Tue, 25 July 2017
Your Visitor Number :-   1065010
SuhisaverSuhisaver Suhisaver
ਕਾਬੁਲ ਕਾਰ ਬੰਬ ਧਮ਼ਾਕੇ ਵਿੱਚ 26 ਮੌਤਾਂ; 41 ਫੱਟੜ               ਪੁਲਾੜ ਵਿਗਿਆਨੀ ਯੂ.ਆਰ. ਰਾਓ ਦਾ ਦੇਹਾਂਤ              

ਅੰਮੀਏ ਨੀ -ਅਮਰਜੀਤ ਟਾਂਡਾ

Posted on:- 30-03-2016

suhisaver

ਅੰਮੀਏ ਨੀ
ਸੁਪਨੇ ਸਜਾਉਣ ਵਾਲੀਏ
ਸਾਡੇ ਸੁਪਨਿਆਂ ’ਚ ਲਿਖ ਦੇ ਸਿਤਾਰੇ

ਅੰਮੀਏ ਨੀ
ਭੁੱਖ ਲੱਗੀ ਨਹੀਓਂ ਬੁਝਦੀ
ਚੰਨੋਂ ਤੋੜ ਕੇ ਖਵਾ ਦੇ ਟੁੱਕ ਸੱਜਰਾ

ਅੰਮੀਏ ਨੀ
ਥਾਂਈਂ ਥਾਂਈਂ ਲੱਭ ਹਾਰ ਗਏ
ਕਿੱਥੇ ਛੁਪ ਗਈ ਬੱਦਲ ਦੇ ਓਹਲੇ

ਅੰਮੀਏ ਨੀ
ਘਰ ਚ ਹਨੇਰ ਪੈ ਗਿਆ
ਵਿਹੜੇ ਉੁੱਤਰੀ ਨਾ ਸੂਰਜ ਬਣ ਕੇ

ਅੰਮੀਏ ਨੀ
ਕਿਹੜੇ ਕਿਹੜੇ ਥੱਲ ਫੋਲ ਲਾਂ
ਚੌਂਕੇ ਰੱਬ ਨਾ ਝਿੜਕ ਨੂੰ ਤਰਸਾਂ

ਅੰਮੀਏ ਨੀ
ਜਦੋਂ ਦੀ ਤੂੰ ਛੁਪੀ ਰਾਤਾਂ ਚ
ਘਰ ਬਾਗ ਉੱਜੜ ਗਏ ਸਾਰੇ

ਅੰਮੀਏ ਨੀ
ਸੁਪਨੇ ਚ ਰਹਿਣ ਵਾਲੀਏ
ਬਾਤ ਬਣ ਜਾ ਰਾਤਾਂ ਦੀ ਸਾਡੀ

ਅੰਮੀਏ ਨੀ
ਕਿਹੜੇ ਕੰਮ ਹੀਰੇ ਮੋਤੀ ਇਹ
ਸਾਹੀਂ ਨਿੱਘ ਨਾ ਅੰਬਰ ਨਾ ਨੀਵਾਂ

ਅੰਮੀਏ ਨੀ
ਖਬਰੇ ਕਿਹਨੇ ਝਿੜਕ ਦਿਤਾ
ਸੂਰਜ ਰੁੱਸਿਆ ਘਰੇ ਨਹੀਂ ਵੜ੍ਹਦਾ

ਅੰਮੀਏ ਨੀ
ਪੁੱਤ ਕਿੰਜ਼ ਸੌਂਣ ਰਾਤ ਨੂੰ
ਗੀਤ ਲੋਰੀਆਂ ਨਾ ਦਿਸਣ ਸਰਾ੍ਣੇ

ਅੰਮੀਏ ਨੀ
ਮੱਥੇ ਚੋਂ ਲਕੀਰ ਮਿਟ ਗਈਂ
ਚੰਨ ਸੂਰਜ ਲੇਖਾਂ 'ਚੋਂ ਡੁੱਬੇ

ਅੰਮੀਏ ਨੀ
ਅੰਬਰਾਂ ਦੀ ਭੁੱਖ ਜੇਹੀ ਲੱਗੀ
ਤਾਰੇ ਘੋਲ ਕੌਣ ਦੁੱਧ 'ਚ ਪਿਆਵੇ

ਅੰਮੀਏ ਨੀ
ਅੱਖਾਂ 'ਚ ਨਾ ਨੀਂਦ ਕਿਰਦੀ
ਪੁੱਤ ਵਾਸਤੇ ਨਾ ਧਰਤ ਵਿਛਾਈ

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ