Mon, 30 November 2020
Your Visitor Number :-   3103717
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਕੀ ਮੈਂ ਇਹ ਤੇਰਾ ਪਿੰਡ -ਅਮਰਜੀਤ ਟਾਂਡਾ

Posted on:- 28-08-2014


ਕੀ ਮੈਂ ਇਹ ਤੇਰਾ ਪਿੰਡ
ਤੇ ਇਹ ਸ਼ਹਿਰ ਕਰਨਾ
ਜੀਣਾ ਨਾ ਜਿੱਥੇ ਆਪਣਾ
ਨਾ ਆਪਣੀ ਮੌਤ ਮਰਨਾ

ਤਖ਼ਤ ਇਹ ਮਹਿਲ ਤੇਰੇ
ਦੱਸ ਮੇਰੇ ਕੀ ਕੰਮ ਨੇ
ਦੂਰੋਂ ਦੇਖ ਇਹਨਾਂ ਨੂੰ
ਬੱਚਿਆਂ ਨੇ ਡਰਨਾ

ਕੀ ਕਰਾਂ ਦੱਸ ਝੂਠੇ
ਰਿਵਾਜ਼ ਇਹ ਸਾਰੇ
ਗਲੇ ਪਾ ਬੇਇਨਸਾਫੀ
ਸਲੀਬਾਂ ਤੇ ਚੜ੍ਹਨਾ

ਜਗਦੇ ਚੰਨ ਸੂਰਜ
ਤੇਰੀ ਛੱਤ ਤੇ ਹੀ ਚੰਗੇ
ਤਾਰਿਆਂ ਮੇਰਿਆਂ ਦਾ
ਪੇਟ ਇਹਨਾਂ ਕੀ ਭਰਨਾ

ਉੱਚਿਆਂ ਦਰਬਾਰਾਂ ਲਈ
ਖਿਡੌਣਾ ਬੰਦਾ ਬਣਿਆ
ਜ਼ਿੰਦਗੀ ਨਾਲੋਂ ਏਥੇ
ਹੋਇਆ ਸੱਸਤਾ ਮਰਨਾ

ਬਚਪਨ ਏਥੇ ਰੁਲਦਾ
ਤੇ ਤਨ ਨੇ ਵਿਕਦੇ
ਇਹੋ ਜੇਹਾ ਬ੍ਰਹਿਮੰਡ
ਦੱਸ ਮੈਂ ਕੀ ਕਰਨਾ

ਬੇਵਫ਼ਾ ਮੁਹੱਬਤ
ਤੇ ਇਸ਼ਕ ਨੂੰ ਫ਼ੰਦੇ
ਕੀ ਤੇਰੀ ਇਹ ਨਗਰੀ
ਜਿੱਥੇ ਪਿਆਰ ਨੇ ਮਰਨਾ

ਇਹ ਦੁਸ਼ਮਣ ਸਮਾਜ
ਹੋਇਆ ਮੇਰਾ ਸਾਰਾ
ਜ਼ਖ਼ਮੀਂ ਭਾਂਵੇਂ ਦਿਨ ਹੋਏ
ਇਹਨਾਂ ਫਿਰ ਉੱਠ ਲੜ੍ਹਨਾ


ਹਰ ਰੂਹ ਭਾਂਵੇਂ ਪਿਆਸੀ
ਹਰ ਦਿੱਲ ਚ ਉਦਾਸੀ
ਫਿਰ ਵੀ ਝਨਾਂ ਇਹਨਾਂ ਲੰਘਣਾਂ
ਕੱਚਿਆਂ 'ਤੇ ਤਰਨਾ

ਇਮਾਨ ਏਥੇ ਨੰਗਾ
ਮਜਹੱਬ ਹੈ ਦੰਗਾ
ਏਦੀ ਹਿੱਕ 'ਚ ਡੁੱਬ ਕੇ
ਮੇਰਾ ਖੰਜ਼ਰ ਠਰਨਾ

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ