Mon, 26 July 2021
Your Visitor Number :-   5110014
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

...ਤੁਮਾਰੇ ਲੇਖੇ ! - ਹਰਜਿੰਦਰ ਸਿੰਘ ਗੁਲਪੁਰ

Posted on:- 09-02-2015

suhisaver

ਪਿੰਗਲਵਾੜਾ ਪੂਰਨ ਹੈ,
ਤੇ ਪੂਰਨ ਪਿੰਗਲਵਾੜਾ ਹੈ,

ਉਹ ਨੀਵਾਂ ਹੋ ਕੇ ਉੱਚਾ ਸੀ,
ਹਰ ਉੱਚਾ ਨੀਵਾਂ ਹੁੰਦਾ ਨੀ,
ਤਾਹੀਂ ਦੁਨੀਆ ਦਾਰੀ ਅੰਦਰ ਵੀ,
ਪਿਆ ਨਵੀਂ ਕਿਸਮ,
ਦਾ ਪਾੜਾ ਹੈ

ਜਿਥੇ "ਵੱਡੇ" ਅਲਖ,
ਜਗਾਉਂਦੇ ਨੇ
ਮੰਗਣ ਦੀ ਕਲਾ ਚ,
ਮਾਹਰ ਬੜੇ,

ਜੋ ਫਸਲ ਪੱਕੀ ਤੋਂ ਆਉਂਦੇ ਨੇ,
ਉਹ ਧਰਮ ਸਥਾਨਾਂ ਵਿਚ
ਰਹਿ ਕੇ ਵੀ ,
ਬਰਸ਼ੇ ਤੇ ਛਵੀਆਂ ਰਖਦੇ ਨੇ,
ਉਹ ਟਿਚ ਸਮਝਦੇ ਬਾਣੀ ਨੂੰ,

ਪਰ "ਪੂਰੇ"ਸੰਤ ਕਹਾਉਂਦੇ ਨੇ.
ਇੱਕ ਜੇਬ ਚ ਪਾਕੇ ਰਾਜਨੀਤੀ,
ਦੂਜੀ ਵਿਚ ਮਾਇਆ ਪਾ ਲੈਂਦੇ,
ਫੇਰ ਵੜ ਕੇ ਸ਼ਾਮੀ ਭੋਰੇ ਵਿਚ,
ਸੰਗਤ ਨੂੰ ਨਾਮ ਜਪਾਉਂਦੇ ਨੇ
ਸੰਗਤ ਦਾ ਜਨਮ ਸੰਵਾਰਨ ਲਈ,
ਗੱਪਾਂ ਦਾ ਮੀਂਹ ਵਰਸਾ ਦਿੰਦੇ,

ਇਹ ਜਨਮ ਤੁਮਾਰੇ ਲੇਖੇ ਕਹਿ ਕੇ,
ਸਭ ਆਪਣੀ ਜੇਬ ਚ ਪਾਉਂਦੇ ਨੇ
ਮਾਇਆ ਨੂੰ ਨਾਗਣ ਕਹਿੰਦੇ ਨੇ,
ਪਰ ਚੋਲਾ ਬੜਾ ਸੁਆ ਲੈਂਦੇ,

ਫੜ ਫੜ ਕੇ ਬਚੇ ਨਾਗਣ ਦੇ,
ਇਸ ਚੋਲੇ ਹੇਠ ਲੁਕਾਉਂਦੇ ਨੇ
ਇਹ ਸਭ ਤੋਂ ਵੱਡਾ ਖਤਰਾ ਨੇ,

ਪਰ ਸਿਖ ਨਹੀਂ ਪਹਿਚਾਣ ਸਕੇ,
ਤਾਹੀਂ ਠੋਕ ਠੋਕ ਕੇ ਟੀਕੇ ਇਹ,
ਹਰ ਜਣੇ ਖਣੇ ਨੂੰ ਲਾਉਂਦੇ ਨੇ.
ਇਹ ਲੁੱਟਣ ਦੇ ਲਈ ਸੰਗਤ ਨੂੰ,
ਇੱਕ ਨਵਾਂ ਸ਼ਗੂਫਾ ਛੱਡ ਦਿੰਦੇ
ਫਿਰ ਆਪ ਅਖਾੜਾ ਪੁੱਟਣ ਲਈ,
ਚਾਂਦੀ ਦੀ ਕਹੀ ਬਣਾਉਂਦੇ ਨੇ,

ਜਦ ਇਨਕਮ ਟੈਕਸ ਦੇ ਨਾਂ ਉੱਤੇ,
ਖਾਕੀ ਦਾ ਗੇੜਾ ਵੱਜਦਾ ਹੈ,
ਫਿਰ ਸੰਤ ਵੀ ਕੂਕਰ ਬਣ ਬਣ ਕੇ,
ਪੈਰਾਂ ਵਿਚ ਪੂਛ ਹਿਲਾਉਂਦੇ ਨੇ.
ਸਦਾ ਕਹਿੰਦੇ ਨੇ ਪ੍ਰਵਚਨਾਂ ਵਿਚ,
ਗੁਰੂ ਡੰਮ ਦੇ ਅੱਗੇ ਝੁਕਣਾ ਨੀ,
ਭੋਰੇ ਵਿਚ ਸੱਦ ਕੇ ਭਗਤਾਂ ਨੂੰ,
ਇਹ ਪੈਰਾਂ ਵਿਚ ਝੁਕਾਉਂਦੇ ਨੇ.
ਥਾਂ ਥਾਂ ਤੇ ਮਹਿਲ ਉਸਾਰ ਲਏ,
ਲੁੱਟ ਲੁੱਟ ਕੇ ਭੇਟਾ ਕਿਰਤਾਂ ਦੀ,
ਕਈ ਲੁੱਟੇ ਪੁੱਟੇ,ਵਹਿਮਾਂ ਦਾ,

ਗਲ ਪੈ ਗਿਆ ਢੋਲ ਵਜਾਉਂਦੇ ਨੇ.
ਨਹੀਂ ਪਤਾ ਸ਼ਹਾਦਤ ਕੀ ਹੁੰਦੀ,
ਉਂਗਲ ਨੂੰ ਲਹੂ ਲਵਾ ਲੈਂਦੇ,
ਨਾਂ ਲੈ ਕੇ ਫੇਰ ਸ਼ਹੀਦਾਂ ਦਾ,
ਕਈ ਟੂਣੇ ਤੱਕ ਕਰਵਾਉਂਦੇ ਨੇ.
ਜਦੋਂ ਮਹਿਕ ਫੁੱਲਾਂ ਦੀ ਆ ਜਾਂਦੀ,
ਫਿਰ ਖਾਰਾਂ ਨੂੰ ਕੋਈ ਪੁਛਦਾ ਨੀ,
ਕਹਿੰਦੇ ਇਸੇ ਮਹਿਕ ਬਦੌਲਤ ਹੀ,
ਆ ਭੌਰੇ ਡੇਰਾ ਲਾਉਂਦੇ ਨੇ

ਦੁਖ ਦਿੰਦੇ ਰਹਿੰਦੇ ਕੁਦਰਤ ਨੂੰ,
ਧਰਤੀ ਦੇ ਉੱਤੇ ਭਾਰ ਬਣੇ,
ਇਹ ਚੌਵੀ ਘੰਟੇ ਸੌਂਦੇ ਨੇ,
ਰਾਤਾਂ ਨੂੰ ਲੋਕ ਜਗਾਉਂਦੇ ਨੇ,
ਇੱਕ ਪਿੰਡ ਦੇ ਵਿਚ ਮਹਿਫੂਜ ਨਹੀ,
ਜੋ ਘਰ ਦੇ ਅੰਦਰ ਰਹਿੰਦਾ ਹੈ,
ਕਈ ਦੋਸਤ ਬੜੇ ਹੀ ਸ਼ਾਤਰ ਨੇ,
ਲੁਕ ਲੁਕ ਕੇ ਤੀਲੀ ਲਾਉਂਦੇ ਨੇ

ਸੰਪਰਕ: 0061 469 976214

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ