Fri, 03 December 2021
Your Visitor Number :-   5342153
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਮਾਹੀਆ ਢੋਲ ਸਿਪਾਹੀਆ -ਐੱਸ ਸੁਰਿੰਦਰ

Posted on:- 08-12-2014


ਦੀਪਕ ਦੀ ਲੋਅ ਮਾਹੀਆ ।
ਜਦੋਂ ਦੀ ਤੂੰ ਅੱਖ ਬਦਲੀ , ਸਾਡਾ ਹੌਕਿਆਂ ਦਾ ਢੋਅ ਮਾਹੀਆ ।

ਦੋ ਪੱਤਰ ਅਨਾਰਾਂ ਦੇ ।
ਡਾਲਰਾਂ ਨੇ ਤੈਨੂੰ ਮੋਹ ਲਿਆ , ਚੇਤੇ ਭੁੱਲ ਗਏ ਕਰਾਰਾਂ ਦੇ ।

ਪਾਣੀ ਖੂਹ ਉੱਤੇ ਭਰਦੇ ਹਾਂ ।
ਚੰਨ ਪਰਦੇਸੀਆ ਵੇ , ਅਸੀਂ ਤੇਰੇ ਉੱਤੇ ਮਰਦੇ ਹਾਂ ।

ਪਰਦੇਸੀ ਮੁੜਿਆ ਨਾ ।
ਟੁੱਟਿਆ ਤੜੱਕ ਕਰਕੇ , ਦਿਲ ਮੁੜ ਕੇ ਜੁੜਿਆ ਨਾ ।

ਲੱਭਾਂ ਪੈੜ੍ਹਾਂ ਢੋਲ ਦੀਆਂ ।
ਤੇਰੀਆਂ ਯਾਦਾਂ ਹਾਣੀਆਂ , ਮੈਨੂੰ ਰਾਹਵਾਂ ਵਿੱਚ ਰੋਲ ਦੀਆਂ ।

ਥਾਲੀ ਵਿੱਚ ਖੰਡ ਮਾਹੀਆ ।
ਦਮਾ ਦਿਆ ਵੈਰੀਆ ਵੇ , ਕੀਤੀ ਸਾਡੇ ਕੋਲੋ ਕੰਡ ਮਾਹੀਆ ।

ਖੈ਼ਰ ਵਤਨ ਦੀ ਮੰਗਦੇ ਹਾਂ ।
ਦਰਦ ਵਿਗੋਚੇ ਨੂੰ , ਅਸੀਂ ਅੱਖ਼ਰਾਂ ਚ' ਰੰਗਦੇ ਹਾਂ ।

ਮੇਰੇ ਨੈਣ ਪਿਆਸੇ ਨੇ ।
ਸੱਜਣਾ ਦੀਦਾਰ ਦੇ ਜਾ , ਮੇਰੇ ਹੰਝੂਆਂ 'ਚ ਵਾਸੇ ਨੇ ।

ਕੋਈ ਚਲਦਾ ਖੂਹ ਮਾਹੀਆ ।
ਮੁੜ ਆ ਵਤਨਾ ਨੂੰ , ਸੁੰਝੀ ਪਿੰਡ ਦੀ ਜੂਹ ਮਾਹੀਆ ।

ਪਰਦੇਸੀ ਰੁਲਦਾ ਏ ।
ਦੇਸ਼ ਬੇਗਾਨੇ ਵਿੱਚ , ਕੋਈ ਕੰਮ ਨਾਲ ਘੁਲਦਾ ਏ ।

ਚੰਬਾ ਵਿਹੜ੍ਹੇ ਵਿੱਚ ਲਾਉਂਦੇ ਹਾਂ ।
ਦਿਲ ਦਰਿਆ ਲਿਖ਼ ਕੇ , ਹੰਝੂ ਅਰਗ ਚੜਾਉਂਦੇ ਹਾਂ ।

ਅਸਾਂ ਦਰਦ ਸੁਣਾਇਆ ਏ ।
ਬੇਕਦਰਿਆ ਲੋਕਾਂ ਲਈ , ਹਾਏ, ਚੈਨ ਗੁਆਇਆ ਏ ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ