ ਦੀ ਮੰਗ ਨੂੰ ਲੈ ਕੇ ਪਟੀਸ਼ਨ ਦਾਇਰ               ਦੂਰਦਰਸ਼ਨ ਤੇ ਅਕਾਸ਼ਵਾਣੀ ਵੱਲੋਂ ਮਾਣਿਕ ਸਰਕਾਰ ਦਾ ਅਜ਼ਾਦੀ ਦਿਵਸ ਭਾਸ਼ਣ ਪ੍ਰਸਾਰਿਤ ਕਰਨ ਤੋਂ ਇਨਕਾਰ               ਭੂਟਾਨ ਨੇ ਡੋਕਲਾਮ ’ਤੇ ਚੀਨ ਦੇ ਦਾਅਵੇ ਨੂੰ ਨਕਾਰਿਆ              

ਨੇਤਾ ਜੀ - ਗੁਰਪ੍ਰੀਤ ਸਿੰਘ ਰੰਗੀਲਪੁਰ

Posted on:- 04-06-2015

suhisaver

ਤਾਕਤ ਦੇ ਨਸ਼ੇ 'ਚ ਹੰਕਾਰੇ,
ਤਾਨਾਸ਼ਾਹ ਹੋਏ ਆਕੜ-ਮਾਰੇ,
ਬੰਦ ਕਰੋ ਜੀ ਬੰਦ ਕਰੋ ਹੁਣ,
'ਰਾਜ ਨਹੀਂ ਸੇਵਾ' ਦੇ ਨਾਅਰੇ ।
ਬਸ ਕਰੋ ਜੀ ਨੇਤਾ ਜੀ ਬਸ,
ਕੰਨ ਪੱਕ ਗਏ ਨੇ ਸੁਣ-ਸੁਣ ਲਾਰੇ ।

ਪਾਣੀ ਚ' ਬੱਸਾਂ ਚਲਾਉਣਾ ਛੱਡੋ,
ਮੰਗਲ ਤੇ ਦਫ਼ਤਰ ਪਾਉਣਾ ਛੱਡੋ,
ਰਾਈ ਦਾ ਪਹਾਡ਼ ਬਣਾਉਣਾ ਛੱਡੋ,
ਇਹ ਤੱਕੋ ਕਿ ਪਲ-ਪਲ ਮਰਕੇ,
ਕਿੱਦਾਂ ਜੀਉਂਦੇ ਨੇ ਲੋਕ ਵਿਚਾਰੇ !
ਬੱਸ ਕਰੋ ਜੀ ...

ਵਿਕਾਸ ਮਾਡਲ ਨਾ ਝਲਕ ਵਿਖਾਏ,
ਪੰਦਰਾਂ ਲੱਖ ਨਾ ਖਾਤੇ 'ਚ ਪਾਏ,
ਕਰ-ਕਰ ਬੀਮੇ ਨੇ ਉੱਲੂ ਬਣਾਏ,
ਟੁੱਟੀਆਂ ਸੜਕਾਂ ਦਉ ਬਣਾ ਜੇ,
ਹਾਦਸੇ ਦੇ ਜੱਬ ਮੁੱਕ ਜਾਣ ਸਾਰੇ ।
ਬਸ ਕਰੋ ਜੀ....

ਤੇਲ ਤੇ ਡੀਜਲ ਵੱਧਦਾ ਜਾਂਦਾ,
ਆੜਤੀਆ ਪੱਲੇ ਕੱਖ ਨਾ ਪਾਉਂਦਾ,
ਕਿਸਾਨ ਮੰਡੀ ਵਿੱਚ ਰੁਲਿਆ ਰੌਂਦਾ,
ਕੀ ਤੇਰੀ ਬਦਨੀਤੀ ਦੱਸ ਹਾਂ ?
ਅੰਨਦਾਤੇ ਨੂੰ ਭੁੱਖਾ ਪਿਆ ਮਾਰੇ ।
ਬਸ ਕਰੋ ਜੀ....

ਵੇਚਤਾ ਸਭ ਕੁਝ ਠੇਕੇ ਦੇ ਉੱਤੇ,
ਰਾਖੀ ਕਰਦੇ ਨੇ ਚੋਰ ਦੀ ਕੁੱਤੇ,
ਲੋਕ ਨੇ ਜਾਗਣ ਵਾਲੇ ਜੋ ਸੁੱਤੇ,
ਲੋਹਾ ਲੈਣਗੇ ਉਹ ਏਕਾ ਕਰਕੇ,
ਢਹਿ ਜਾਣੇ ਤੇਰੇ ਮਹਿਲ-ਮੁਨਾਰੇ ।
ਬਸ ਕਰੋ ਜੀ...

ਕੰਨ ਪੱਕ ਗਏ ਨੇ ਸੁਣ-ਸੁਣ ਲਾਰੇ
ਬੰਦ ਕਰੋ ਜੀ ਬੰਦ ਕਰੋ ਹੁਣ,
'ਰਾਜ ਨਹੀਂ ਸੇਵਾ'' ਦੇ ਨਾਅਰੇ ।..

ਸੰਪਰਕ: +91 98552 07071

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ