Wed, 25 November 2020
Your Visitor Number :-   3064862
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਸਹਿਮੀ ਸਹਿਮੀ ਪੌਣ –ਮਲਕੀਅਤ ਸੁਹਲ

Posted on:- 02-08-2014


ਨਿੰਮ੍ਹੀਂ ਨਿੰਮ੍ਹੀਂ ਵਗਦੀ ਏ ,
ਸਹਿਮੀਂ ਸਹਿਮੀਂ ਪੌਣ ।
ਮੇਰੀਆਂ ਉਦਾਸੀਆਂ ’ਚ ,
ਛਾਇਆ ਅੱਜ ਕੌਣ ।

ਗੁਲਾਬ ਦੀਆਂ ਪੱਤੀਆ ਤੇ ,
ਤੁੱਪਕੇ ਤ੍ਰੇਲ ਦੇ ।
ਮਾਰ ਗਈ ਜੁਦਾਈ ਰੱਬਾ ,
ਸੱਜਣਾਂ ਨੂੰ ਮੇਲ ਦੇ ।
ਸੀਨੇ ਵਿਚ ਯਾਦ ਤੇਰੀ ,
ਦੇਂਦੀ ਨਹੀਉਂ ਸੌਣ ।

ਨਿੰਮੀ੍ਹਂ ਨਿੰਮ੍ਹੀਂ ਵਗਦੀ ਏ ,
ਸਹਿਮੀਂ ਸਹਿਮੀਂ ਪੌਣ ।
ਮੇਰੀਆਂ ਉਦਾਸੀਆਂ ’ਚ ,
ਛਾਇਆ ਅੱਜ ਕੌਣ ।

ਅੱਧੀ-ਅੱਧੀ ਰਾਤ ਚੰਨਾ ,
ਚਾਨਣੀਂ ’ਚ ਬਹਿਨੀਂ ਆਂ ।
ਪਾ ਜਾ ਕਲੇਜੇ ਠੰਡ੍ਹ ,

ਹਾੜਾ ! ਚੰਨਾਂ ਕਹਿਨੀਂ ਆਂ।
ਸੁੱਕੀਆਂ ਕਲਾਈਆਂ ਕਿਵੇਂ ,
ਇਹ ਵੰਗ ਛਣਕਾਉਣ ।
ਨਿੰਮ੍ਹੀਂ ਨਿੰਮ੍ਹੀਂ ਵਗਦੀ ਏ ,
ਸਹਿਮੀਂ ਸਹਿਮੀਂ ਪੌਣ ।
ਮੇਰੀਆਂ ਉਦਾਸੀਆਂ ’ਚ ,
ਛਾਇਆ ਅੱਜ ਕੌਣ ।

ਸੁਪਨੇਂ ’ਚ ਮਿਲਿਆ ਤੇ ,
ਗੱਲ ਵੀ ਨਾ ਹੋਈ ਵੇ ।
ਤੇਰੇ ਮੈਂ ਵਿਯੋਗ ਵਿਚ ,
ਸਾਰੀ ਰਾਤ ਰੋਈ ਵੇ ।
ਮਹਿੰਦੀ ਵਾਲੇ ਹੱਥ ਅੱਜ ,
ਵਾਸਤਾ ਵੀ ਪਉਣ ।

ਨਿੰਮ੍ਹੀਂ ਨਿੰਮ੍ਹੀਂ ਵਗਦੀ ਏ ,
ਸਹਿਮੀਂ ਸਹਿਮੀਂ ਪੌਣ ।
ਮੇਰੀਆਂ ਉਦਾਸੀਆਂ ’ਚ ,
ਛਾਇਆ ਅੱਜ ਕੌਣ ।

ਹਨੇਰੀ ਦਿਆਂ ਬੁੱਲਿਆਂ ’ਚ,
ਉਡੱਦੀ ਮੈਂ ਜਾਵਾਂ ਵੇ ।
ਫੜਦੀ ਮੈਂ ਰਹੀ ਚੰਨਾਂ,
ਤੇਰਾ ਪ੍ਰਛਾਵਾਂ ਵੇ ।
ਕਣੀਆਂ ’ਚ ਭਿੱਜੀ ਅੱਜ ,
ਘੱਗਰੇ ਦੀ ਲੌਣ ।

ਨਿੰਮ੍ਹੀਂ ਨਿੰਮ੍ਹੀਂ ਵਗਦੀ ਹੈ ,
ਸਹਿਮੀਂ ਸਹਿਮੀਂ ਪੌਣ ।
ਮੇਰੀਆਂ ਉਦਾਸੀਆਂ ’ਚ ,
ਆਇਆ ਅੱਜ ਕੌਣ ।

ਪੁੰਨਿਆਂ ਦੇ ਚੰਨ ਵਾਂਗ ,
ਮੁੱਖ਼ ਤੇਰਾ ਸੋਹਣਿਆ ।
ਦਿਲ ਦੀਆਂ ਗੱਲਾਂ ਕਰ ,
ਤੂੰ , ਮੇਰਿਆ ਪ੍ਰਾਹੁਣਿਆਂ ।
ਤੱੜਫਦੀ ਜਿੰਦ ਮੇਰੀ ,
ਆ ਜਾ ਤੂੰ ਬਚਾਉਣ ।
ਨਿਮ੍ਹੀਂ ਨਿਮ੍ਹੀਂ ਵਗਦੀ ਏ ,
ਸਹਿਮੀਂ ਸਹਿਮੀਂ ਪੌਣ ।
ਮੇਰੀਆਂ ਉਦਾਸੀਆਂ ’ਚ ,
ਆਇਆ ਅੱਜ ਕੌਣ ।

ਸੁੱਖਣਾਂ ਮੈਂ ਸੁੱਖਾਂ ‘‘ਸੁਹਲ’’
ਤੇਰੀਆਂ ਮੈਂ ਚੰਨ ਵੇ ।
ਇਕ ਵਾਰੀ ਆ ਜਾ ਢੋਲਾ !
ਗੱਲ ਮੇਰੀ ਮੰਨ ਵੇ ।
ਆ ਵਿਹੜੇ ਤੱਤੜੀ ਦੇ,
ਤੂੰ , ਮੰਨ ਪ੍ਰਚਾਉਣ ।
ਨਿੰਮ੍ਹੀਂ ਨਿੰਮ੍ਹੀਂ ਆਖਦੀ ਏ ,
ਸਹਿਮੀਂ ਜੇਹੀ ਪੌਣ ।


Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ