Sat, 25 May 2019
Your Visitor Number :-   1709804
SuhisaverSuhisaver Suhisaver
ਪੱਛਮੀ ਬੰਗਾਲ ਦੇ 9 ਲੋਕ ਸਭਾ ਹਲਕਿਆਂ 'ਚ ਚੋਣ ਕਮਿਸ਼ਨ ਨੇ ਪ੍ਰਚਾਰ 'ਤੇ ਲਗਾਈ ਪਾਬੰਦੀ               ਪਾਕਿਸਤਾਨ ਨੇ ਜਾਰੀ ਕੀਤੀਆਂ ਸ੍ਰੀ ਕਰਤਾਰਪੁਰ ਸਾਹਿਬ ਲਾਂਘੇ ਦੀ ਉਸਾਰੀ ਦੀਆਂ ਤਾਜ਼ਾ ਤਸਵੀਰਾਂ              

"ਬਾਬੇ" ਆਖਦੇ - ਹਰਜਿੰਦਰ ਸਿੰਘ ਗੁਲਪੁਰ

Posted on:- 21-04-2015

suhisaver

ਵਾਂਝੀ ਜਿਹੜੀ ਹੈ ਗੁਰੂ ਦੀਆਂ ਰਹਿਮਤਾਂ ਤੋਂ,
ਰਖੀਏ ਸਦਾ ਹੀ ਕੋਲ ਕਿਰਪਾਨ ਮਾੜੀ।

ਮੌਕਾ ਦੇਖ ਕੇ ਪੱਗਾਂ ਨੂੰ ਹੱਥ ਪਾਈਏ,
ਆਉਂਦੀ ਸਾਹਮਣੇ ਦੇਖ ਕੇ "ਜਾਨ" ਮਾੜੀ।

ਸਾਡੇ ਸਿਰ ਤੇ "ਗੁਰੂ ਦਾ ਆਸਰਾ"ਹੈ,
ਤਾਂ ਹੀ ਹੋਈ ਹੈ ਸਾਡੀ ਪਹਿਚਾਨ ਮਾੜੀ।

ਲੜਨਾ ਭੁੱਲ ਕੇ ਰੜੇ ਮੈਦਾਨ ਅੰਦਰ,
ਬਣ ਗਈ ਛਬੀ ਹੈ ਵਾਂਗ ਸ਼ੈਤਾਨ ਮਾੜੀ।

ਮਾੜੀ ਕਿੰਨੀ ਵੀ ਕਿਸੇ ਦੀ ਨੀਅਤ ਹੋਵੇ,
ਕਹਿੰਦਾ ਹੁੰਦਾ ਨਹੀਂ ਕਦੇ ਜਹਾਨ ਮਾੜੀ।

ਵੱਡੇ ਨੋਟਾਂ ਨੂੰ ਕੋਈ ਵੀ ਗੌਲਦਾ ਨੀ,
ਹੁੰਦੀ ਛਣਕਦੀ ਖੀਸੇ ਵਿਚ ਭਾਨ ਮਾੜੀ।

ਭਾਵੇਂ ਹੁੰਦੀ ਹੈ ਗੋਡਿਆਂ ਭਾਰ ਪਰਜਾ,
ਐਪਰ ਹੁੰਦੀ ਨਹੀਂ ਰਾਜੇ ਦੀ ਸ਼ਾਨ ਮਾੜੀ।

ਸਦਾ ਜਾਬਤੇ ਵਿਚ ਤਲਵਾਰ ਰਹਿੰਦੀ,
ਹੋਵੇ ਕਿੰਨੀ ਵੀ ਭਾਵੇਂ ਮਿਆਨ ਮਾੜੀ।

"ਦੋ ਨੰਬਰ ਦਾ ਵੇਚਦੇ ਹਾਂ ਸੌਦਾ",
ਕੀ ਹੋਇਆ ਜੇ ਸਾਡੀ ਜ਼ੁਬਾਨ ਮਾੜੀ।

"ਬਾਬੇ ਆਖਦੇ"ਉਚੀ ਦੁਕਾਨ ਉੱਤੇ,
ਸਦਾ ਪੱਕਦੇ ਹੁੰਦੇ ਪਕਵਾਨ ਮਾੜੀ।

ਸੰਪਰਕ: 0061 469 976214

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ