Mon, 20 May 2024
Your Visitor Number :-   7052278
SuhisaverSuhisaver Suhisaver

ਝੂਠ - ਗੋਬਿੰਦਰ ਸਿੰਘ ‘ਬਰੜ੍ਹਵਾਲ’

Posted on:- 05-10-2019

ਝੂਠ!
ਤੂੰ ਬੜਾ
ਕਲਾ ਕੌਸ਼ਲ
ਕਲਾਕਾਰ ਏਂ
ਖਰੇ ਨੂੰ ਖੋਟਾ
ਖੋਟੇ ਨੂੰ ਖਰਾ ਕਰਨ
ਸੱਚ ਨੂੰ ਤੂੰ
ਪੜ੍ਹਨੇ ਪਾਉਣ ਲਈ
ਬਿੰਦ ਲਾਉਣਾ
ਤੇਰੇ ਅੱਗੇ
ਕਟਹਿਰਿਆਂ ਚ ਖੜੇ
ਹਾਰ ਜਾਂਦੇ ਨੇ
ਕਹਿੰਦੇ ਕਹਾਉਂਦਿਆਂ ਨੂੰ
ਪਾਣੀ ਭਰਨ
ਲਾ ਦੇਨਾਂ ਤੂੰ

ਤੂੰ ਡਾਢਾ ਨੇੜੇ
ਨਿੱਘਾ ਸੁਭਾਅ
ਸੁਖਾਲਿਆਂ ਹੀ
ਹੱਥ ਵਧਾਇਆਂ
ਹੱਥ ਫੜ੍ਹਦੈਂ
ਤੇ ਪਤਾ ਨਹੀਂ ਚੱਲਦਾ
ਬਦੋ ਬਦੀ
ਤੂੰ ਤੇ ਤੇਰੀ
ਨਿੱਕ ਸੁੱਕ
ਗਲ ਪੈਂਦੀ
ਤੂੰ ਚਿੰਬੜ ਜਾਣਾ
ਤੇਰੇ ਇੱਕ ਦੀ ਖ਼ਾਤਰ
ਹੋਰ ਕਿੰਨੇ
ਤੇਰੇ ਪੂਰਨੇ
ਪੂਰਨੇ ਪੈਂਦੇ


ਸੱਚ ਤਾਂ ਚੰਦਰਾ
ਡਾਢਾ ਅੱਕੀ
ਕੁੜੱਤਣ ਭਰਿਆ
ਤੂੰ ਮਿੱਠਾ ਏ
ਉਸ ਠੱਗ ਵਰਗਾ
ਜੋ ਲੁੱਟਦਾ ਏ,
ਕੁੱਟਦਾ ਏ
ਰੱਤੀ ਨੀ ਛੱਡਦਾ ਪੱਲੇ
ਪਲੇਚੇ ਚ ਆਇਆਂ

ਸ਼ੱਕ ਨਹੀਂ,
ਤੂੰ ਅੜੇ ਗੱਡੇ ਨੂੰ
ਕੱਢ ਦੇਨਾਂ
ਪਰ
ਖੰਜਰ ਖੋਭ ਦੇਨਾਂ
ਅੰਦਰ ਘੁਮਾ ਦੇਨਾਂ
ਤੇ ਨਾੜਾਂ ਵੱਢ ਸੁੱਟਦੈਂ
ਆਤਮਾ ਦੀਆਂ
ਜੇ ਕਿਧਰੇ ਓ
ਜਾਗਦੀ ਰਹਿ ਜੇ

ਤੇਰੇ ਤੇ
ਸੱਚ ਚ ਪਾੜਾ
ਮਸਾਂ ਕੁ ਵੈਰੀ
ਦੋ ਇੰਚ ਦਾ
ਜਿੰਨਾ ਕੁ ਹੁੰਦਾ
ਅੱਖ ਤੇ ਕੰਨ ਚ।

ਈਮੇਲ - [email protected]

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ