Thu, 05 August 2021
Your Visitor Number :-   5131921
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਗ਼ਜ਼ਲ - ਆਰ.ਬੀ.ਸੋਹਲ

Posted on:- 26-07-2015

suhisaver

ਨ੍ਹੇਰ  ਤਾਂ  ਭਾਵੇਂ  ਸਦਾ   ਰਸਤੇ   ਭੁਲਾਉਂਦੇ  ਰਹਿਣਗੇ ।
ਸੋਚ  ਦੇ ਜੁਗਨੂੰ  ਵੀ ਐਪਰ ਰਾਹ ਵਿਖਾਉਂਦੇ ਰਹਿਣਗੇ ।
 
ਸਫ਼ਰ  ਨੂੰ   ਰੱਖਣਾ ਤੂੰ   ਜਾਰੀ   ਤੋਰ  ਮੱਠੀ  ਨਾ  ਕਰੀਂ,
ਕਸ਼ਟ  ਭਾਵੇਂ   ਬੇੜੀਆਂ   ਪੈਰਾਂ  ‘ਚ  ਪਾਉਂਦੇ  ਰਹਿਣਗੇ ।
 
ਬੈਠਿਓ   ਨਾ  ਹਾਰ   ਕੇ   ਖੁੰਝਦਾ  ਹੈ  ਮੌਕਾ   ਜੇ  ਕੋਈ,
ਛੱਡਿਓ   ਨਾ   ਕੋਸ਼ਿਸ਼ਾਂ  ਮੌਕੇ   ਤਾਂ   ਆਉਂਦੇ  ਰਹਿਣਗੇ ।
 
ਕਰ  ਲਵੀਂ   ਵੱਖਰਾ  ਖੁਸ਼ੀ  ਨੂੰ  ਤੂੰ  ਗ਼ਮਾਂ  ਦੇ  ਢੇਰ  ਤੋਂ,
ਗ਼ਮ ਖੁਸ਼ੀ  ਨੂੰ ਦੱਬ ਕੇ ਪਹਿਰਾ ਵੀ ਬਿਠਾਉਂਦੇ ਰਹਿਣਗੇ ।
 
ਤਿੜਕ ਜਾਵੇ  ਦਿਲ  ਕਿਸੇ  ਦਾ  ਕਰਮ  ਐਸੇ  ਨਾ ਕਰੀਂ,
ਉਹ  ਨਹੀਂ ਤਾਂ  ਰੂਹ  ਤੇ ਖੰਜ਼ਰ ਹੀ ਚੁਬਾਉਂਦੇ ਰਹਿਣਗੇ ।
 
ਹੌਸਲਾ   ਆਪਣਾ  ਬਣਾਈ   ਵਾਂਗ  ਪਰਬਤ   ਦੇ  ਸਦਾ,
ਫਿਰ  ਨਾ  ਗ਼ਮ ਦੇ  ਹੜ੍ਹ ਕਦੇ  ਤੈਨੂੰ ਵਹਾਉਂਦੇ ਰਹਿਣਗੇ ।
 
ਤਰਸ   ਜਾਵੇਂ   ਤੂੰ  ਬਬੀਹੇ  ਵਾਂਗ  ਜਦ  ਇੱਕ  ਬੂੰਦ  ਨੂੰ,
ਦਿਲ ਦੇ ਮਹਿਰਮ ਹੀ ਸੁਆਂਤੀ ਮੀਹ ਵਰ੍ਹਾਉਂਦੇ ਰਹਿਣਗੇ ।
 
ਕਲਮ   ਸੋਹਲ    ਤੂੰ   ਚਲਾਵੀਂ   ਰੌਸ਼ਨੀ   ਦੇ   ਵਾਸਤੇ ,
ਸ਼ਿਅਰ  ਤੇਰੇ   ਫਿਰ  ਗਜ਼ਲ  ਨੂੰ ਵੀ ਸਜਾਉਂਦੇ ਰਹਿਣਗੇ ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ