Mon, 25 March 2019
Your Visitor Number :-   1640881
SuhisaverSuhisaver Suhisaver
ਅਸੀਮਾਨੰਦ ਸਮੇਤ ਸਾਰੇ ਮੁਲਜ਼ਮ ਐੱਨ ਆਈ ਏ ਅਦਾਲਤ 'ਚੋਂ ਬਰੀ               ਯਾਕੂਬ ਪਟਾਲਿਆ ਨੂੰ ਉਮਰ ਕੈਦ               ਪੀ ਡੀ ਪੀ ਸਾਰੀਆਂ ਛੇ ਲੋਕ ਸਭਾ ਸੀਟਾਂ 'ਤੇ ਲੜੇਗੀ ਚੋਣ : ਮਹਿਬੂਬਾ              

ਗ਼ਜ਼ਲ - ਆਰ.ਬੀ.ਸੋਹਲ

Posted on:- 05-07-2014




ਦੁੱਖ ਹੋਏ ਮੇਰੇ ਹਾਣ ਤੋਂ ਵੱਢੇ,ਟੁੱਟ ਗਏ ਸਭ ਸਹਾਰੇ
ਆਸਾਂ ਦੇ ਸਮੁੰਦਰਾਂ ਦੇ ਵੀ ਖੁਰ-ਖੁਰ ਜਾਣ ਕਿਨਾਰੇ
 
ਜ਼ਖਮਾਂ ਦੀਆਂ ਤਰੇੜਾਂ ਵਿਚੋਂ ਯਾਦ ਦੇ ਬੂਟੇ ਉਘ ਜਾਂਦੇ,
ਗਲ ਗਲ ਤੀਕਰ ਉੱਚੇ ਹੁੰਦੇ ਜਦੋਂ ਸਿੰਝਦੇ ਹੰਝੂ ਖਾਰੇ
 
ਉਂਝ ਤਾਂ ਬੰਦਾ ਕਰਕੇ ਹੀਲਾ ਹਰ ਕੋਈ ਬਾਜ਼ੀ ਜਿੱਤ ਸਕਦਾ,
ਇਸ਼ਕ ਹਕੀਕੀ ਜਿੱਤ ਲੈਂਦਾ ਜੋ ਦਿਲ ਦੀ ਬਾਜ਼ੀ ਹਾਰੇ
 
ਮੈਂ ਮਾਹੀ ਵਿੱਚ ਮਾਹੀ ਮੈਂ ਵਿੱਚ ਰੁਤਬਾ ਹੁਣ ਕੋਈ ਹੋਰ ਨਹੀਂ,
ਰੂਹ ਨੂੰ ਸੂਹਾ ਰੰਗ ਚੜਾਤਾ ਅਸੀਂ ਤੇਰੇ ਤੋਂ ਬਲਹਾਰੇ
 
ਰਜ਼ਾ ਤੇਰੀ ਜੇ ਹੋਵੇ ਰਾਜ਼ੀ ਅਰਸ਼ੀਂ ਪੀਂਘ ਵੀ ਚੜ ਜਾਂਦੀ,
ਇਸ਼ਕ ਤੇਰੇ ਵਿੱਚ ਵੱਟ ਲਿਆ ਰੱਸਾ ਹਥੀਂ ਦੇ ਹੁਲਾਰੇ I
 
ਉਘਦਾ ਸੂਰਜ ਧੁੱਪਾਂ ਵੰਡੇ ਚੰਨ ਵੰਡਾਏ ਚਾਨਣੀਆਂ ,
ਸੋਹਲ ਦੇ ਹੁਣ ਧੁਖਦੇ ਦਿੱਲ ਨੂੰ ਕੋਣ ਆਏ ਤੇ ਠਾਰੇ


Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ