Sat, 11 July 2020
Your Visitor Number :-   2569867
SuhisaverSuhisaver Suhisaver
ਸੂਹੀ ਸਵੇਰ ਦਾ ਸਾਲਾਨਾ ਸਮਾਗਮ 9 ਫਰਵਰੀ ਨੂੰ ਪੰਜਾਬੀ ਭਵਨ ਲੁਧਿਆਣਾ ਵਿਖੇ               ਜਥੇਦਾਰ ਅਵਤਾਰ ਸਿੰਘ ਮੱਕੜ ਨਹੀਂ ਰਹੇ              

ਗ਼ਜ਼ਲ - ਸੰਤੋਖ ਸਿੰਘ ਭਾਣਾ

Posted on:- 30-04-2015

suhisaver

ਤੇਰੇ ਹੱਸਿਆਂ ਹੋਈ ਫਿਜ਼ਾ ਸੰਧੂਰੀ ਹੈ।
ਬਦਨ ਤੇਰੇ ਨਾਲ ਖਹਿ ਕੇ ਪੌਣ ਸਰੂਰੀ ਹੈ।

ਮਿੱਠੀ ਤੱਕਣੀ ਖਿੜੀ ਬਸੰਤ ਬਹਾਰ ਜਿਹੀ,
ਮਿਲਣੀ ਦੇ ਇਕਰਾਰ ਜਿਹੀ ਤੇਰੀ ਘੂਰੀ ਹੈ।

ਮਹਿਕ ਪਿਆ ਚੁਗਿਰਦਾ ਥੱਲਿਉਂ ਅੰਬਰ ਤੱਕ,
ਪੋਣੇ ’ਚੋਂ ਜਦ ਖੋਲ੍ਹੀ ਹੀਰ ਨੇ ਚੂਰੀ ਹੈ।

ਮਸਤ ਟਹਿਕਦੇ ਫੁੱਲਾਂ ਦੇ ਦਿਲ ਧੜਕ ਪਏ,
ਕੋਲੋਂ ਲੰਘੀ ਪਰੀ ਜੋ ਹੁਸਨ - ਗਰੂਰੀ ਹੈ।

ਇੱਕ ਦੂਜੇ ਦੇ ਕੰਨ  ‘ਚੋਂ ਕਹਿਣ ਗੁਲਾਬ ਪਏ,
ਮਹਿਕਾਂ ਵੰਡਦੀ ਕਲੀ ਇਹ ਭਰੀ ਪੂਰੀ ਹੈ।

‘ਭਾਣੇ’ ਜਿਹੇ ਸਿਦਕੀ ਬੰਦੇ ਵੀ ਪਿਘਲ ਗਏ,
ਲਾਂਬੂ ਲਾਉਂਦੀ ਲੰਘੀ ਵੱਟ ਕੇ ਘੂਰੀ ਹੈ।
                    
            ਸੰਪਰਕ:+91 98152 96475

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ