Tue, 05 December 2023
Your Visitor Number :-   6726996
SuhisaverSuhisaver Suhisaver

ਪੱਥਰ –ਕ੍ਰਿਸ਼ਨ ਬੇਤਾਬ

Posted on:- 06-09-2014



ਪੱਥਰ ਨੂੰ ਕੀ ਪਤਾ

ਕਿ ਕਿਸ ਦੇ ਵੱਜਿਆ ਹੈ ਉਹ

ਖ਼ਤਾਵਾਰ ਹੈ ਜਾਂ ਬੇਖ਼ਤਾ

ਉਹ ਤਾਂ ਵਰਤਿਆ ਗਿਆ ਹੈ


ਬੇਸ਼ਕ ਉਸ ਨਾਲ

ਕਿਸੇ ਔਰਤ ਨੂੰ

ਜਾਂ ਅਨਲਹੱਕ ਕਹਿਣ ਵਾਲੇ

ਕਿਸੇ ਸਮਸਤਬਰੇਜ਼ ਨੂੰ ਮਾਰ

ਕਰ ਦਿਓ ਲਹੂ ਲੁਹਾਨ

ਕੋਸ ਨਾ ਉਸ ਪੱਥਰ ਨੂੰ

ਕੋਸ ਉਸ ਨੂੰ ਜਿਸ ਨੇ ਰੱਖਿਆ

ਰਸਤੇ ਵਿੱਚ ਇਹ ਪੱਥਰ



ਪੱਥਰ ਤਾਂ ਨਾਬੀਨਾ ਹੈ

ਉਸ ਨੂੰ ਕੁਝ ਸੁਣਾਈ ਨਹੀਂ ਦਿੰਦਾ

ਚੀਕ ਸ਼ੋਰ ਜਾਂ ਹਾਉਕਾ

ਸਵਾਲ ਤਾਂ ਹੱਥਾਂ ਦਾ ਹੈ

ਜਾਂ ਤੇਰੀ ਸੋਚ ਦਾ


ਪੱਥਰ ਤੋਂ ਸ਼ਿਵ ਦੀ ਮੂਰਤ ਬਣਾ

ਜਾਂ ਤਰਾਸ਼ ਅਜੰਤਾ ਦੀ ਸੂਰਤ

ਜਾਂ ਮੁਮਤਾਜ ਲਈ ਤਾਜ ਮਹਲ

ਪੱਥਰ ਸ਼ੈਤਾਨ ਵੀ ਬਣੇ

ਧੰਨੇ ਭਗਤ ਦਾ ਭਗਵਾਨ ਵੀ


ਜੇ ਅਕਲ ’ਤੇ ਨਾ ਪੈਣ ਪੱਥਰ

ਤਾਂ ਪੱਥਰ ਵੀ ਰੋਕ ਸਕਦਾ ਹੈ

ਸ਼ੈਤਾਨ ਦਾ ਸਫ਼ਰ

ਸੰਪਰਕ: +91 93565 83521

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ