Fri, 03 December 2021
Your Visitor Number :-   5342157
SuhisaverSuhisaver Suhisaver
ਯੋਗੀ ਅਦਿੱਤਿਆਨਾਥ ਦੀ ਇੱਕ ਹੋਰ ਨਫ਼ਰਤੀ ਤਕਰੀਰ , ਕਿਹਾ ਜੇ 'ਲਵ ਜਿਹਾਦ' ਚਲਾਉਣ ਵਾਲੇ ਨਾ ਸੁਧਰੇ ਤਾਂ 'ਰਾਮ ਨਾਮ ਸੱਤਯ ਹੈ' ਦੀ ਯਾਤਰਾ ਸ਼ੁਰੂ ਹੋਵੇਗੀ               ਪੰਜਾਬ ਤੋਂ ਬਾਅਦ ਹੁਣ ਰਾਜਸਥਾਨ ਵਿਧਾਨ ਸਭਾ ਵਿੱਚ ਵੀ ਕੇਂਦਰੀ ਖੇਤੀ ਕਾਨੂੰਨਾਂ ਨੂੰ ਬੇਅਸਰ ਕਰਨ ਲਈ ਤਿੰਨ ਬਿੱਲ ਪੇਸ਼               ਖੇਤੀ ਕਾਨੂੰਨ : ਹੁਣ ਹੰਸ ਰਾਜ ਹੰਸ ਕਿਸਾਨਾਂ ਨੂੰ ਸਰਕਾਰ ਨਾਲ ਗੱਲਬਾਤ ਲਈ ਸੱਦਾ ਦੇਣ ਲੱਗਾ               ਭਾਜਪਾ ਹਾਈਕਮਾਨ ਦਾ ਫ਼ਰਮਾਨ! ਕਿਸਾਨਾਂ ਨਾਲ ਰਾਬਤਾ ਬਣਾਏ ਪੰਜਾਬ ਇਕਾਈ               ਭਾਜਪਾ ਨੂੰ ਇੱਕ ਹੋਰ ਝਟਕਾ, ਖੇਤੀ ਕਾਨੂੰਨਾਂ ਖ਼ਿਲਾਫ਼ ਭਾਜਪਾ ਦੇ ਪੰਜਾਬ ਯੂਥ ਜਨਰਲ ਸਕੱਤਰ ਬਰਿੰਦਰ ਸਿੰਘ ਸੰਧੂ ਨੇ ਅਸਤੀਫ਼ਾ ਦਿੱਤਾ              

ਕਿਰਤ ਦੀ ਲੁੱਟ -ਗੁਰਪ੍ਰੀਤ ਸਿੰਘ ਰੰਗੀਲਪੁਰ

Posted on:- 03-05-2015

suhisaver

ਸ਼ਿਕਾਗੋ ਦੇ ਸ਼ਹੀਦਾਂ ਨੂੰ ਪ੍ਰਣਾਮ,
ਜਾਨਾਂ ਵਾਰ ਗਏ ਲਾਲ ਸਲਾਮ,
ਐਪਰ ਅੱਛੇ ਦਿਨ ਨਹੀਂ ਆਏ,
ਕਿਰਤੀ ਪਿਆ ਗੁਲਾਮੀ ਹੰਢਾਏ,
ਭਾਰਤ ਮਾਂ ਖੂਨ ਦੇ ਹੰਝੂ ਰੋ ਰਹੀ ਹੈ ।
ਅੱਜ ਵੀ ਕਿਰਤ ਦੀ ਲੁੱਟ ਹੋ ਰਹੀ ਹੈ ।

ਹੱਡਾਂ ਦਾ ਸੁਰਮਾ ਪੀਹਣ ਔਰੰਗੇ,
ਮਲਿਕ ਭਾਗੋ ਹੱਥ ਖੂਨ ਨਾਲ ਰੰਗੇ,
ਆਪ ਸੋਨੇ ਦੀਆਂ ਮੋਹਰਾਂ ਜੋੜਨ,
ਲਾਲੋ ਦੀ ਰੱਤ ਤੱਕ ਨਿਚੋੜਨ,
ਜਿੰਦ ਗੁਰਬਤ ਦੀ ਪੰਡ ਢੋ ਰਹੀ ਹੈ ।
ਅੱਜ ਵੀ ਕਿਰਤ ਦੀ ਲੁੱਟ ਹੋ ਰਹੀ ਹੈ ।

ਕਰਜ਼ਾ ਕਿਰਤੀ ਦੀ ਰਗ-ਰਗ ਵਿੱਚ,
ਗਲ ਰੱਸਾ, ਸਲਫਾਸ ਹੈ ਪੱਗ ਵਿੱਚ,
ਕਿਰਤੀ ਬਿਨਾਂ ਇਲਾਜ ਦੇ ਮਰਦਾ,
ਜੇਠ 'ਚ ਤਪਦਾ ਪੋਹ ਵਿੱਚ ਠਰਦਾ,
ਬਰਸਾਤਾਂ ਵਿੱਚ ਕੁੱਲੀ ਚੋ ਰਹੀ ਹੈ ।
ਅੱਜ ਵੀ ਕਿਰਤ ਦੀ ਲੁੱਟ ਹੋ ਰਹੀ ਹੈ ।

ਸਾਰੇ ਕੰਮ ਦੇ ਦਿੱਤੇ ਠੇਕੇ ਉੱਤੇ,
ਰਲ ਕੇ ਬਹਿ ਗਏ ਚੋਰ ਤੇ ਕੁੱਤੇ,
ਘੱਟ ਲਾਗਤ ਲਾ ਮਾਲ ਵਧਾਂਉਦੇ,
ਮਨਮਰਜੀ ਦਾ ਰੇਟ ਲਗਾਂਉਦੇ,
ਇਹ ਪਿਰਤ ਸਾਡਾ ਹੱਕ ਖੋ ਰਹੀ ਹੈ ।
ਅੱਜ ਵੀ ਕਿਰਤ ਦੀ ਲੁੱਟ ਹੋ ਰਹੀ ਹੈ ।

ਬੁਰਕੇ ਵਿੱਚ ਛੁਪਿਆ ਸਾਮਰਾਜਵਾਦ,
ਦੁਸ਼ਮਣ ਕਰ ਦੇਉਗਾ ਸਾਨੂੰ ਬਰਬਾਦ,
ਇਹ ਸਿਸਟਮ ਸਮਝਾਉਣਾ ਪੈਣਾ,
ਮਜ਼ਦੂਰਾਂ ਨੂੰ ਹੈ ਜਗਾਉਣਾ ਪੈਣਾ,
ਕਿਰਤੀ ਜਮਾਤ ਅਜੇ ਸੋ ਰਹੀ ਹੈ ।
ਅੱਜ ਵੀ ਕਿਰਤ ਦੀ ਲੁੱਟ ਹੋ ਰਹੀ ਹੈ ।

ਆਉ ਸਾਰੇ ਅਸੀਂ ਇੱਕ ਹੋ ਜਾਈਏ,
ਰਲ ਕੇ ਕਿਰਤ ਦੀ ਲੁੱਟ ਮੁਕਾਈਏ,
ਪਾਟੀ ਕਿਰਤ ਨੂੰ ਇੱਕਮੁੱਠ ਕਰੀਏ,
ਸੱਚ ਲੋਕਾਂ ਦੇ ਸਾਹਮਣੇ ਧਰੀਏ,
ਜੱਥੇਬੰਦੀ ਇਹ ਮਾਲਾ ਪਰੋ ਰਹੀ ਹੈ ।
ਅੱਜ ਵੀ ਕਿਰਤ ਦੀ ਲੁੱਟ ਹੋ ਰਹੀ ਹੈ ।
         
                ਸੰਪਰਕ: +91 98552 07071

Comments

heera

nice

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ