Fri, 03 December 2021
Your Visitor Number :-   5342167
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਕਲਯੁਗ - ਗੁਰਪ੍ਰੀਤ ਸਿੰਘ ਰੰਗੀਲਪੁਰ

Posted on:- 17-04-2015

suhisaver

ਘੌਰ ਕਲਯੁਗ ਆ ਗਿਆ ਹੈ, ਬਦਲ ਗਿਆ ਸੰਸਾਰ ।
ਚਾਰੇ ਪਾਸੇ ਵੇਖ ਲਉ, ਬੜੀ ਮਚੀ ਹੋਈ ਹਾਹਾਕਾਰ ।
ਨਾਰੀ ਦੇ ਵਿੱਚ ਸੀਤਾ ਨਾ, ਨਾ ਬੰਦਾ ਰਾਮ ਅਵਤਾਰ ।
ਮਿੱਠੇ ਹੋ-ਹੋ ਕਰਦੇ ਨੇ, ਬਸ ਪਿੱਠ ਦੇ ਉੱਤੇ ਵਾਰ ।

ਮਾਂ ਡੈਣ ਬਣ ਖਾ ਰਹੀ, ਸਣੇ ਬੱਚਿਆਂ ਦੇ ਪਰਿਵਾਰ ।
ਬਾਪ ਵੀ ਵਹਿਸ਼ੀ ਹੋ ਕਰੇ, ਧੀ ਨਾਲ ਦੁਰ-ਵਿਵਹਾਰ ।
ਭੈਣ ਭਾਈ, ਭਾਈ ਭੈਣ ਨੂੰ, ਕਰ ਰਹੇ ਨੇ ਖੱਜਲ-ਖੁਆਰ ।
ਰੰਗ ਲਹੂ ਦਾ ਫਿੱਕਾ ਪੈ ਗਿਆ, ਬਸ ਚਾਂਦੀ ਦੀ ਛਣਕਾਰ ।

ਅੰਨ੍ਹਦਾਤਾ ਭੁੱਖਾ ਮਰ ਰਿਹਾ, ਵਧੇ ਜਾਂਦੀ ਨੇ ਸ਼ਾਹੂਕਾਰ ।
ਯੋਗਤਾ ਹੁੰਦਿਆਂ ਮਿਲਦਾ ਨਹੀਂ, ਕਿਉਂ ਇੱਥੇ ਰੁਜ਼ਗਾਰ ?
ਅੱਗ ਵਾਂਗੂੰ ਜਾਂਦਾ ਫੈਲਦਾ, ਕਿਉਂ ਹੋਰ ਭਰਿਸ਼ਟਾਚਾਰ ?
ਮੂੰਹ ਵਿੱਚ ਘੁੰਗਣੂ ਪਾ ਕੇ ਐਪਰ, ਕਿਉਂ ਬੈਠੀ ਸਰਕਾਰ ?

ਸਾਫ਼-ਸੁਥਰੇ ਪਹਿਰਾਵੇ ਨੇ, ਤੇ ਬੜੇ ਗੰਦੇ ਰੱਖਣ ਵਿਚਾਰ ।
ਪੁੱਤ ਜੰਮੇ ਕਰਨ ਧਮਾਨ ਇਹ, ਧੀ ਕੁੱਖ 'ਚ  ਦਿੰਦੇ ਮਾਰ ।
ਬੁੱਢੇ ਵਾਰੇ ਮਾਪਿਆਂ ਦਾ, ਬੱਚੇ ਕਰਦੇ ਨਹੀਂ ਸਤਿਕਾਰ ।
ਵਿਖਾਵੇ ਜੋਗਾ ਰਹਿ ਗਿਆ, ਸਾਡਾ ਦੰਭੀ ਸੱਭਿਆਚਾਰ ।

ਫਿਰ ਕਲਮੀਂ ਰੋਹ ਭਰ ਲੈ, ਲੈ ਤਿੱਖੀ ਕਰ ਤਲਵਾਰ ।
ਨਾ ਆਪਣੀ ਨਜ਼ਰੇ ਗਿਰ ਜਾਏ, ਆਪਣਾ ਹੀ ਕਿਰਦਾਰ ।
ਦੋਏਂ ਪੈਰਾਂ ਦੇ ਪੱਬ ਚੁੱਕ ਕੇ, ਉੱਠ ਯਾਰਾ ਹੰਭਲਾ ਮਾਰ ।
ਤੂੰ ਕਿਸੇ ਦਾ ਕੀ ਸਵਾਰਨਾ ? ਬਸ ਆਪਣਾ-ਆਪ ਸਵਾਰ ।

                       ਸੰਪਰਕ: +91 98552 07071

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ