Thu, 21 March 2019
Your Visitor Number :-   1635363
SuhisaverSuhisaver Suhisaver
ਆਸਾਮ 'ਚ ਜ਼ਹਿਰੀਲੀ ਸ਼ਰਾਬ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 124 ਹੋਈ               2019 ਦਾ `ਸੂਹੀ ਸਵੇਰ ਮੀਡੀਆ ਐਵਾਰਡ` ਮਿਲਿਆ ਕਿਰਨਜੀਤ ਕੌਰ ਐਕਸ਼ਨ ਕਮੇਟੀ ਅਤੇ ਜਨ -ਸੰਘਰਸ਼ ਮੰਚ ਹਰਿਆਣਾ ਨੂੰ               ਬਰਾਬਰੀ ਦੇ ਸਮਾਜ ਦੀ ਉਸਾਰੀ ਲਈ ਸ਼ੋਸ਼ਤ ਵਰਗ ਨੂੰ ਇਕਜੁੱਟ ਹੋਣ ਦੀ ਲੋੜ : ਆਰਫ਼ਾ ਖ਼ਾਨਮ              

ਰਾਜਵਿੰਦਰ ਰੌਂਤਾ ਦੀਆਂ ਦੋ ਕਵਿਤਾਵਾਂ

Posted on:- 24-05-2014


--ਅੱਤਵਾਦੀ--


ਘਰ ਬਾਰ ਛੱਡ ਕੇ

ਹਥਿਆਰ ਚੁੱਕੀ

ਮੌਤ ਦੇ ਅੰਗ ਸੰਗ

ਫਿਰਨ ਵਾਲੇ ਹੀ

ਅੱਤਵਾਦੀ ਨਹੀਂ ਹੁੰਦੇ,


ਭਿ੍ਰਸ਼ਟ,ਰਿਸ਼ਵਤਖੋਰ

ਤੇ ਦੁੱਧ ਚਿੱਟੇ ਕੱਪੜੇ,

ਕਾਲੀਆਂ ਐਨਕਾਂ ਵਾਲੇ ਵੀ

ਹੁੰਦੇ ਨਹੀਂ ਭੱਦਰਪੁਰਸ਼

ਧਰਮਾਂ,ਕਰਮਾਂ ਤੇ ਭਰਮਾਂ ਦੇ

ਚੱਕਰਾਂ ’ਚ ਪਾ ਕੇ

ਵਰਗਲਾ ਕੇ

ਬੁੱਧੂ ਬਣਾ ਕੇ,

ਆਪਸ ’ਚ ਲੜਾਉਂਦੇ

ਵੰਡੀਆਂ ਪਾਉਂਦੇ

ਦੰਗੇ ਕਰਵਾਉਂਦੇ,


ਤੇ ਹਰ ਵਾਰੀ ਨਵਾਂ ਲਾਲੀ ਪੌਪ ਦਿਖਾ ਕੇ

ਸਾਡੇ ਹੱਥ ਵਢ ਲੈਂਦੇ ਨੇ

ਪੰਜ ਸਾਲਾਂ ਲਈ ।

ਹੁਣ ਤੁਸੀਂ ਹੀ ਦੱਸੋ

ਕੌਣ ਨੇ ਅੱਤਵਾਦੀ

ਦੰਗਾਕਾਰੀ ਤੇ ਦੇਸ਼ ਦੇ ਦੁਸ਼ਮਨ ।

***


--ਰੱਬ ਦੇ ਬੰਦੇ--

ਮੂੰਹ ‘ਚ ਰਾਮ ਰਾਮ

ਬਗਲ ‘ਚ ਛੁਰੀਆਂ ਵਾਲੇ

ਅਮਾਨਵੀ ਚਿਹਰੇ

ਚਿੱਟੇ, ਪੀਲ਼ੇ

ਨੀਲੇ ਤੇ ਭਗਵੇਂ ਪਾ ਕੇ

ਨਾਵਾਂ ਪਿੱਛੇ ਕਈ ਹਿੰਦਸੇ ਲਗਾ ਕੇ

ਸਾਧੂ ਸੰਤ ਅਖਵਾੳਣ ਵਾਲੇ ਵੀ

ਮਹਾਨ ਪੁਰਸ਼ ਨਹੀਂ ਹੁੰਦੇ



ਧਰਤੀ ਤੇ ਪਸੀਨਾਂ ਵਹਾਉਂਦੇ

ਕਾਮੇ ਸਾਂਝੀ ਤੇ ਮਜੂਰ ਕਹਾਉਂਦੇ,

ਮਿੱਟੀ ਨਾਲ ਮਿੱਟੀ ਹੋ ਕੇ

ਮਿੱਟੀ ਦੇ ਭਾਅ

ਸੋਨਾ ਵੇਚਣ ਵਾਲੇ,

ਦਸਾਂ ਨੌਹਾਂ ਦੀ ਕਿਰਤ ਕਰਨ ਵਾਲੇ

ਹੱਕ, ਸੱਚ ਤੇ ਇਮਾਨਦਾਰੀ ਤੇ ਰਹਿ ਕੇ

ਮੂੰਗੀ ਦੀ ਦਾਲ ਨਾਲ ਕਾਲਜਾ ਧਾਫੜਨ ਵਾਲੇ

ਹੀ ਹੁੰਦੇ ਨੇ

ਰੱਬ ਦੇ ਬੰਦੇ,ਭਗਤ ,ਧੰਨੇ
ਜੱਟ ਤੇ ਸਤਿਕਾਰ ਦੇ ਪਾਤਰ।

ਸੰਪਰਕ: +91 98764 86187

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ