Mon, 26 July 2021
Your Visitor Number :-   5110038
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਸੁੱਚਾ ਸਿੰਘ ਪਸਨਾਵਾਲ ਦੀਆਂ ਦੋ ਕਵਿਤਾਵਾਂ

Posted on:- 23-12-2015

suhisaver

ਨਵਾਂ ਸਾਲ

ਨਵਾਂ ਸਾਲ ਆਵੇ ਖੁਸ਼ੀਆਂ ਖੇੜਿਆਂ ਦਾ,
ਰੱਬ ਅੱਗੇ ਮਿਲ ਅਰਦਾਸ ਕਰੀਏ,

ਰਹੇ ਸੁੱਖ ਸ਼ਾਂਤੀ ਸਾਡੇ ਦੇਸ ਅੰਦਰ,
ਅਕਾਲ ਪੁਰਖ ਤੋਂ ਇਹੋ ਇਕ ਆਸ਼ ਕਰੀਏ,

ਬਦੀਆਂ ਛੱਡੀਏ ਸਿੱਧੇ ਰਾਹ ਤੁਰੀਏ,
ਨੇਕੀਆਂ ਕਮਾ ਕੇ ਦੇਸ ਖੁਸਹਾਲ ਕਰੀਏ,

ਔਗੁਣ ਦੂਜਿਆਂ ਦੇ ਨਿਰੇ ਚਿਤਾਰੀਏ ਨਾ,
ਆਪਣੇ ਆਪ ਦਾ ਆਪ ਸੁਧਾਰ ਕਰੀਏ,

ਕਿਤੇ ਸੁਪਨੇ ਵੇਖਦੇ ਨਾ ਰਹਿ ਜਾਈਏ,
ਮਿਹਨਤ ਕਰਕੇ ਖਾਬ ਸਾਕਾਰ ਕਰੀਏ,

ਸਮਾਂ ਲੰਘਿਆ ਮੁੜ ਕੇ ਪਰਤਣਾ ਨਹੀਂ,
ਵੀਰੋ ਸਮੇਂ ਦਾ ਕੁਝ ਖਿਆਲ ਕਰੀਏ,

ਜਵਾਨੀ ਵਤਨ ਦੀ ਨਸ਼ਿਆਂ ਤੋਂ ਦੂਰ ਕਰਕੇ,
ਸੱਚਾ ਦੇਸ ਦੇ ਨਾਲ ਪਿਆਰ ਕਰੀਏ,

ਫਰਜ਼ ਸਮਝੀਏ ਭਲਾ ਮਨੁੱਖਤਾ ਦਾ,
ਪਸਨਾਵਾਲੀਆ ਸੁੱਚਾ ਕਿਰਦਾਰ ਕਰੀਏ।

***
ਨਵਾਂ ਸਾਲ ਮੁਬਾਰਕ

ਨਵਾਂ ਸਾਲ ਮੁਬਾਰਕ ਸਭ ਨੂੰ,
ਇਕ ਦੂਜੇ ਸੰਗ ਕਰੀਏ ਪਿਆਰ,
ਆਓ ਸਵਰਗ ਬਣਾਈਏ ਜੱਗ ਨੂੰ,
ਨਫਰਤ ਕੱਢੀਏ ਦਿਲ ਦੇ ਵਿੱਚੋਂ,
ਇਹੀ ਸਬਕ ਸਿਖਾਈਏ ਸਭ ਨੂੰ,

ਮਾਨਵਤਾ ਦੀ ਕਦਰ ਨੂੰ ਜਾਣੋ,
ਇਹੋ ਗੱਲ ਸਮਝਾਈਏ ਸਭ ਨੂੰ,
ਨਵੇਂ ਸਾਲ ‘ਚ, ਕੁੱਝ ਕਰੀਏ ਐਸਾ,
ਚੰਗੇ ਇਨਸਾਨ ਬਣਾਈਏ ਸਭ ਨੂੰ,

ਦੇਸ ਦੇ ਬਣ ਕੇ ਚੰਗੇ ਨਾਗਰਿਕ,
ਸੁਨਹਿਰਾ ਭਵਿੱਖ ਵਿਖਾਈਏ ਸਭ ਨੂੰ,
ਪਸਨਾਵਾਲੀਏ ਸੁੱਚੇ ਵਲੋਂ ਹੋਵੇ,
ਨਵਾਂ ਸਾਲ ਮੁਬਾਰਕ ਸਭ ਨੂੰ।

ਸੰਪਰਕ: +91 99150 33740

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ