Mon, 26 July 2021
Your Visitor Number :-   5110049
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਗ਼ਜ਼ਲ - ਸਰਬਜੀਤ ਧੀਰ

Posted on:- 10-09-2012



ਬਿਨ ਬੋਲੇ ਵੀ ਇਸ ਤਰ੍ਹਾਂ ਦਿੱਤੀ ਗੱਲ ਸਮਝਾ
ਅੱਖੀਆਂ ਵਿਚਲੀ ਰਮਜ ਨੂੰ, ਦਿਲ ਨੇ ਬੁੱਝ ਲਿਆ

ਹੁਸਨ ਮੇਰੇ ਦੇ ਸੇਕ ਤੋਂ ਬਚਕੇ ਰਹੀਂ ਜ਼ਰਾ,
ਸ਼ਮ੍ਹਾ ਦੀ ਇਸ ਗੱਲ ’ਤੇ ਭੰਵਰਾ ਹੱਸ ਪਿਆ ।

ਹੋਣ ਨਿਛਾਵਰ ਹੁਸਨ ਤੋਂ ,ਆਸ਼ਕ ਸਦਾ ਬੇਖੌਫ,
ਭੰਵਰਾ ਸੜਦਾ ਅੱਗ ਵਿੱਚ, ਗੱਲ ਇਹ ਦੱਸ ਗਿਆ ।

ਜਿਹੜੇ ਹੁਸਨ ’ਤੇ ਹਰ ਵੇਲੇ ਤੂੰ ਮਾਣ ਕਰੇਂਦੀ ਝੱਲੀਏ,
ਮੈਂ ਨਾ ਪੁੱਛਾਂ ਰੂਪ ਤੇਰਾ ਇਹ ਦੱਸ ਕਿਸ ਕੰਮ ਰਿਹਾ ।

ਸੁਗੰਧੀਆਂ ਲਿਪਟੀ ਪੌਣ ਨੇ ਦਸਤਕ ਦਿੱਤੀ ਆਣ,
ਧੁੱਪੇ ਮੱਚਦੇ ਰੁੱਖ ਦਾ,ਅੰਗ-ਅੰਗ ਨੱਚ ਪਿਆ ।

ਉਸਦੇ ਚਿਹਰੇ ਚਾਨਣੀ ਰਿਸ਼ਮਾਂ ਰਹੀ ਖਿਲਾਰ,
ਇੱਕ ਅੱਖ ਲਈ ਹੂਰ ਹੈ, ਦੂਜੀ ਲਈ ਖ਼ੁਦਾ ।

ਔੜਾਂ ਮਾਰੇ ਰੁੱਖ ‘ਤੇ ਫੁੱਲ ਖਿੜਦੇ ਤੂੰ ਵੇਖੀਂ,
ਬਣ ਸ਼ਬਨਮ ਦੀ ਬੂੰਦ ਤੂੰ, ਇਸਦੇ ਗਲ ਲੱਗ ਜਾ ।

ਇੱਕ ਦਿਨ ਤੈਨੂੰ ਖ਼ੁਦ ਮਿਲੂ, ਦਰ ਤੇਰੇ ’ਤੇ ਆ ਕੇ,
ਜਿਸਨੂੰ ‘ਧੀਰਾ’ ਲੱਭ ਰਿਹੈਂ, ਹਰ ਬੂਹਾ ਖੜਕਾ ।
                              

                                    ਸੰਪਰਕ:  88722 18418

Comments

Amandeep Singh

bhut vdhia hai ji

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ