Mon, 26 July 2021
Your Visitor Number :-   5110015
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਪਰਨਦੀਪ ਕੈਂਥ ਦੀਆਂ ਦੋ ਕਵਿਤਾਵਾਂ

Posted on:- 11-01-2013

                              
ਪ੍ਰਵਾਸੀ ਗਿਰਝਾਂ

ਤਿੰਨ ਕੂੰਜੀਆਂ ਤੇ ਇੱਕ
ਤਹਿਖਾਨੇ ਵਰਗਾ ਜਿੰਦਰਾ
ਲੈ ਆਈਆਂ ਨੇ
ਉਹ-
ਪਰਵਾਸੀ ਗਿਰਝ੍ਹਾਂ
ਜੋ ਆਪਣੇ
ਹੀ ਅੰਸ਼ਾਂ ਦੀ ਚੀਰਫਾੜ
ਕਰਨ ਤੇ ਉਤਾਰੂ ਨੇ-

ਕੁਝ
ਪੱਛਮੀ ਹਵਾਵਾਂ
ਤੇ ਕੁਝ ਆਪਣੇ ਹੀ
ਅੰਦਰ ਲੱਗੇ ਕੂੜਿਆਂ ਦੇ ਗਰਿਆਂ
ਦੀ ਰਹਿਨੂਮਾਈ ਕਰਦੀਆਂ ਆਣ
ਵੜੀਆਂ ਨੇ
ਇਹ ਗੁਲਬਰਗ ਅੰਦਰ
ਤੇ ਤਹਿਸ਼-ਨਹਿਸ਼
ਕਰ ਰਹੀਆਂ ਨੇ
ਅੰਸ਼ਾਂ ਦੇ ਸ਼ਫਾਫ ਅਹਿਸਾਸਾਂ ਨੂੰ
ਪੁਰਖਿਆਂ ਦੇ ਵਿਰਸੇ ਦੀ
ਆੜ ਵਿੱਚ-

ਅੰਸ਼ਾਂ ਦੇ ਅੰਗਾਂ ਨੂੰ ਆਪਣੀਆਂ
ਫੱਫੇ ਕੁੱਟਣੀਆਂ ਅਦਾਵਾਂ ਨਾਲ
ਮੋਹ ਲਿਆ ਹੈ
ਤੇ ਅੰਸ਼ਾਂ ਦੇ ਅੰਗ ਸਾਥ
ਛੱਡਦੇ ਜਾਪਦੇ ਨੇ-

ਪਰ ਅਜੇ ਵੀ ਅੰਸ਼ਾਂ ਵਿੱਚ
ਸੰਚਾਰ ਕਰ ਰਿਹਾ ਹੈ ਓਨ੍ਹਾਂ
ਪਾਕਿ ਰੂਹਾਂ ਦਾ ਮੋਹ
ਭਿੱਜਿਆ ਲਹੂ
ਜੋ ਕਦੇ ਵੀ ਠੰਢਾ ਨਹੀਂ
ਪੈਣ ਦੇਵੇਗਾ
ਅੰਸ਼ਾਂ ਦੇ ਜਜ਼ਬਿਆਂ ਨੂੰ-

***
(2)

ਨੂਰ ਜਹਾਂ ਦੀ ਆਰਾਮ ਗਾਹ
ਵਾਲੇ ਮਹਿਲ ਅੰਦਰ
ਅੱਜ ਚੀਕ ਰਹੀਆਂ ਨੇ ਚਾਮ ਚੜੀਕਾਂ
“ਨੂਰ ਜਹਾਂ ਤੂੰ ਕਿੱਥੇ ਹੈਂ?
ਤੂੰ ਕਿੱਥੇ ਹੈਂ?
ਅਸੀਂ ਤੈਨੂੰ ਭੋਗਣਾ ਲੋਚਦੇ ਹਾਂ”-

ਮਹਿਲ ਜੋ ਅੱਜ ਖੰਡਰ ਦੀ ਸ਼ਕਲ
ਅਖਤਿਆਰ ਕਰ ਚੁੱਕਾ ਹੈ-
ਜਿਸ ਦੀਆਂ ਦੀਵਾਰਾਂ ੳੁੱਤੇ
ਸਿਊਕਾਂ ਆਪਣੀਆਂ ਚਿੱਤਰਕਾਰੀਆਂ
ਦੇ ਜਲੋਅ ਵਖਾ ਰਹੀਆਂ ਨੇ-

ਤੇਰੀ ਨਮਾਜ਼ ਵਾਲੀ ਥਾਂ ੳੁੱਤੇ
ਖਿੱਚੀਆਂ ਜਾ ਰਹੀਆਂ
ਨੇ ਅਨੇਕਾਂ ਹੀ ਤਸਵੀਰਾਂ
ਅਜੀਬ ਹੀ ਮੁਦਰਾਵਾਂ ਵਿਚ-

ਤੂੰ ਤਾਂ ਪਾਕਿ ਸੀ
ਤੇ ਸੀ ਮੁਜਸਮਾ ਸੱਚੀ ਮੁੱਹਬਤ ਦਾ
ਫੇਰ ਇਹ ਚਾਮ ਚੜਿਕਾਂ ਵਰਗੇ
ਲੋਕ ਤੈਨੂੰ ਮਾਣ ਕਿਉਂ ਨਹੀਂ ਪਾ ਰਹੇ-
ਤੇ ਤੇਰੇ ਅਹਿਸਾਸਾਂ ਦੇ ਏਸ ਮਹਿਲ ਅੰਦਰ
ਕੂਕਾਂ ਦਾ ਸ਼ੋਰ ਕਿਉਂ ਕਾਇਮ ਕਰ ਰਹੇ ਨੇ-

ਪਰ ਹਾਂ
ਇਕ ਅਦਨਾ ਜਿਹਾ ਅੰਸ਼ ਹੈ
ਏਨ੍ਹਾਂ ਚਾਮ-ਚੜੀਕਾਂ ਵਿਚਕਾਰ
ਜੋ ਕਰ ਰਿਹਾ ਹੈ ਵਿਰਲਾਪ
ਤੇਰੇ ਮਹਿਲ ਦੀਆਂ ਕੰਧਾਂ ੳੁੱਤੇ ਸਿਰ ਰੱਖਕੇ-

ਉਹ ਕਰ ਰਿਹਾ ਹੈ ਸਪਰਸ਼
ਤੇਰੀ ਰੂਹ ਦੀ ਆਵਾਜ਼ ਉਪਰ
ਆਵਾਜ਼ ਜੋ ਕਰਵਾ ਰਹੀ ਹੈ
ਅਹਿਸਾਸ ਬੀਤੇ ਦੇ ਸੱਚ ਦਾ
ਤੇ ਅੱਥਰੂ ਕਿਰ ਰਹੇ ਨੇ ਸਦੀਆਂ ਬਣਕੇ-

ਨੂਰ ਜਹਾਂ ਮੈਂ
ਫੇਰ ਆਵਾਂਗਾ ਪਰ ਇੱਕਲਾ
ਏਨਾ ਚਾਮ ਚੜੀਕਾਂ ਤੋਂ ਖਹਿੜਾ ਛੁਡਾਕੇ-
    

     ਸੰਪਰਕ: 98558-25558

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ