Tue, 03 August 2021
Your Visitor Number :-   5128363
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਗ਼ਜ਼ਲ - ਆਰ.ਬੀ.ਸੋਹਲ

Posted on:- 01-04-2016

suhisaver

ਪਿਆਰ   ਤੇਰੇ   ਨਾਲ   ਮੈਨੂੰ,  ਬੇਪਨਾਹ   ਐ    ਜ਼ਿੰਦਗੀ ।
ਦੂਰ  ਨਾ  ਜਾ  ਪਾਸ  ਆ  ਕੇ,  ਗਲ  ਲਗਾ  ਐ  ਜ਼ਿੰਦਗੀ ।
 
ਯਾਦ  ਕਰ   ਉਂਗਲੀ  ਫੜਾ  ਕੇ,  ਤੂੰ   ਸਿਖਾਇਆ  ਤੋਰਨਾ,
ਹੁਣ   ਕਿਸੇ  ਵੀ  ਮੋੜ  ਤੇ  ਨਾ, ਹੱਥ  ਛੁਡਾ  ਐ  ਜ਼ਿੰਦਗੀ ।
 
ਪਿਆਰ  ਬੀਜਣ  ਵਾਸਤੇ  ਦਿਲ,  ਨਾ  ਕਦੇ  ਬੰਜਰ   ਰਹੇ,
ਰਹਿਮ  ਕਰ  ਜਰਖੇਜ਼   ਇਸਨੂੰ, ਹੀ  ਬਣਾ  ਐ  ਜ਼ਿੰਦਗੀ ।
 
ਹਰ  ਪੜਾਅ  ਤੇ  ਮੰਜਿਲਾਂ  ਦਾ , ਮੈਂ  ਪਤਾ  ਪੁੱਛਦਾ  ਰਿਹਾ,
ਮਿਲ ਨਾ  ਪਾਇਆ ਥੋਹ ਪਤਾ ਪਰ, ਤੂੰ ਵਿਖਾ ਐ  ਜ਼ਿੰਦਗੀ ।
 
ਸੋਚਿਆ  ਤੂੰ   ਜਿਸਮ  ਦਾ  ਹੀ, ਸਫਰ  ਮੈਂ   ਕਰਦਾ  ਰਹਾਂ,
ਬਣ  ਨਾ  ਤੂੰ  ਅਨਭੋਲ  ਐਵੇਂ,  ਰੂਹ  ਮਿਲਾ  ਐ  ਜ਼ਿੰਦਗੀ ।
 
ਕੌਲ  ਸ਼ਿੱਦਤ   ਨਾਲ   ਸਾਰੇ,  ਮੈਂ   ਨਿਭਾਉਂਦਾ  ਹੀ  ਰਿਹਾ,
ਆਪਣੇ   ਇਕਰਾਰ   ਪਰ  ਤੂੰ,  ਵੀ   ਨਿਭਾ  ਐ  ਜ਼ਿੰਦਗੀ ।
 
ਆਸ   ਦੇ   ਦੀਪਕ   ਨਿਰਾਸ਼ਾ,  ਨਾ   ਬੁਝਾਵੇ  ਹੁਣ  ਕਦੇ,
ਬਣ  ਕੇ  ਹਰ  ਦਿਨ  ਤੂੰ  ਦੀਵਾਲੀ,ਜਗਮਗਾ ਐ ਜ਼ਿੰਦਗੀ ।

ਸੋਚ  ਹੁਣ  ਬਸ  ਗਮ  ਹੀ ਮੇਰੇ, ਘਰ  ਕਿਓਂ  ਆਉਂਦੇ ਰਹੇ,
ਬਣ  ਕੇ  ਤੂੰ  ਹਮਸਫਰ  ਖੁਸ਼ੀਆਂ, ਵੀ ਲਿਆ ਐ ਜ਼ਿੰਦਗੀ ।
 
ਆਦਮੀ  ‘ਚੋਂ   ਚੇਤਨਾ   ਦੀ,  ਲਾਟ   ਬੁਝਦੀ   ਜਾ  ਰਹੀ,
ਏਸ  ਦੀਵੇ  ਵਿਚ  ਤੂੰ   ਮੁੜ  ਕੇ,  ਤੇਲ  ਪਾ  ਐ  ਜ਼ਿੰਦਗੀ ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ