Tue, 20 April 2021
Your Visitor Number :-   4494090
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਇਹ ਵੀ ਬਚਪਨ - ਰਵੇਲ ਸਿੰਘ ਇਟਲੀ

Posted on:- 21-12-2012



ਇੱਟਾਂ ਪੱਥਦੇ ,
ਰੋੜੀ ਕੁੱਟਦੇ ,
ਭਾਂਡੇ ਧੋਂਦੇ,
ਚਾਂਹਵਾਂ ਢੋਂਦੇ ,

ਕੂੜਾ ਕਰਕਟ,
ਗੰਦ ਫਰੋਲਣ ,
ਸੜਦੀ ਧੁੱਪੇ ,
ਇਸ ਗੰਦ ਵਿੱਚੋਂ ,ਰੋਟੀ ਲੱਭਣ,
ਮੁਰਝਾਏ ਫੁੱਲਾਂ ਦੇ ਵਾਂਗ ,



ਵੇਖਾਂ ਜਦ  ਕੁਮਲਾਏ ਚੇਹਰੇ ,
ਛੋਟੀ ਉਮਰੇ ,ਬਾਲ ਮਜੂਰ,
ਚੇਰਿਆਂ ਉੱਤੇ ,ਫਿੱਕੇ ਹਾਸੇ ,
ਲੱਗਣ ਜਿਓਂ ਧੁਆਂਖੇ ਚੇਹਰੇ ,

ਮੂੰਹਾਂ ਉੱਪਰ ਫਿਰੀ ਪਲਿੱਤਣ ,
ਇਹ ਵੀ ਬਚਪਨ ,
ਇਹ ਵੀ ਬਚਪਨ ।
ਜਦ ਕੋਈ ਬਚਪਨ ,
ਗੋਦੀ ਦੀ ਥਾਂ ਪਿਆ ਝਲੂੰਗੀ ,

ਵਰਧੀ ਲੂਏ,ਕੜਕੀ ਧੁੱਪੇ
ਤਰਲੇ ਕੱਢਦੀ ,
ਤਲੀਆਂ ਅੱਡਦੀ ,
ਰੋਟੀ ਖਾਤਰ ,
ਹੱਥ ਪਸਾਰੀ ,
ਲੰਘਦੇ ਰਾਹੀਆਂ ਵੱਲ ਨੂੰ  ,

ਮਮਤਾ ਨੂੰ ਵੇਖਾਂ,
ਕੰਬ ਜਾਂਦਾ ਹਾਂ ,
ਅੱਧ ਨੰਗੀ ਛਾਤੀ ,
ਪਰ ਕਈ ਲੋਕੀਂ ,
ਬਿਟ ਬਿਟ ਝਾਕਣ ,

ਮੈਲੀਆਂ ਨਜ਼ਰਾਂ ਕਰਕੇ ਝਾਕਣ ,
ਜਦ ਇਹ ਮਾਂਵਾਂ ਬੱਚੇ ਲਈ  ਦੇਣ ਲਈ ਕੁਝ,
ਹਾੜੇ ਕੱਢਣ , ਤਰਲੇ ਕੱਢਣ ,
ਇਹ ਵੀ ਬਚਪਨ ,
ਇਹ ਵੀ ਬਚਪਨ ।

ਲੋਕੀਂ ਸਮਝਣ ਏਨਾ ਹੀ ਬਸ ,
ਹੈ ਕੋਈ ਮੰਗਤੀ ,
ਮੰਗਣਾ ਹੈ , ਪੇਸ਼ਾ ਹੀ ਇਸ ਦਾ ,
ਲੋਕੀਂ ਸਮਝ਼ਣ ,

ਪਰ ਮੈਂ ਸੋਚਾਂ ,
ਇਹ ਵੀ ਬਚਪਨ ।
ਦੇਸ਼ ਨੂੰ ਅੱਜ ਆਜ਼ਾਦੀ ਮਿਲਿਆਂ ,
ਅੱਧੀ ਤੋਂ ਵੱਧ ਹੋ ਗਈ ਸਦੀ ,
ਪਰ ਬਚਪਨ ਨੂੰ ਮਾਨਣ ਖਾਤਰ ,
ਦੇਸ਼ ਮੇਰੇ ਦਾ ਤਰਸੇ ਬਚਪਨ ।

ਇਸ ਨੂੰ ਕਦੋਂ ,ਕਿਵੇਂ ਮਿਲੇਗਾ ,
ਵਿੱਦਿਆ ਦਾ ਉਹ ਤੀਜਾ ਨੇਤਰ ,
ਆਜ਼ਾਦੀ ਦੇ ਦਿਨ ’ਤੇ ਭਾਵੇਂ ,
ਸਾਲੋ ਸਾਲ ਤਿਰੰਗੇ ਝੂਲਣ ,
ਪਰ ਇਹ ਬਚਪਨ ।
ਇਹ ਅਨਪੜ੍ਹਤਾ ,
ਬਾਲ ਮਜੂਰੀ ,

ਦੇ਼ਸ਼ ਦੇ ਵੱਡਾ ਚੈਲੇਂਜ ,
ਵੱਡੀ ਅਟਕਣ ।
ਸ਼ਾਲਾ ਕਿਧਰੇ ਹਰ ਇੱਕ ਬਚਪਨ
ਰਲ ਕੇ ਸਾਂਝਾਂ ਉਮਰ ਹੰਡਾਵੇ ,
ਰਲ ਮਿਲ ਹੱਸੇ ਅਤੇ ਹੰਢਾਵੇ ,
ਊਚ ਨੀਚ ਦੀ ,
ਤੋੜ ਕੇ ਵਲਗਣ ,
ਉਹ ਵੀ ਬਚਪਨ ,
ਇਹ ਵੀ ਬਚਪਨ ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ