Tue, 16 August 2022
Your Visitor Number :-   5845246
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਬਾਲੜੀ ਦਿਵਸ -ਗੁਰਪ੍ਰੀਤ ਸਿੰਘ ਰੰਗੀਲਪੁਰ

Posted on:- 24-01-2014


ਪੁੱਤ ਜੰਮੇ ਲੱਖ ਜਸ਼ਨ ਮਨਾਉਂਦਾ,
ਧੀ ਜੰਮੇ ਤਾਂ ਮੂੰਹ ਲਮਕਾਉਂਦਾ,
ਕੰਧਾਂ ਅਤੇ ਕਿਤਾਬਾਂ ਭਰ ਕੇ,
ਕੁੱਖ ਵਿੱਚ ਧੀ ਮਰਵਾ ਰਿਹਾ ਹੈ ।
ਵੇਖੋ ਬੰਦਾ ਮਹਾਨ ਬਣਨ ਲਈ,
ਅੱਜ ਬਾਲੜੀ ਦਿਵਸ ਮਨਾ ਰਿਹਾ ਹੈ ।...

ਵਿਹਡ਼ੇ ਵਾਲੀ ਧੀ ਨੂੰ ਪੁੱਛੋ,
ਕਦੇ ਕੰਜਕ ਆਖ ਬੁਲਾਇਆ ਉਸਨੂੰ,
ਗੋਹਾ-ਕੂੜਾ ਕਰਦੀ ਨੂੰ ਕਿਸੇ,
ਗਲ ਦੇ ਨਾਲ ਹੈ ਲਾਇਆ ਉਸਨੂੰ,
ਪੇਟ ਭਰਨ ਲਈ ਟੱਬਰ ਦਾ,
ਲੋਕਾਂ ਦੇ ਭਾਂਡੇ ਮੰਜਵਾ ਰਿਹਾ ਹੈ ।
ਵੇਖੋ ਬੰਦਾ ਮਹਾਨ ਬਣਨ ਲਈ,
ਅੱਜ ਬਾਲੜੀ ਦਿਵਸ ਮਨਾ ਰਹੇ ਨੇ ।...

ਕੋਠੀਆਂ ਅਤੇ ਕਾਰਾਂ ਦਾ ਲੋਭੀ,
ਧੀ ਨੂੰ ਫਾਹੇ ਤੱਕ ਚਾੜ ਦਿੰਦਾ ਹੈ ।
ਪੈਸਾ-ਪੈਸਾ ਕਰਦਾ-ਕਰਦਾ,
ਜੀਂਉਦੀ ਅੱਗ ਵਿੱਚ ਸਾੜ ਦਿੰਦਾ ਹੈ,
ਲਾਸ਼ਾਂ ਦਾ ਨੀਂਹ-ਪੱਥਰ ਰੱਖ ਕੇ,
ਮੰਜ਼ਲ ਤੇ ਮੰਜ਼ਲ ਬਣਵਾ ਰਿਹਾ ਹੈ ।
ਵੇਖੋ ਬੰਦਾ ਮਹਾਨ ਬਣਨ ਲਈ,
ਅੱਜ ਬਾਲੜੀ ਦਿਵਸ ਮਨਾ ਰਿਹਾ ਹੈ ।...

ਤੇਰੀ ਆਪਣੀ ਹੈ ਤਾਂ ਧੀ-ਭੈਣ ਹੈ,
ਬੇਗਾਨੀ ਹੈ ਤਾਂ ਪੁਰਜਾ-ਪਟੋਲਾ ਹੈ ।
ਪੱਤ ਲੁੱਟਣ ਤੱਕ ਸੀਮਤ ਨਾ ਹੁਣ,
ਨਿੱਤ ਕਤਲੇਆਮ ਦਾ ਰੋਲ਼ਾ ਹੈ ।
ਦੰਦੀਆਂ ਵੱਢ-ਵੱਢ ਨੋਚ ਰਿਹਾ,
ਕੋਈ ਹਵਸੀ ਹਵਸ ਮਿਟਾ ਰਿਹਾ ਹੈ ।
ਵੇਖੋ ਬੰਦਾ ਮਹਾਨ ਬਣਨ ਲਈ,
ਅੱਜ ਬਾਲੜੀ ਦਿਵਸ ਮਨਾ ਰਿਹਾ ਹੈ ।...

ਮਾਸਟਰ, ਡਾਕਟਰ, ਸਾਹਿਬ, ਜਿਸ ਮਾਂ ਨੇ,
ਤੇਰੀ ਹਰ ਬਲਾ ਨੂੰ ਟਾਲਿਆ ।
ਖੁਦ ਕਈ-ਕਈ ਰਾਤਾਂ ਭੁੱਖੀ ਰਹੀ,
ਤੈਨੂੰ ਦੁੱਧ-ਮੱਖਣਾਂ ਨਾਲ ਪਾਲਿਆ ।
ਬੁੱਢੇ ਵਾਰੇ ਹੱਡ ਰੋਲਣ ਲਈ,
ਆਸ਼ਰਮ ਛੱਡ ਕੇ ਆ ਰਿਹਾ ਹੈ ।
ਵੇਖੋ ਬੰਦਾ ਮਹਾਨ ਬਣਨ ਲਈ,
ਅੱਜ ਬਾਲੜੀ ਦਿਵਸ ਮਨਾ ਰਿਹਾ ਹੈ ।...

ਆਉ ਰਲ ਕੇ ਸੋਚ ਬਦਲੀਏ,
ਮਨ ਅੰਦਰ ਦਾ ਕੂੜ ਮੁਕਾਈਏ ।
ਔਰਤ ਦਾ ਸਤਿਕਾਰ ਜਰੂਰੀ,
ਕਿਸੇ ਦੀ ਗਲਤੀ ਨਾ ਦੁਹਰਾਈਏ ।
ਤਾਂ ਜੋ ਔਰਤ ਵੀ ਕਹਿ ਸਕੇ,
ਕੋਈ ਦਿਲੋਂ ਸੋਹਲੇ ਗਾ ਰਿਹਾ ਹੈ ।
ਸੱਚਮੁੱਚ ਬੜਾ ਮਹਾਨ ਹੈ ਬੰਦਾ,
ਜੋ ਬਾਲੜੀ ਦਿਵਸ ਮਨਾ ਰਿਹਾ ਹੈ ।

          
ਸੰਪਰਕ: +91 98552 07071

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ