Thu, 01 December 2022
Your Visitor Number :-   6011261
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਗੀਤ -ਕੁਲਦੀਪ ਸਿੰਘ ਘੁਮਾਣ

Posted on:- 24-09-2019

ਪੰਜਾਬੀਏ ਜ਼ੁਬਾਨੇ ਬੜੀ ਵੱਡੀਏ ਰਕਾਨੇ,
ਤੂੰ ਸਾਡੀ ਲੱਗਦੀ ਐਂ ਕੀ ?
ਤੇਰੇ ਨਾਂ ਤੇ ਮੂਰਖ਼ ਬਣਾਇਆ ਨੀ ਜ਼ਮਾਨੇ ਤਾਈਂ,
ਹੁਣ ਅਸੀਂ 'ਬੀਬੇ ਰਾਣੇ ਜੀਅ'।
ਪੰਜਾਬੀਏ ਜ਼ੁਬਾਨੇ ਨੀ ਰਕਾਨੇ ।

ਹੁਣ ਸਾਨੂੰ ਨਿਰੀ ਤੂੰ ਉਜੱਡ ਜਿਹੀ ਜਾਪਦੀ,
'ਮਾਸੀ' ਨਾਲ ਫਿਰੇਂ ਨੀਂ ਤੂੰ ਕੱਦ ਜਿਹਾ ਨਾਪਦੀ।
ਉਹ ਤਾਂ ਸਾਨੂੰ ਲੱਗੇ ਹੁਣ 'ਵੱਡਿਆਂ ਘਰਾਂ ਦੀ',
ਸਾਨੂੰ ਬੁੱਲ੍ਹੇ ਤੇ ਫ਼ਰੀਦ ਨਾਲ ਕੀ?
ਤੇਰੇ ਨਾਂ ਤੇ ਲੁੱਟਿਆ।

ਤੂੰ ਭਾਵੇਂ ਸਾਡੇ ਨਾਲ ਕੀਤਾ ਨਾਂ ਧਰੋਹ ਸੀ,
ਤੇਰੇ ਨਾਲ ਸਾਡਾ ਬੱਸ ਇੰਨਾ ਕੁ ਈ ਮੋਹ ਸੀ।
ਤੇਰੇ ਨਾਲੋਂ ਸਾਨੂੰ ਹੁਣ ਚੰਗੀਆਂ ਤਰੱਕੀਆਂ ਨੀ,
ਤੇਰਾ ਸਾਡਾ ਲੈਣਾ ਦੇਣਾ ਕੀ?
ਤੇਰੇ ਨਾਂ ਤੇ ਲੁੱਟਿਆ।

ਮੀਢੀਆਂ ਖਿਲਾਰਨੇ ਨੂੰ ਕੱਲੇ ਈ ਬੜੇ ਆਂ,
ਗੱਲੀਂ ਬਾਤੀਂ ਉਂਜ ਤੇਰੇ ਹੱਕ ਚ ਖੜ੍ਹੇ ਆਂ।
ਕਲਜੁਗ ਵਿੱਚ ਪੁੱਤ ਹੁੰਦੇ ਆ ਕਪੁੱਤ,
ਦੱਸ ਇਹਦੇ 'ਚ ਕਸੂਰ ਸਾਡਾ ਕੀ?
ਤੇਰੇ ਨਾਂ 'ਤੇ ਲੁੱਟਿਆ।

ਦਿੱਤੀਆਂ ਬਥੇਰੀਆਂ ਤੂੰ ਸ਼ੋਹਰਤਾਂ ਤਰੱਕੀਆਂ,
ਲੱਗਣ ਨਾ ਦਿੱਤੀਆਂ ਹਵਾਵਾਂ ਕਦੇ ਤੱਤੀਆਂ।
ਅਸੀਂ ਤਾਂ ਬਣਾਇਆ ਬੱਸ ਤੈਨੂੰ ਰੁਜ਼ਗਾਰ,
ਉਂਝ ਕਦੋਂ ਦੇ ਵਿਸਾਰੀ ਬੈਠੇ ਸੀ?
ਤੇਰੇ ਨਾਂ ਤੇ ਲੁੱਟਿਆ।

ਬੜਾ ਚਿਰ ਤੇਰੇ ਨਾਂ ਤੇ ਖਾ ਲਿਆ ਹੰਢਾ ਲਿਆ,
ਹੋ ਗਿਆ ਪੁਰਾਣਾ ਸੀ ਨਕਾਬ ਅਸੀਂ ਲਾਹ ਲਿਆ।
'ਘੁਮਾਣਾਂ' ਚਿਹਰਾ ਮੁਹਰਾ ਤਾਂ ਨਕਾਬ ਲਾਹਿਆਂ ਦਿੱਸਦੈ,
ਕਦੋਂ ਦੇ ਲੁਕੋਈ ਬੈਠੇ ਸੀ।
ਤੇਰੇ ਨਾਂ ਤੇ ਲੁੱਟਿਆ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ