Sun, 17 October 2021
Your Visitor Number :-   5259918
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਕੱਚੀ -ਕੱਚੀ ਕਵਿਤਾ ਇਹ - ਗੁਰਪ੍ਰੀਤ ਸਿੰਘ ਰੰਗੀਲਪੁਰ

Posted on:- 28-08-2015

suhisaver

ਇੱਕੀਂਵੀ ਸਦੀ 'ਚ ਵੀ ਹੈ,
ਕੱਚੀ-ਕੱਚੀ ਕਵਿਤਾ ਇਹ,
ਸਾਡੇ ਕੱਚੇ ਢਾਰਿਆਂ ਦੇ ਨਾਮ  ।
ਧੁੱਪ ਵਿੱਚ ਸੜਦੀ ਹੈ, ਠੰਡ ਵਿੱਚ ਠਰਦੀ ਹੈ,
ਚੋਂਦੀ ਬਰਸਾਤਾਂ ਵਿੱਚ ਆਮ ।...

ਕੱਚੀ-ਕੱਚੀ ਕਵਿਤਾ ਇਹ,
ਭੁੱਖੀ ਤੇ ਤਿਹਾਈ ਲੱਗੇ,
ਜਿਵੇਂ ਸਾਡਾ ਕਾਮਿਆਂ ਦਾ ਹਾਲ ।
ਲੱਭਦਾ ਨਾ ਕੰਮ-ਧੰਦਾ, ਹਰ ਘਰ ਚੁੱਲਾ ਠੰਡਾ,
ਸੌਂਦੇ ਭੁੱਖੇ ਤੀਵੀਆਂ ਤੇ ਬਾਲ ।...

ਕੱਚੀ-ਕੱਚੀ ਕਵਿਤਾ ਇਹ,
ਮਿਹਨਤੀ ਕਿਸਾਨਾਂ ਵਾਂਗੂੰ ,
ਰਾਤ-ਦਿਨੇ ਖੇਤਾਂ ਵਿੱਚ ਵਾਸ ।
ਪੱਕਣੀ ਫਸਲ ਜਦੋਂ, ਲੋਟੂ ਢਾਣੇ ਖਾ ਗਏ ਉਦੋਂ,
ਪੱਲੇ ਕਰਜ਼ੇ ਪਏ ਤੇ ਸਲਫਾਸ ।...

ਕੱਚੀ-ਕੱਚੀ ਕਵਿਤਾ ਇਹ,
ਦੇਸ਼ ਦੀ ਜਵਾਨੀ ਜਿਹੀ ਹੈ,
ਪੜੀ-ਲਿਖੀ ਲੱਭੇ ਰੁਜਗਾਰ ।
ਜਿੱਥੇ ਜਾਏ ਠੇਕੇਦਾਰੀ,ਹਰ ਥਾਂ ਗੁਲਾਮੀ ਭਾਰੀ,
ਲੈ ਕੇ ਘੁੰਮੇ ਡਿਗਰੀਆਂ ਦਾ ਭਾਰ ।...

ਕੱਚੀ-ਕੱਚੀ ਕਵਿਤਾ ਇਹ,
ਉਹਨਾਂ ਕੰਜਕਾਂ ਦੇ ਵਾਂਗੂੰ ,
ਪੱਤ ਜਿਨ੍ਹਾਂ ਦੀ ਕੱਖੋਂ ਹੌਲੀ ਹੈ ।
ਨਾਰੀ ਬੇਵਸ ਲਾਚਾਰ,ਹੋਏ ਹਵਸ ਦਾ ਸ਼ਿਕਾਰ,
ਅੱਜ ਵੀ ਸ਼ਾਹਾਂ ਦੇ ਘਰ ਗੌਲੀ ਹੈ ।...

ਕੱਚੀ-ਕੱਚੀ ਕਵਿਤਾ ਇਹ,
ਦੇਸ਼ ਦੀ ਅਜਾਦੀ ਵਾਂਗੂੰ,
ਚੋਰ-ਡਾਕੂਆਂ ਦਾ ਇਥੇ ਰਾਜ ।
ਜਿਹਡ਼ਾ ਸੱਚ ਬੋਲਦਾ , ਜਿਹੜਾ ਪੋਲ ਖੋਲਦਾ,
ਉਹਦੀ ਦੱਬ ਦਿੰਦੇ ਨੇ ਅਵਾਜ਼ ।...

ਕੱਚੀ-ਕੱਚੀ ਕਵਿਤਾ ਇਹ,
ਕਾਮਿਆਂ ਦੇ ਏਕੇ ਨਾਲ,
ਸੰਘਰਸ਼ਾਂ ਦੀ ਭੱਠੀ ਵਿੱਚ ਪੱਕੇਗੀ ।
ਤਖ਼ਤ ਪਲਟਾ ਕੇ, ਜਦੋਂ ਤਖ਼ਤਾ ਬਣਾ ਕੇ,
ਤਾਜ ਕਿਸੇ ਕਾਮੇ ਸਿਰ ਤੱਕੇਗੀ ।...

ਸੰਪਰਕ: +91 98552 07071

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ