Wed, 27 October 2021
Your Visitor Number :-   5274721
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਵੇਲ੍ਹ ਮੱਛੀਆਂ -ਨੀਲ

Posted on:- 02-10-2014



ਇਨਸਾਫ਼
ਦੇ ਸਮੁੰਦਰ ਵਿਚ ਤਰਦੀਆਂ

ਕਾਲੀਆਂ ਚਿੱਟੀਆਂ
ਵੇਲ੍ਹ ਮੱਛੀਆਂ

ਅਣਥੱਕ ਮੁਸ਼ੱਕਤ ਕਰਦੀਆਂ
ਕਦੀਂ ਪਾਣੀ ਦੀਆਂ ਧਾਰਾਵਾਂ ਨਾਲ ਜੂਝਦੀਆਂ

ਅਤੇ ਕਦੀਂ
ਸੋਧਾਂ ਵਰਗੀਆਂ ਛੱਲਾਂ ਨਾਲ ਅਟਖੇਲੀਆਂ ਕਰਦੀਆਂ
ਸਮੁੰਦਰ ਦੀ ਤਲੀ 'ਤੇ ਕੁਦਰਤੀਂ ਛਪੀਆਂ
ਕਾਨੂੰਨੀ ਕਿਤਾਬਾਂ ਨੂੰ ਪੜ੍ਹਨ ਲਈ
ਵਾਰੋ ਵਾਰ ਚੁੱਭੀਆਂ ਲਾਉਂਦੀਆਂ


ਰਾਤੀਂ ਚਿਰਕੇ ਤੀਕ ਜਾਗਦੀਆਂ
ਅਤੇ ਭਲਕੇ ਸੁੱਚੇ ਵੇਲੇ ਜਾਗਦੀਆਂ
ਤੱਥਾਂ ਨੂੰ ਪੜ੍ਹਚੌਲਦੀਆਂ
ਸਬੂਤਾਂ ਨੂੰ ਇਕੱਤਰ ਕਰਦੀਆਂ

ਲੰਮੇਰੀਆਂ ਚੁੱਭੀਆਂ ਤੋਂ ਬਾਅਦ
ਇਨਸਾਫ਼ ਦੇ ਸਮੁੰਦਰ ਉੱਪਰ ਪੁੱਜ ਕੇ
ਵਾਰੋ ਵਾਰ ਫੁੰਕਾਰਦੀਆਂ
ਸਾਹਾਂ ਦੀਆਂ ਹਵਾਵਾਂ ਨਾਲ
ਪਾਣੀ ਦੇ ਫੱਵਾਰੇ ਬਣਾਉਂਦੀਆਂ
ਅਤੇ ਉਨ੍ਹਾ ਫੱਵਾਰਿਆਂ ਰਾਹੀਂ
ਆਪੋ ਆਪਣੀਆਂ ਦਲੀਲਾਂ ਪੇਸ਼ ਕਰਦੀਆਂ

ਪੇਸ਼ੇਵਰ ਕਲਾ ਨਾਲ ਭਰਪੂਰ
ਅਤੇ ਸਲੀਕੇ ਨਾਲ ਮਾਰੀਆਂ
ਆਪੋ ਆਪਣੀਆਂ ਤਿੱਖ਼ੀਆਂ ਚੀਕਾਂ ਨੂੰ
ਸਹੀ ਜਤਲਾਉਂਦੀਆਂ
ਅਤੇ ਇਨਸਾਫ਼ ਦੇ ਸਮੁੰਦਰ ਨੂੰ
ਆਪੋ ਆਪਣੇ ਮੁਵੱਕਿਲ ਦੇ ਹੱਕ ਵਿਚ
ਫੈਸਲੇ ਸੁਣਾਉਣ ਲਈ ਉਕਸਾਉਂਦੀਆਂ

ਅਤੇ ਪੂਰਾ ਜ਼ੋਰ ਲਾਉਣ ਮਗ਼ਰੋਂ
ਇਨਸਾਫ਼ ਦੇ ਸਮੁੰਦਰ ਦੇ
ਠਹਿਰਾਵ ਭਰੇ ਫੈਸਲਿਆਂ ਦਾ
ਇੰਤਜ਼ਾਰ ਕਰਦੀਆਂ……

……ਫੈਸਲੇ ਸੁਣਨ ਮਗਰੋਂ
ਕੁਝ ਜਿੱਤ ਦੀ ਖ਼ੁਸ਼ੀ ਮਨਾਉਂਦੀਆਂ
ਅਤੇ ਕੁਝ ਹਾਰਨ ਮਗ਼ਰੋਂ
ਇਨਸਾਫ਼ ਦੇ ਮਹਾਂ-ਸਮੁੰਦਰ ਵੱਲ ਦਾ ਰੁਖ ਕਰਦੀਆਂ
ਇਨਸਾਫ਼ ਦੇ ਸਮੁੰਦਰ ਵਿਚ ਤਰਦੀਆਂ
ਕਾਲੀਆਂ ਚਿੱਟੀਆਂ
ਵੇਲ੍ਹ ਮੱਛੀਆਂ ।


ਸੰਪਰਕ: +91 94184 70707

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ