Mon, 14 October 2019
Your Visitor Number :-   1827786
SuhisaverSuhisaver Suhisaver
ਨੋਬਲ ਪੁਰਸਕਾਰਾਂ ਦਾ ਐਲਾਨ               ਰਵੀ ਸ਼ੰਕਰ ਝਾਅ ਨੇ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੇ ਚੀਫ਼ ਜਸਟਿਸ ਵਜੋਂ ਲਿਆ ਹਲਫ਼              

ਗ਼ਜ਼ਲ- ਸ਼ਮਸ਼ੇਰ ਸਿੰਘ ਸੰਧੂ

Posted on:- 27-05-2015

suhisaver

ਧੀਆਂ ਤੇ ਪੁੱਤ ਦੋਵੇਂ  ਖ਼ੁਸ਼ੀਆਂ ਦਾ ਹਨ ਖ਼ਜ਼ਾਨਾ
ਧੀਆਂ ਨੂੰ  ਜਾਣ ਮਾੜਾ  ਪਿੱਛੇ ਨਾ ਸੁੱਟ ਨਦਾਨਾ।
 
ਜੀਵਨ ਦੀ  ਬਣਤ ਐਸੀ  ਧੀਆਂ ਨੂੰ  ਤੋਰ ਦੇਣਾ
ਆਪੇ  ਹੀ  ਜੋੜ  ਹੱਥੀਂ  ਦੇਣਾ  ਲੁਟਾ  ਖ਼ਜ਼ਾਨਾ।
 
ਖੰਬਾਂ  ਦੇ  ਹੇਠ  ਪਾਲਣ  ਪੰਛੀ ਤੇ  ਬੱਚਿਆਂ  ਨੂੰ
ਮਾਰਨ ਉਹ ਜਦ ਉਡਾਰੀ ਭਾਲਣ ਨਵਾਂ ਟਿਕਾਨਾ
 
ਧੀਆਂ ਨੂੰ  ਤੋਰ ਹੱਥੀਂ  ਖ਼ੁਸ਼ੀਆਂ ਖਲਾਰ ਦੇਈਏ
ਜੀਵਨ ਦਾ ਹੋਰ ਅੱਗੇ ਚਲਦਾ ਹੈ ਇੰਝ ਫਸਾਨਾ।
 
ਨੌਹਾਂ ਤੋਂ  ਮਾਸ ਜੀਕਣ ਟੁੱਟਦਾ ਨਹੀਂ ਕਦੇ ਵੀ
ਸਾਂਝਾਂ ਇਹ ਮਾਣ ਯਾਰਾ ਸਾਂਝਾਂ ਹੀ ਹਨ ਜ਼ਮਾਨਾ।
 
ਪਹੀਏ ਨੇ ਦੋਇ ਜਿਸਤੇ  ਚਲਦਾ ਜਹਾਨ ਸਾਰਾ
ਜੀਵਨ ਰੰਗੀਨ ਕਰਦੇ ਚੋਬਰ ਤੇ ਰਲ ਰਕਾਨਾ।
 
ਹੱਥੀਂ ਵਿਆਹ ਕੇ ਨੌਹਾਂ  ਧੀਆਂ ਦੇ ਵਾਂਗ ਪਾਲੀਂ
ਗ਼ਰਜ਼ਾਂ  ਤਿਆਗ ਸੱਭੇ  ਸਾਂਝਾਂ ਬਣਾ ਨਿਸ਼ਾਨਾ।

ਈ-ਮੇਲ: shamshersandhu1937@gmail.com

Comments

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ