Wed, 25 November 2020
Your Visitor Number :-   3063319
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਜਿੱਦਣ ਅਸੀਂ ਵੀ... -ਅਮਰਜੀਤ ਟਾਂਡਾ

Posted on:- 14-09-2015

suhisaver

ਜਿੱਦਣ ਅਸੀਂ ਵੀ ਅਮੀਰ ਹੋ ਗਏ
ਤੇਰੇ ਮਹਿਲਾਂ ਕੋਲ ਦੀ ਜ਼ਰੂਰ ਲੰਘਾਂਗੇ

ਇਹ ਦੁਨੀਆਂ ਹੀ ਏਦਾਂ ਦੀ ਹੈ
ਜਿੱਥੇ ਤੂੰ ਵਸਦੀ ਏਂ
ਏਥੇ ਅਮੀਰ ਵਜੂਦ ਤਾਂ ਹੋਣਗੇ
ਦਿਲ ਦਰਿਆ ਨਹੀਂ ਹੋਣੇ
ਹਿੱਕਾਂ ਨਦੀਆਂ ਨਹੀਂ ਹੋਣੀਆਂ

ਸਾਡੇ ਟਿਕਾਣੇ ਦੇਖ
ਸਤਲੁਜ ਜਾਂ ਝਨ੍ਹਾ ਦੇ ਕਿਨਾਰੇ
ਜੋ ਦੁਨੀਆਂ ਦੇ ਸਹਾਰੇ

ਮੇਰਾ ਕੀ ਨਾਂ ਪੁੱਛਦੀ ਏਂ
ਗਰੀਬਾਂ ਦੇ ਨਾਂ ਨਹੀਂ ਹੁੰਦੇ
ਤੇ ਨਾ ਹੀ ਕੋਈ ਥਾਂ ਹੁੰਦੇ ਨੇ

ਤੂੰ ਸਾਂਭ ਕੇ ਰੱਖੀਂ
ਆਪਣੇ ਘਰ ਮਹਿਲ ਦਾ ਸਿਰਨਾਵਾਂ
ਅਸੀਂ ਕੀ ਸਾਂਭਣਾ
ਸਾਨੂੰ ਤਾਂ ਨਾ ਕੋਈ ਖ਼ਤ ਆਵੇ
ਤੇ ਨਾ ਹੀ ਕੋਈ ਪੁੱਛੇ ਪਤਾ ਘਰ ਦਾ

ਤੂੰ ਕੀ ਜਾਣੇ ਭੋਲੀਏ
ਸਾਡੇ ਤਾਂ ਨਾ ਘਰ
ਨਾ ਹੀ ਸਿਰਨਾਵੇਂ

ਕਿਸੇ ਬੇਘਰੇ ਨੂੰ ਕਦੇ ਸਿਰਨਾਵਾਂ ਨਾ ਪੁੱਛੀਂ
ਬੇਘਰਿਆਂ ਦੇ ਸਿਰਨਾਵੇਂ ਨਹੀਂ ਹੁੰਦੇ

ਤੂੰ ਸਿਰਨਾਵੇਂ ਸਾਂਭਦੀ ਰਹੀਂ
ਸਾਨੂੰ ਕੁਝ ਵੀ ਨਾ ਗੁਆਚਣ ਦਾ ਖੌਫ਼
ਸਾਡੇ ਕੋਲ ਤਾਂ ਸੋਹਣੀਏ ਹਰਫ਼ ਹੁੰਦੇ ਨੇ
ਕਦੇ ਰੋਂਦੇ ਤੇ ਕਦੇ ਹੱਸਦੇ

ਕਦੇ ਅਸੀਂ ਹਰਫਾਂ ਨੂੰ ਫੁੱਲ ਬਣਾ ਲਈਦਾ
ਤੇ ਕਦੇ ਕਦੇ ਸਿਰਨਾਵਾਂ ਜਾਂ ਗੀਤ

ਜੇ ਕਿਤੇ ਲੱਭਣਾ ਹੋਇਆ ਤਾਂ
ਮੈਨੂੰ ਮੇਰੇ ਗੀਤਾਂ ਚੋਂ ਲੱਭ ਲਈਂ

ਇਹਨਾਂ ਗੀਤਾਂ ਨੂੰ ਗਾ
ਜਾਂ ਇਹਨਾਂ ਨੂੰ ਹੀ ਓੜ
ਵਕਤ ਅਗਾਂਹ ਤੋਰ ਲਈਦਾ
ਜਿੱਥੋਂ ਕਿਤਿਓਂ ਉੱਧੜਿਆ ਸੀਨਾ ਜੋੜ ਲਈਦਾ

ਅਸੀਂ ਕੀ ਲੈਣਾ ਸਿਰਨਾਵਿਆਂ ਤੋਂ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ