Tue, 03 August 2021
Your Visitor Number :-   5128396
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਅਮਰਜੀਤ ਟਾਂਡਾ ਦੀਆਂ ਦੋ ਕਾਵਿ-ਰਚਨਾਵਾਂ

Posted on:- 15-04-2015

suhisaver

ਰੂਹਾਂ ਨੇ ਟੁਰ ਗਈਆਂ ਇਹਨਾਂ ਦਰਗਾਹਾਂ 'ਚ ਭਟਕਣਾ
ਤਪਦੀਆਂ ਸਨ ਹਵਾਵਾਂ ਨੇ ਕਤਲਗਾਹਾਂ 'ਚ ਭਟਕਣਾ

ਖ਼ਾਕ ਨਾ ਕਰੀਂ ਹੰਝੂਆਂ ਨੂੰ ਕਿਸੇ ਜੇਬ ਚ ਸਾਂਭ ਰੱਖੀਂ
ਸਿਰ ਫਿਰੀ ਹਨੇਰੀ ਦੇ ਇਹਨਾਂ ਸਾਹਵਾਂ 'ਚ ਭਟਕਣਾ

ਹੱਥਿਆਰਾ ਤਾਂ ਭੁੱਲ ਜਾਵੇਗਾ ਕਦੇ ਕਤਲ ਵਾਲੀ ਜਗਾ੍
ਹਿੱਕਾਂ 'ਚ ਬਲਦੇ ਅੰਗਿਆਰਾਂ ਨੇ ਰਾਹਾਂ 'ਚ ਭਟਕਣਾ

ਮਿਲ ਜਾਵੇਗੀ ਮੰਜ਼ਿਲ ਹੌਸਲਾ ਰੱਖੀਂ ਸੀਨਾ ਜਰਾ ਮਿਣੀ
ਕਿੰਨਾ ਕੁ ਹੋਰ ਹੁਣ ਕਾਤਿਲਾਂ ਨਿਗਾਵਾਂ 'ਚ ਭਟਕਣਾ

ਬੇ ਵਜ੍ਹਾ ਨਾ ਰੋਲ ਦੇਵੀਂ ਮਿੱਟੀ 'ਚ ਚਾਅ ਤਲਵਾਰ ਦੇ
ਨੰਗੀਆਂ ਸ਼ਮਸ਼ੀਰਾਂ ਨੇ ਇਹਨਾਂ ਅਜੇ ਬਾਹਾਂ 'ਚ ਭਟਕਣਾ

ਪੈਂਦੇ ਨੇ ਪੱਥਰ ਚੀਰਨੇ ਪਿਘਲਦੇ ਨਾ ਦੀਵੇ ਸਜਾ
ਸੂਲੀਆਂ ਦੀ ਤਾਰੀਖ਼ ਵਿਚ ਬੇਗੁਨਾਹਾਂ ਨੇ ਭਟਕਣਾ

****

ਤੂੰ ਸ਼ੁਰੂ ਤਾਂ ਕਰ ਬਾਤ ਮੈਂ ਹੁੰਗਾਰਾ ਬਣਾ ਦਿਆਂ
ਬੇੜੀਆਂ 'ਚ ਜੜੇ ਅਰਮਾਨਾਂ ਨੂੰ ਨੱਚਣਾ ਸਿਖਾ ਦਿਆਂ

ਸਜਾ ਦੇਵਾਂ ਖ਼ੂਨ 'ਚ ਡੁੱਬੇ ਖ਼ੰਜਰ ਨੂੰ ਕਿਤੇ ਕੋਣੇ ਚ
ਸੁੰਨ੍ਹੀ ਜੇਹੀ ਪਈ ਹੈ ਸਲੀਬ ਉਹਨੂੰ ਵੀ ਸੁਆ ਦਿਆਂ

ਕਿੱਥੇ ਲੱਭਦੇ ਨੇ ਹਨੇਰੀਆਂ ਰਾਤਾਂ 'ਚ ਚੰਨ ਜਗਦੇ
ਤੂੰ ਸੀਨਾ ਜੇਹਾ ਤਾਂ ਫ਼ੜ੍ਹ ਤੈਨੂੰ ਦੀਪਕ ਬਣਾ ਦਿਆਂ

ਇਹ ਚੁੱਪ ਜੇਹੀ ਦੁਪਹਿਰ ਸ਼ਾਂਤ ਜੇਹੀਆਂ ਸ਼ਾਮਾਂ
ਦੋ ਕੁ ਪਲ ਠਹਿਰ ਇਹਨਾਂ 'ਚ ਗੀਤ ਟਿਕਾ ਦਿਆਂ

ਦੇਖੇ ਨਹੀਂ ਜਾਂਦੇ ਮੈਥੋਂ ਗੁਲਾਮ ਪੱਥਰ ਇਹ ਲੋਕ
ਹੱਥਾਂ 'ਚ ਇਹਨਾਂ ਦੇ ਇਕ ਇੱਕ ਸੂਰਜ ਫ਼ੜਾ ਦਿਆਂ

ਝੀਲਾਂ ਨੁੰ ਕਹੋ ਟੁਰਨ ਦਰਿਆਵਾਂ ਨੂੰ ਕਹੋ ਰੁਕਣ ਨਾ
ਰੁੱਖਾਂ ਨੂੰ ਲੈ ਕੇ ਨਾਲ ਨਾਲ ਕਈ ਕਾਫ਼ਲੇ ਬਣਾ ਦਿਆਂ

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ