Thu, 17 January 2019
Your Visitor Number :-   1576988
SuhisaverSuhisaver Suhisaver
ਰਾਸ਼ਟਰਪਤੀ ਨੇ 10 ਫੀਸਦੀ ਕੋਟਾ ਬਿਲ ਨੂੰ ਦਿੱਤੀ ਮਨਜ਼ੂਰੀ               ਪੱਤਰਕਾਰ ਹੱਤਿਆ ਮਾਮਲੇ 'ਚ ਰਾਮ ਰਹੀਮ ਦੋਸ਼ੀ ਕਰਾਰ              

ਰਾਜਨੀਤਿਕ ਚਲਾਕੀਆਂ - ਗੁਰਮੇਲ ਬੀਰੋਕੇ

Posted on:- 04-05-2014



ਬੰਬੇ ਤੋਂ ਲਿਆਂਦੀ ਹੀਰੋਇਨ
ਖੜ੍ਹੀ ਕੀਤੀ ਵਿੱਚ ਵੋਟਾਂ ਦੇ

ਉਹਦੀਆਂ ਗੱਲ੍ਹਾਂ ਦੇ ਟੋਇਆਂ ਵਿੱਚ
ਡੁੱਬ ਜਾਣੇ ਸਾਰੇ ਦੁੱਖ ਲੋਕਾਂ ਦੇ

ਇਹਦੇ ਪਿੰਡੇ ਵਾਂਗ ਹੋਣਗੀਆਂ
ਕੂਲ਼ੀਆਂ ਕੂਲ਼ੀਆਂ ਸੜਕਾਂ ਜੀ

ਕਾਗਜਾਂ ਵਿੱਚ ਹੋਉ ਤਰੱਕੀ
ਕੱਢ ਦਿਆਂਗੇ ਸਭ ਰੜਕਾਂ ਜੀ

ਢੱਠੇ ਸਕੂਲ ਬਿਨ੍ਹਾਂ ਅਧਿਆਪਕ
ਪੜ੍ਹਣਗੇ ਬੱਚੇ ਇਹਦੀਆਂ ਕਿਤਾਬਾਂ ਨੂੰ

ਮਾਵਾਂ ਭੈਣਾਂ ਧੀਆਂ ਥੋਡੀਆਂ
ਦਬਾ ਰੱਖਣਗੀਆਂ ਅਜ਼ਾਦੀ ਦੇ ਖ਼ਾਬਾਂ ਨੂੰ

ਢਿੱਡ ਭਰਨੇ ਲਈ ਰੱਜ ਰੱਜ ਸੁੰਘੋ
ਇਹਦੇ ਸੁਰਖੀ ਪਾਉਡਰ ਦੀਆਂ ਲਪਟਾਂ ਜੀ

ਡਾਕੇ ਮਾਰੋ ਨਸ਼ੇ ਵੇਚੋ
ਠਾਣਾ ਨਾ ਲਿਖੂਗਾ ਕਦੇ ਰਪਟਾਂ ਜੀ

ਵਾਰੇ ਨਿਆਰੇ ਖੇਤਾਂ ਵਿੱਚ ਹੋਣੇ
ਕੋਹ-ਕਾਫ਼ ਦੀਆਂ ਪਰੀਆਂ ਨਰਮਾਂ ਚੁੱਗਣਗੀਆਂ

ਕਣਕ ਝੋਨਾ ਮੋਠ ਜੋ ਮਰਜ਼ੀ ਬੀਜੋ
ਸਾਰੇ ਦੇਸ ਵਿੱਚ ਦਾਖਾਂ ਹੀ ਉੱਗਣਗੀਆਂ

ਇਹ ਬੀਬੀ ਹਰ ਮਰਜ਼ ਦੀ ਦਵਾ ਹੈ
ਤੋੜ ਦੇਉਗੀ ਰੋਗ ਸਾਰੇ ਹੀ ਥੋਡੇ ਜੀ

ਹਸਪਤਾਲ ਸਾਰੇ ਬੰਦ ਕਰ ਦੇਣੇ
ਬੁੱਢਿਆਂ ਦੇ ਆਪੇ ਚੱਲ ਪੈਣਗੇ ਗੋਡੇ ਜੀ |

ਸੰਪਰਕ:  001-604-825-8053

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ