Tue, 17 October 2017
Your Visitor Number :-   1096560
SuhisaverSuhisaver Suhisaver
ਆਰੂਸ਼ੀ ਦੇ ਮਾਤਾ-ਪਿਤਾ ਜੇਲ੍ਹ 'ਚੋਂ ਰਿਹਾਅ               ਤਖ਼ਤ ਸ੍ਰੀ ਪਟਨਾ ਸਾਹਿਬ ਤੋਂ ਸਿੱਖ ਬੀਬੀਆਂ ਨੂੰ ਕੀਰਤਨ ਕਰਨ ਦੀ ਪ੍ਰਵਾਨਗੀ              

ਨਕਸ਼ਾ - ਹਰਜੀਤ ਕਾਤਿਲ ਸ਼ੇਰਪੁਰ

Posted on:- 13-07-2017

ਬਹੁਤ ਨਹੀਂ ਹੁੰਦਾ 
ਕਵਿਤਾ ਸਜਾਉਣ ਲਈ
ਜ਼ਿੰਦਗੀ ਦੇ ਅਖੌਤੀ ਹਰਫ਼ਾਂ ਨੂੰ
ਕਵਿਤਾ ਚ ਘਸੋੜ ਦੇਣਾ।
'ਤੇ ਜਾ ਫਿਰ...

ਆਪਣੀ ਮਹਿਬੂਬ ਵੱਲ ਲਿਖੇ ਖ਼ਤ ਨੂੰ
ਕਵਿਤਾ ਦਾ ਖਿਤਾਬ ਦੇ ਦੇਣਾ।
ਬਹੁਤ ਨਹੀਂ ਹੁੰਦਾ...

ਰੇਤ ਦੇ ਟਿੱਬੇ ਵਰਗੇ ਵਿਚਾਰਾਂ ਦਾ
ਤੇਜ਼ ਝੱਖੜਾਂ 'ਚ ਸਮਤਲ ਹੋ ਜਾਣਾ।
ਬਹੁਤ ਨਹੀਂ ਹੁੰਦਾ...

ਹਰ ਰਾਤ ਸੁਪਨੇ ਸਜਾਉਣੇ
ਤੇ ਹਰ ਸੇਵਰ
ਮੱਥੇ ਤੇ ਹੱਥ ਧਰ ਸੁਪਨੇ ਉਡੀਕਣੇ।
ਕਵਿਤਾ ਤਾਂ
ਕੁਤਰਾ ਕਰਦੇ ਮਜ਼ਦੂਰ ਦੀ
ਵੱਢੀ ਗਈ ਬਾਂਹ ਵੀ ਹੋ ਸਕਦੀ ਹੈਂ।
ਕਵਿਤਾ ਕੇਵਲ ਭਾਰਤ ਦਾ ਨਕਸ਼ਾ ਹੀ ਨਹੀਂ,

ਜਿਸ ਉੱਤੇ
ਕਸ਼ਮੀਰ ਤੋਂ ਕੰਨਿਆਂ ਕੁਮਾਰੀ ਤੱਕ
ਕਿਤੇ ਵੀ ਨਜ਼ਰ ਨਹੀ ਆਉਂਦੀਆਂ
ਰੋਟੀ ਬਦਲੇ ਜਿਸਮ ਵੇਚਦੀਆਂ ਔਰਤਾਂ।
ਅਤੇ ਕਿਤੇ ਨਹੀ ਸੁਣਦੀਆਂ
ਧੁੱਪ 'ਚ ਨੰਗੇ ਪੈਰੀਂ ਫਿਰਦੇ
ਅਨਾਥ ਬੱਚਿਆਂ ਦੀਆਂ ਕੂਕਾਂ।
ਅਤੇ ਕਿਤੇ ਨਹੀਂ ਸੁਣਦੀ
ਮਜ਼ਦੂਰ ਕੁੜੀ ਦੇ ਅੱਟਣਾ ਭਰੇ ਹੱਥਾਂ ਦੀ ਗਾਥਾ।
ਬਹੁਤ ਨਹੀਂ ਹੁੰਦਾ...

ਵਿਚਾਰਾਂ ਦਾ ਉਲਝ ਕੇ ਰਹਿ ਜਾਣਾ
ਧਰਮ ਤੇ ਸਿਆਸਤ ਦੀ ਦਲਦਲ 'ਚ
ਜਿਸ ਵਿੱਚ ਰਲਗੱਡ ਹੋ ਜਾਂਦੇ ਨੇ
ਮਨੁੱਖੀ ਲੁੱਟ ਚੋਂਘ ਦੇ ਸ਼ਾਸਤਰ
ਅਤੇ ਕਵਿਤਾ ਹੋਕੇ ਰਹਿ ਜਾਂਦੀ ਹੈ
ਅਨਾਥ।
ਅਪਾਹਜ਼।
ਅਤੇ
ਬੇਸਹਾਰਾ।
                    
                                                   
 ਸੰਪਰਕ: +91 96807 95479

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ