Tue, 28 May 2024
Your Visitor Number :-   7069506
SuhisaverSuhisaver Suhisaver

ਨਹੁੰ ਪਾਲਿਸ਼ -ਗੋਬਿੰਦਰ ਸਿੰਘ ‘ਬਰੜ੍ਹਵਾਲ’

Posted on:- 15-11-2019

ਜ਼ਿੰਦਗੀ ਦੇ ਪਾਂਧੇ ਤੇ
ਰਾਹੀ ਬਣੇ ਨੂੰ
ਹਜ਼ਾਰਾਂ
ਰੋਜ਼ਾਨਾਂ ਹੀ
ਮਿਲਦੇ ਚਿਹਰਿਆਂ ਵਿੱਚ
ਇੱਕ ਚਿਹਰਾ
ਅਜਿਹਾ ਮਿਲਿਆ
ਓ ਜਦ ਵੀ ਮਿਲਦਾ
ਹੱਸਦਾ ਮਿਲਦਾ
ਜਿਵੇਂ
ਉਸ ਨੂੰ ਕੋਈ
ਦੁੱਖ ਨਾ ਹੋਵੇ
ਕਿਸੇ ਨਾਲ
ਕੋਈ ਸ਼ਿਕਾਇਤ ਨਾ ਹੋਵੇ
ਤੇ ਜੱਗ ਦੀ
ਕੋਈ ਸਾਰ ਨਾ ਹੋਵੇ
ਤੇ ਬੋਲਣ ਵਾਲੇ
ਛੇੜਣ ਵਾਲੇ
ਖੂਹ ਢੱਠੇ ਪੈਣ

 ਕਸੂਰ ਬਿਨ੍ਹਾਂ
ਕੈਦ ਕੱਟ ਰਹੀ
ਸਾਹਾਂ ਦੀ ਪੂੰਜੀ
ਘਾਟੇ ਦੇ
ਜਿਸਮ ਚ
ਨਹੁੰਆਂ ਤੇ ਲੱਗੀ
ਨਹੁੰ ਪਾਲਿਸ਼
ਮਜ਼ਬੂਤ ਹੱਥਾਂ ਨੂੰ
ਵਿਲੱਖਣਤਾ ਦਿੰਦੀ
 
ਬੰਦਾ
ਬੰਦਾ ਨਾ ਬਣ ਸਕਿਆ
ਔਰਤ ਤੋਂ
ਔਰਤ ਨਾ ਬਣ ਹੋਇਆ
ਤੇ ਉਹ
ਤਾੜੀ ਮਾਰ
ਜ਼ਿੰਦਗੀ ਜੀਅ ਗਈ
ਸੂਲੀ ਲਟਕੇ ਪਲਾਂ ਨੂੰ
ਆਪਣੇ
ਹਾਸਿਆਂ ਚ ਢਾਲ।

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ