Tue, 16 August 2022
Your Visitor Number :-   5845263
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਇੱਕ ਕੁੰਡਲ ਧਾਰੀ ਜੋਗੜਾ - ਨਿਵੇਦਿਤਾ

Posted on:- 21-05-2012

 


ਉਸ ਘੋਰੀ ਜੂੜਾ ਬਾਲਿਆ
ਕਬਰਾਂ ਥੀਂ ਡੇਰਾ ਲਾ
ਉਹਦੇ ਲਟ ਲਟ ਕਰਦੇ ਬੋਦੜੇ
ਜੁਲਫ਼ੀਂ ਚੜ੍ਹਿਆ ਚਾਅ
ਓਹਦੀ ਹਿੱਕ ਨੂੰ ਡੰਗਣ ਭੱਖੜੇ
ਉਹ ਨੱਚੇ ਘੁੰਗਰ ਪਾ

ਬਦਨ 'ਤੇ ਅਜਗਰ ਮੇਲ੍ਹਦੇ
ਰੰਗ ਚੰਮ ਦਾ ਕਾਲ ਸਿਆਹ
ਉਹਦੇ ਨੈਣੀਂ ਵਿਗਸਣ ਚੌਂਤਰੇ
ਉਹ ਘੁੰਮੇ ਵਾਂਗ ਧਰਾ
ਚੜ੍ਹ ਅੰਬਰ ਧੂੜਾਂ ਮਸਤੀਆਂ
ਹਾਏ ਅੱਡੀ ਠੋਕ ਰਿਹਾ

ਆਖੇ ਖ਼ੁਦ ਨੂੰ ਭੋਲੜਾ
ਗਲ਼ ਸਰਪ ਕੌਡੀਆ ਚਾਅ
ਡੌਲੀਂ ਬੰਨ੍ਹੇ ਰੁੱਦਰੇ
ਲੱਕ ਸ਼ੇਰ ਦੀ ਖੱਲ ਬਨ੍ਹਾ
ਮੱਥੇ ਚੰਦਨ ਮਹਿਕਦਾ
ਸੇਲ੍ਹੀ ਜਿਉਂ ਘੋਰ ਘਟਾ

ਵਿਚਾਲੇ ਝੋਂਪੜ ਅੱਗ ਦੀ
ਖ਼ੁਸ਼ ਪਿੰਡੇ ਭਸਮ ਰਮਾ
ਸਿਰੀਂ ਟਿੱਕਾ ਚੰਨ ਦੂਜੜਾ
ਲਈ ਦੇਵਨਦੀ ਭਰਮਾ
ਉਹਦੀ ਸਾਦ ਮੁਰਾਦੀ ਤੱਕਣੀ
ਮੇਰਾ ਲੂੰ ਲੂੰ ਛਿੱਲ ਲਿਆ
ਇੱਕ ਕੁੰਡਲ ਧਾਰੀ ਜੋਗੜਾ
ਮਾਂ ਮੈਨੂੰ ਕੀਲ ਗਿਆ. . .

Comments

Sukhdev Abohar

No Comments !

sunil sajan

Bht khoob kamaal

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ